¹ OPaulo no Sirwano no Timoseewo edi ekkanisa ey'Abasosolonika omu Kanca oitaiswe na no mukama waiswe OYesu Kristo, ekisa kibengee egyemuli nemirembe. ² Twebalya Okanca okulwa nnywe nnywena ebiro byona nka tuubasimoolaku omukusaba kwaiswe; ³ Ngatwiizukira buliizo omumaiso ga Kannca omulumo gwa nnywe ogwakwikiriza njokufuba okwakwendya, nokugumikiriza okwasuubi lya nywe omumukama waiswe Yesukristo. ⁴ Olwakubba tumaite abaluganda abatakibwa Okanca nka yabakomere. ⁵ Olwakuba enjiri yaiswe tiyaizire jemuli mu kiigambo bugambo wabula erate no mu maani no mu mwooyo omwikiriri, no mukutegerera kimwe okwinji nka ni mumaite ni twali jemuli okulwa nnywe. ⁶ Naanywe ne mutusengerya iswe omumukama waiswe olwakuba mwafunire ekigambo omukuboonaboona okwiingi neisannyu erizwa omumwoyo ogwikiririire. ⁷ Ale mutyo nimubba ekyakuboneraku eji abaikiriza boona omu Makedoni no mu Akaya yonkai. ⁸ Olwakuba egyemuli niyo ezwa ekigambo kya mukama waiswe timu makerdoni no mu Akaya yonkai, baitu o mubuli kifwo okwikiriza kwannywe eji Okanca kwabunire, tutyo nitutaabeeku kigambo kye tweetaaga okusimoola. ⁹ Olwakuba booboonkai bategeize ebikutukwataku okwingira kwaiswe jemuli,era ni bwe twagadukiire Okanca okuleka ebiisani okuweereza Okanca omwoomi ow’amazima. ¹⁰ Nokulindiirya nka omwana wamwe okuzwa omwigguru, gwe yayimbokerye omubafu, Yesu atujjune omubusungu obukwaba okwiiza.