¹ Nitwamaare okulokoka nokweikubaigulyaaku enkya kyuuru, nitulyooka tutegeera nka ekizinga ekyo kyeetebwa merila ² Abanaiwanga baali ba kisa muno, nibatukoora ebyekisa ebitali bya buliizo: kubanga bawembere omuuro nibatusemberya isweena olwempewo nolwaikendi eyatutonyereku. ³ Baitu o Paulo ni yakumbaine omuganda gwa bukwi nebuta omukyooto, nazwaamu olwampiita nimwekwaata okumukono; ⁴ abanaiwanga mbaboine ekyeekulula nga kikulebeetera oku mukono, nibakobangana bonka na bonkai nti mazima omuntu oni omutemu; niwankubaire yawonere enyanja, omusango gwe yakoore gya kuzwa; gukumusengeerya, tigumuganya kuba mwoomi. ⁵ Baitu nankunkumuura ekyekurura omumuuro, natabbeeku kabbi? ⁶ Baitu badi nibalowooza ati yazimbire omukono oba yatinduka nagweedi nabaluka? Baitu mbalwiirewo omuno, nka bakyamuroreire batabone kabbi kamuyikireku nibakyuuka nabakoba ati kanca? ⁷ waloowo owampi nekifo kyamusiri gwa muntu omukulu wekizinga ekyo. Eibara lyaanywe pubuli yo oye natusembesya natwiijanjaba nekisa okumala ennaku isatu ⁸ awo oitaamwewa pubuliyo yali nka alamiire nka mulwaire wa musuja ne ekidukano ekyo omusaayi, o Paulo naingira namusabira namutaaku emikono omulwaire nawona: ⁹ ekyo nikyakoleebwe, nabandi boona abaali kukizinga nga bata na balwaire nibaleeta ni bawonyezebwa: ¹⁰ Erate abokukizinga ekyo, ni batuweerya ekitiibwa kikooto muno; erate twaali tukuzwaayo; nibaleeta ebirabo bingi bye twaali twendya. ¹¹ Emyeezi esatu nijayakairewo; nituweeryaayo mukyombo ekya alekizanduriya ekyaali okukizinga omubiseera ebyomuyaga. Akabonesyo kekyombo ekyaalika abalongo ababiri. ¹² Nitugoba e sirakyuzi ni tumalayo ennaku isatu. ¹³ Nizwaayo nitwetoloora, nitwiika e region: waayakaierwo olunaku lumwe luti, empewo ezomuggundu niziiramu nizikunta?ni tukoba ati leero luni, twaaliireki iswe? Naye olunaku lwakabiri, nitwiika e putiooli ¹⁴ Awo twaayajiryeewo aboluganda baingi nitusanyuka; boona ni basanyuka okutubona tumale nabo enaku musanju: olwo tutyo ni twiika e ruumi. ¹⁵ aboluganda niwe bawuurire ebigambo ebyo kwiiza kwaiswe ni bazwaayo okutwaaniriza nokusisinkana omukatale ka apiyo no omubisulo bisatu: oPaulo ni yababoineku, emeeme yaamwe neimuka niyeebalya okanca naguma omwooyo. ¹⁶ Nitwaayigiire omu ruumi, oPaulo nalagirwa okubba yenkai nomuserukare eya mukuumanga. ¹⁷ Awo nuwaakairewo ennaku esatu; nabakoba ati abasaiza aboluganda, nje niwankubaire nka tinakoore naye naboweeibwa olwabwereere nimpweebwaayo omumikono gya abaluumi omuyeerusaalemi ¹⁸ bo nibamaare okukemerya nibataka okutaisya; Olwakuba tibaabaire nansonga gyendi esaanire okunyitisya. ¹⁹ Baitu abayudaaya mbeesala akajagere mba niina omukyooto nibangaana? Njeena nu kwo kujuura okayisaaliya. Ti nka omuntu aliire omunsi yaamwe olukwe naloopa. ²⁰ Kale n’olwensonga eyo mbeetere okumbona n’okunsimoora nanje olwakuba eisuubi lya isirear; mbuweibwe olujegere luni. ²¹ Bani mbakoba ati isew tituweebwanga baluwa za bigambo byaamu okuzwa ebuyudaaya so ate nkulowooza, gonze omwe, eyaizire natukobera oba nasimoora okuwe ekigambo ekibi. ²² Baitu iswe tukutaaka okuwuura okuzwa gyooli byo kulowooza: kubanga tumaite ati ebigambo ebye nzikiiriza enu biweerebwa woona woona. ²⁴ Abaamwe nibaikiriza; bye yasimoire abandi ni bataikiriza ²³ Nibalagaana olunaku nibaiza baingi jaali omukisulo nabanyonyola; ngakutegeerya obwamukama bwa kanca, erate nka abaikirizisya ebigambo bya yesu omumateeka ga musa nomubya balangi. Bakutandika mambya nibaikya obwiire. ²⁵ Ni baalemerwe okutabagana bonka na bonkai ni baaba, o Paulo yeena nikwo kusimoora ekigambo kini ati, omwooyo omwikiiri yakobere kusai okubazeiza baanywe omunabbi isaaya. ²⁶ Nakoba ati: oyabe edi abantu boona osimoore ati: ²⁷ Okuwuura muli wuura, mutategeera;Okubona muli bona, nimuteetegeraOlwokuba omutima gwa bantu banu gisajuwaire.Namatwi gaabwe; gawuura kubbi,Amaiso gaibwe,bagagaireBaleme okubona; namaiso, nokuwuura namatwi,Nokutegeera,nomutima gwaabweNokukyuuka,nje okubawonya ²⁸ baitu ni mutegeere ati obulokozi bwa kanca bunu, buweerezebwe banamawanga? Boona bali buwuura ²⁹ “Ni yasimoire ebigambo ebyo, abayudaaya ni baaba nka bakuwakana muno? bonka na bonkai” ³⁰ Namalayo emyaaka ebiri giramba ewaamwe yenkai omunyuba gye yapangisirye, nabasemberyanga boona abaizanga gyaali. ³¹ Nga abuuliranga obwabukama bwa kanca eranga ayegesyanga nobugumu bwoona ebigambo bya mukama yesu kristo nataziyizibwanga.