¹ Naye Yona kanyolera lukali khandi kaaaba netima. ² Kasaba eyiri OMWAMI atii, "Ooo OMWAMI, sino sinje sinawoola ninali nisiiri engo? Nje esyakira nanguwa okhwirukha okhucha eTalusisi. Namanya ntii oli Weere wesisa khandi osaasira, okhiinda okhunyolera khandi otaleeta owubi. ³ Wunanu Ooo Omwami, yira owulamu wange, olwokhuba khaluukhi silayi ese okhufa okhukhira okhuba omulamu. ⁴ Naye OMWAMI kakowolamo atti, "Oli nende syoosi esikira wanyolera?" ⁵ Yona katula kekhala assi mu sifwo ewatula lyuba we siko sikhoongo. Eyo kekholerayo esikaali, kekhala mu siiwikha syasyo manu kaliinda okhuwona esyakhekholikhire khusiko sikhoongo. ⁶ Manu Omwami Weere katawo omusabbibbu manu kakukhola kwakhula amukulu wa Yona okhuwa esinikha khulwomutwe kwaye okhwanguya engisa chikali naweene, Manu Yona kali musaangaafu lukali khubidiira khu musabbibbu. ⁷ Naye niwukhya oludaalo lulondakho Weere katawo akhawukha, akhanyanga omusabibu kwola kwoma. ⁸ Eryuba niryatulayo, Weere katawo embbuunga yisamba eyewutula lyuba, manu omubasu kwadukha khumutwe kwa Yona manu koola okhusirikhakho kadakha okhufa, kawola atii, "syakhali silayi ese okhufa okhukhira okhuba omulamu." ⁹ Naye Weere kawolera Yona atii, "oli nende syoosi esikira wadirikha etima khulwomusabbibbu? " kakowolamo atti, "ndi munyolefu esimala okhufa." ¹⁰ Naye OMWAMI kawola atii, "obeye weteeye khu byomusabbibbu kuno, awakhaba mbo siwakulabirira oba wakira kwakhula okwamerera musiro sirala khandi kwafiirawo. ¹¹ Naye Nineve siri nende abaatu elifu emya ndala nende kabiri abatanyala okhukawukhaniya omukhono kwawe mulungi okhutula khumukooda. khandi nende enggombe nyingi chosi. Sinkhoyera okhudiliwakho khubidiira khu siko sikhongo esyo?"