¹ .omu biro eby'Omukama Kerodi nagolola omukono okukola okubbi abandi abo omu kkanisa. ² .Naita n'ekitala oYakobbo omuganda wa Yokaana. ³ .Awo niyabweine nka kini Abayudaaya bakisimiire, niyeyongera n'akwata n'oPetero ni byo biro bya migaati ezitazimbulusya. ⁴ .Niyamaare okumukwata,namuta omukamyo namuwaayo edi abajwaka ikumi na mukaaga okumukuuma banai banai nakutaka okumutwala omu maiso gabantu okwakalaku nka kuweire. ⁵ .Awo oPetero nakumirwa omunkomyo; Baitu abeikuramyo nibanyiikiriranga okumuramirya Okanca. ⁶ Oku lunaku oKerode lwe yaali atakire okumuta omumaiso omu kiro oPetero yaali abbasirye akati w'abajwaka babiri,nka aboweibwe oku njegere ibiri,abakumi bali ku lwigi nka bakuuma enkomyo. ⁷ Bona! Ontumwa wa Kanca nayemeera w'ali, ekitangala nikiizula ekisenge, nakubba oPetero omu mbirizi namwiimukya nk'akoba ati imuka mangu enjegere nizizwa oku mukono nizigwa. ⁸ Ontumwa namukoba ati wesibe, ozwaale enkaito zamu. Nakoola atyo. Namukoba ati zwala ekyambalo kyaamu onsengererye. ⁹ Nawuluka,namusenegererya; so teyamaite ati nka byamazima Ontumwa by'akoore, Baitu yalowoize nti abeine kwolesebwa! ¹⁰ .Bwe bayakaire oku bakuumi abekeera, nabakabiri nibayika oku lwigi olw'ekyoma olwakalibwa okwika omu kibuga nirweiguleewo lwonkai nibawuluka,nibakala omu nzira emwe,omu bwangu obwo Ontumwa namuleka. ¹¹ oPetero niyayireemu amaani ati natageire mazima Omukama waiswe atumiire Ontumwa n'antoola omu mikono gya Kerode n'omu kusuubura kwona okweiyanga lya Bayudaaya. ¹² Niyamaare okulowooza kini ,naiza omu nnyumba eya Malyamu eyaali omamwe wa Yokaana eibara lyaamwe eryakabiri maliko nomwo baali bakumbaine baingi okumuramira. ¹³ .OPetero niyakonkonere oku lwigi olw'omwe olwamanju, omuzaana naiza okwebutuka eibara lyaamwe Looda. ¹⁴ .Niyategeire eiraka lya Petero; nataigulaawo olwigi olweisanyu, naye naingira mbiro nakoba oPetero ayemereire enzai oku lwigi.. ¹⁵ .Nibamukoba ati olalukire?Baitu nakalira ati nuwo awo nibakoba ati Ontumwa waamwe. ¹⁶ .Baitu oPetero nayongera okukokona;awo nibaiguirewo nibamubona! nibasamalira. ¹⁷ .Baitu niyabawenyeire omukono okusirika nabakoobera Omukama waiswe bwamutoire omunkomyo nabakoba ati mukoobere oYakobbo n’aboluganda nazwaayo nayaba omu kifo ekindi. ¹⁸ .Awo nibwakyeire emmambya, abajwaaka nibagugumuka muno ati oPetero onu abbaire ki? ¹⁹ .oKerode bwe yamuswagire natamubone,nabuulirya, Nabuulya abakumi nalagira okubaita. nazwa omu Buyudaaya okwaaba eKayisaaliya naikala eyo. ²⁰ .Nasunguwara muno ab'eTulo n'ab'eSidoni nibaiza gyali n'omwoyo gumwe;bwe bakumabaine nibaiza baramya n'oBulaisto omukulu ow'omu nnyumba ya Mukama nibaramya okubaawa emiggyo;olw'okubba ensi yaabwe erisibwa bya munsi ya Mukama. ²¹ .Awo oku lunaku lulagaane; oKerode n'azwala ebbyambalo eby'obukama naikala oku Nazikonero n'abakoba ebigambo. ²² Abantu bona nibasimoola aiguru nti eryo eiraka lya Kanca; tirya muntu. ²³ .Omubwangu obwo Ontumwa wa Mukama n'amukubba; olw'okubba tawaaire Kanca ekitinsya:n'alibwa amagano n'afa. ²⁴ .Baitu,ekigambo kya Kanca niki kula;nikyeyongeranga. ²⁵ oBalunabba n'oSawulo nibara okuzwa e Yerusaalemi nibamaare okwikiirya okuweereza kwaabwe,nibaleeta oYokaana,eibara lyaamwe erya kabiri makko.