¹ Syali esikha syolire esyo’muyumo kwo'khubitakho. Yesu kali kamanya ati ebikha byaye byali byolire ebyokhutula khu syalo ache eyiri Bbaaba. Nga lukali ni kadakhana na batu baye abali mu syalo, khulwo kabekesera erala okhudakha khwaye okhwamukulu. ² Esyengolobe ni syali sikawuliwa, ni awenawo setani kali amalire okhwingira mu Yuda Yisikarioti, omusyani wa Simoni, okhulya mu Yesu olukhwe. ³ Yesu kasimanya ati Bbabba kali amalire okhuta ebitu byosi muwunyala waye, ni khandi nga atula eyiri Weere ni khandi nga akowoolayo yaali; ⁵ Namalire, kachukha amaachi khu beseni kachaka okhwosa abeeki baye amakulu, na basimuula netawulo yikali nikewoyire. ⁴ No'lwasiino, kasiingira khu sideru, ketusakho enguwo yo khumukulu kewowa e tawulo musiwuno. ⁶ Kola khu Simoni Petero, owamuwoola ati, “Omwami, ocha okhunjosa amakulu Ssesi?” ⁷ Yesu kamukowolamo ati, “Osiiri okhusimanya wunaanu sindi okhukhola, ne yiwiicha wiicha okhusimanya.” ⁸ Petero kawoola ati, “Khaba,” “Siwakhose amakulu kange.” Yesu kamukowoolamo ati, “Okhutusakho nga nkhwosa, oba owuma owulala nange.” ⁹ “Ni nje lusiri Omwami,” Simoni Petero kemeeda, “Simakulu konηηene, namakhono kange no’mutwe kwosi!” ¹⁰ Yesu kamukowolamo ati, “Omutu weyokire simudakhisa okhweyosa amakulu konηηene; omubiri kwosi muyonjo. Nawe oli muyonjo, ni sisiri siityo khwiywe mweesi.” ¹¹ Khulwokhuba kali amanyire owali naacha okhumulyamo olukhwe, nje esyakira awoole ati sisiri siityo khwinywe mweesi mbo muli bayonjo. ¹² Nikali kakhamala okhuboosa amakulu, kambala enguwo chaye kakowoola mu sifo syaye. Kabateba ati, “Mu manyire amakhuluutu kesyo sinkholire khwiywe?” ¹³ “Munaanga ‘Omusomesa’ khandi muuti “Omwami” khandi mu wulungifu, nje sindi. ¹⁴ Wunaanu nisiri mbo esse, omwami wenywe khandi omusomesa, mbosiise amakulu, mwesi mwosaniyenge amakulu. ¹⁵ Esse mbatereyewo esyokhuwonerakho musikholenge nga lumbakholeye. ¹⁶ Mbawoolera amasima, awumawo omukhosi okhira omutangirisi waye, oba omutume okhira omutumire. ¹⁷ Nga siri mbo wunanu mu manyire bino bitu, mwicha okhuweresewa enkhabi nimubikhola. Yesu Alakula Okhuliwamo Khwaye Olukhwe! ¹⁸ “Simbajulisa mwesi; manyire abo bandoye. Ni sinno khwoseresa ebyawandiikiwa; “Oyo okabana nange omugati kwange asingisise ebisisiro byaye okhunwanisa.’ ¹⁹ “Mbawoolera niwusiri nisitekholekha, nisiba mbo syolereye syakholekha mulifukirira muuti Nise oyo.” ²⁰ Mbawoolera amasima, oyo yesi offukirira omutu yesi yintuma afukirira esse; ni yesi owunfukirira afukirira oyo owantuma.” ²¹ Nikali namalire okhulomaloma binno, Yesu keecha kachunwa omwoyo lukali khandi katusa owujjulisi ati, “Mbawoolera amasima, mulala khwinywe acha okhundyamo olukhwe.” ²² Abeeki baye bewunjanakho, nibakanakana oyo onasikhole. ²³ Mulala khubo, omweeki Yesu yikali nadakha lukali, nga njo'mwegeηηirekho mu lubaffu. ²⁴ Simoni Petero kasakula khu mweeki oyo nawoola ati, “Muteebe naanu mwene yawoola.” ²⁵ Nasyegeηηire khu Yesu, kamuteeba ati, “Omwami, nje naanu ²⁶ Yesu kamukowolamo ati, “Nje oyo yindawe omugaati kumalire okhukhosa mu munyu” Namalire okhukhosa omugaati kakuwa Yuda Yisikarioti, omusyani wa Simoni. ²⁷ Nga Yuda lukamala okhuwukula omugaati, setani namwingiramo. Yesu kamuwoola ati, “Syoli ambi okhukhola, sikhole muwangu,” ²⁸ ne awuma ata mulala khubali khu sideru owamanya esyakira kamuwoola atyo. ²⁹ Khuba Yuda nje owali alinda esanduuku lye’rubbya, abandi babasa baati amuwoola okhucha akule khu byali bidakhiwa khu mukholo kuno oba awekho sitono eyiri abaati. ³⁰ Yuda nikamala wusa okhuwukula omugaati, natula awaawo. Khandi syali siro. Yesu Alakula Okhwekaana Khwa Petero ³¹ Nikali naweyewo, Yesu kawoola ati, “Wunaanu nje ebikha omwana wo’mutu okhufumisiwa, khandi Weere afumisiwe mu’ye. ³² Nisiba mbo Weere afumisiwa mu’ye, Weere acha okhufumya omwana mu’ye omwene, ni khandi alimufumya mu wangu wene. ³³ “Baana bange, njo khuba ni nanywe mu bikha bitono. Mwicha okhungoonya, khandi nga lunawoolera aba Yudaaya, nje mwesi lumbawolera wunaanu wuno: Yinja, simunyala khwichayo. ³⁴ “Elako yaakha limbawa: Mudakhane. Nga lumbeye nimbadakha, mukhoyire mudakhane. ³⁵ Olwa sinno abatu boosi beecha okhumanya baati muli beeki bange, Nimuba mudakhana abene na’beene.” ³⁶ Simoni Petero kamuteeba ati, “Omwami, ochaaye?” Yesu kamukowoolamo ati, “Ese yinja, syonyala wanondakho wunaanu wuno, ne olinondakho olunyuma.” ³⁷ Petero kateeba ati, “Omwami, siina esikira nakhaya okhukhulonda wunaanu wuno? Niicha okhuwayo owulamu wange khu lwawo.” ³⁸ Ne awenawo Yesu kakowoolamo ati, “Okhakhasa oti onaweyo owulamu wawo khu lwange? Khuwolera amasima, edaaywa niyitakholyokha, onabe wunekaanire amakhabi khadatu!”