¹ Ale mubuulirenge abakaire abali omu nywe ningye omukaire mwiraabwe era omutegeeza wa biboonoboono bya Kristo, era agabanira amwe ekitinisya ekikwaba okuswekulibwa. ² . Mulisyenge ekisibo kya Kanca ekiri omunywe nga mukukirabirira ti lwamaani baitu lwa okwendya, nka oKanca nayendya; so ti lwakwegombanga amagoba omu bukuyikuyi, baitu olwa mwoyo . ³ . Timwefuulanga abakama bebyo bye mmwabiikisibwe,Naye mubenge edi ekisibo. ⁴ . Era omusumba omukulu ne naliboneka,muliweebwa engule eya ekitinisya etawotoka. ⁵ . Mutyo, abasigazi, mugonderenga abakaire era nywena mwebwenga obuwombeeki, okuweerezeganga nywenkai na nywenkai, kubanga oKanca aziyiza ab amalala, baitu abawombeeki abawa ekisa. ⁶ . Ale mwewombeekenge ansi wa mukono ogwa amaani ogwa Kanca, alyoke abagulumize nga obwiire bwikire. ⁷ . Mussindiikiryenge oku ye okweraliikiira kwanywe kwoona kwoona kubbanga niye ateeka okumwoyo ebigambo byanywe. ⁸ . Mutamiirukukenge, mubonienge, omulabe wanywe ositaani akutambulatambulanga, nka ontale akuwuluguma, nga akutoolya gwe yaalya ⁹ . Oyo mumuziyizenge nga muli baggumu omu kwikiriza kwanywe, nga mumaite nga ebibonoobono ebyo bikiirira edi abaganda banywe abali omu nsi. ¹⁰ . Era Kanca owa kisa kyoona, eyabayetere ekitinisya kyamwe ekitawaawo omu kristo ne bwe mulimala okubonyaabonyezebwa okwa kaseera akadyooli, Ye omwenyenere alibaikiriza,alibagumya,alibawelya Amaana. ¹¹ . Oyo aweebwenge obuyinza emirembe n'emirembe. Amiina. ¹² . Nkubaweereza ebbaluwa omu mikono gya sirwano ow'oluganda omwesigwa, nga ni nkulowooza, eya bigambo ebidyooli, nga nkubabuulirira, ni nkubategeeza nga ekyo nikyo kisa ekyamazima ekya Kanca; mukinywererengaku. ¹³ . Omukaali ali omu Babbulooni omulonde mwiraanye abalamukiirye; no Makko omwana wange. ¹⁴ . Mulamukyengane n'okunywegera okwa kwendya. & Emirembe gyibbenge nanywe nywena abali omu Kristo.