¹ Oludaalo lundi Yesu kali nikemire khu nyanja eye Genesaleti, esidiikha ni simwewodokhanisye nibatekeresa emboosi ya Weere. ² Kawona amaato kabiri khu sigenya, akali nikalekhirwe nabanaabi abali nibosa enjero chawe. ³ Kengira mu lyato lala khwako, eryali erya Simoni, kamuwoola okhulisudya khooyo wutono okhutula khu sigenya. Manu kekhala kasomesa esidiikha nali mu lyato. ⁴ Nikali namalire okhulomaloma, kawoola Simoni ati, Suda mulusiba, musukune enjero chenywe, munaabe. ⁵ Simoni kakakowolamo kawoola ati, Omwami, khunyakhanire esiro syoosi ne yiwuma sikhudisisyekho. Ni khulwemboosi yawo, ndeese enjero. ⁶ Manu nibakhola baatyo, badiisya eηηeni nyingi chene, atono wene enjero chawe ambi chikudukhe. ⁷ Basakula abasyawe mu lyato liindi beche babayeede, becha bechusa amaato kombi no’khwibira kadakha okhwibira. ⁸ Ne Simoni Petero nikawona binno, kafumala khu makulu ka Yesu kawoola ati, “Tula ambi nange, Omwami wange; olwokhuba ndi omutu omukhosi webibi!” ⁹ Olwokhuba ye nabasye bawuka khulwo wungi we’ηηeni chi bali badiiye, ¹⁰ nasirala Yakobo nende Yokana nje lubali, abaana ba Sebedayo, abali ni bakholera alala nende Simoni. Yesu kawoola Simoni ati, Sutya; okhutula olwalero nokhuchanakana, onanabeenge abatu. ¹¹ Manu nibakobya amaato kawe khulukerekha, balekha byoosi baacha naye. Omusaacha Webikeenge. ¹² Awo olwoola nikali mu siko sirala mwibyo, omusaacha kecha owali kechuuye ebikeenge. Ne nikawona Yesu, kakwa kafumala kamwekalikhira ati, Mwami wange, noba nokanya, onyala okhundabya. ¹³ Manu Yesu kakolola omukhono kwaye kamudiirakho nga awoola ati, ndakha,laba! Awene naweene ebikeenge byamutulakho. ¹⁴ Manu Yesu kamukhutira nawoola ati, otawolerakho omutu yeesi, okhutusakho cha, weyekese eyiri khawona oweyo ebyokhwebasa ebyokhulabisiwa khwawo nga Musa lukalagira, okhuba omujulisi yibali. ¹⁵ Naye emboosi chaye chemeeda wemeeda okhusasaana, ebikanda biingi byewuusa okhuwulira nokhubawoniya amalwaye kawe. ¹⁶ Naye Yesu kabatulangamo naacha mu bifwo byowekisi okhwekalikhira. Yesu Awoniya Owakokoomba. ¹⁷ Khu ludaalo lundi Yesu nikali nikekesa, Abafalisaayo nende abasomesa bamalako, abali nibatulire mu ngongo che Galiraaya nende wu Yudaaya nende Yerusalemi, bali bekhaaye ¹⁹ Nibatawona awokhumwingisira olwowungi wa batu, baniina amukulu khusirama badomola bamwisira khusitaanda syaye bamwoosa assi akati wesidiikha, mu moni cha Yesu. awo. ¹⁸ Amaani ka Weere kali naye okhuwoniya owulwaaye. Wona abaatu baleeta omutu khu sitaanda owali nakokoombire, bakhenga amakesi okhumwingisa, nokhumuta mu moni chaye. ²⁰ Manu Yesu nikawona okhufukiirira khwawe, kawoola ati, omwiicha, ebibi byawo bikhulekheywemo. ²¹ AbaFalisaayo na’basomesa ba’malako bachaka okhuyingana abene nabeene nga bawoola baati, “Nje naanu ono olomaloma ebyo’khufwotokheresa? Nanu onyala okhulekheramo ebibi okhumalakho Weere yeηηene?” ²² Ne Yesu kamanya bi bali nibabasa kabateeba ati, “Lwasi mubasa bino mu myoyo chenywe? ²³ Esyangu nje esiri, okhuwoola oti, Ebibi byawo bikhulekheywemo, oba okhuwoola oti, Singira okende? ²⁴ Ne kho mwemewo mumanye muti omwana womutu ali nowunyala khu syalo okhutusakho ebibi.Kawoola omukongobafu ati, nkhuwoola, singira, okiinge omukekka kwawo okowoleyo engo. ²⁵ Awo nawo kasingira mumoni chawe, kakiinga esyo sikali nakonirekho kaacha ewaye nakiniya Weere. ²⁶ Wuli mutu yeesi kawuka bamukiniya Weere. Beechula nokhutya khungi nibawoola baati, khuweene esitabangawo olwaleero. Okhulangiwa Khwa Leefwi. ²⁷ Manu bino nibyawa Yesu katula kawona omusolosi womusolo erita lyaye Leefwi; nikekhaaye mu nyumba yibasoloseramo omusolo, kamuwoola ati, Noonde, ²⁸ Leefwi kalekha byoosi kasingira kamuloonda. ²⁹ Leefwi kakholera Yesu owukeni owukhongo mu nyumba yaye, esikaanda esikhongo esyabasolosa omusolo nende abandi bakali nalya nabo. ³⁰ Naye AbaFalisaayo nabasomesa bamalako abefukiirira yawe khuwawe beηuluηunyira abeeki baye, nibawoola baati, “Siina esibaliisa no’khunywera alala nabasolosa omusolo, na’batu abali ne’bibi’?” ³¹ Yesu kakowolamo kabawoola ati, “Abalamu sinje abadakha omusawo, okhutusako abalwaaye. ³² Ne esse sineecha okhulaanga abolerefu, naye abali nebibi okhweyolobya. Yesu Atebewa Khu Khusiiba. ³³ Bamuwoola baati, Abeeki ba Yokana basiiba amakhabi mangi, khandi nga bekalikhira Weere, nende abeeki Bafalisaayo baatyo, naye abawo bachanakana nokhulya nokhunywa. ³⁴ Yesu kabawoola ati, Munyala okhuwongya abakeni bomusaacha odekhisye enjala, nasiri nabo? ³⁵ Naye endaalo chiicha omusaacha odekhisye lwali batusiwakho; mu ndaalo echo nje lubaliwoonga. ³⁶ Kabawolera olukaado luno ati: Awuma omutu otandula esiraka khu nguwo embyaakha kanabira khunguwo enkhale. Olwokhuba nakhola atyo, aba atandula esiyaakha, nende esiraka siyaakha sisichaana nesikhale. ³⁷ Awumawo omutu owukula omwenge omuyaakha kakuchukha museero lyomwenge omukhale. Nakhola atyo, omwenge omuyaakha kuba kunatandule eseero, nomwenge kuba kunedikhe assi, neseero lya nyasikha. ³⁸ Khaba, omwenge muyaakha kuli nokhuchukhiwa mu maseero mayaakha. ³⁹ Khandi yiwuma omutu yeesi nikakhamala okhunywa omwenge mukhale owakhadakha omuyaakha, kakhawoola ati, omukhale kukhira.’” Omwaami We Sabiiti