¹ Olwa’mberi lwene aliwo emboosi, emboosi yaba nende Weere, ne emboosi yaba Weere. ² . Oyo kaliwo khu lwa’mberi nende Weere. ³ . Ebiitu byoosi byakholewa khu lwoyo; ataasi ye siwakhakholekhire siitu ata sirala esyakholewa. ⁴ . Owulamu wa’mulimo, owulamu waba omubasu kwa’batu. ⁵ . Omubasu kwadukha mu siirema, ne esiirema sisyakutegeera. ⁶ Weechawo omutu Weere yi katuma; eriita lyaye nje Yokana. ⁷ . Oyo keecha ngomujjulisi okhujulira ebidiira khu wulafu owo, khosibe mbo okhumubitiramo sinyalikhe abatu okhufukiirira. ⁸ . Ye omwene sikali omubasu; keecha wusa ngo’wujjulisi khu mubasu. ⁹ . Owulafu owamasima owuweresa owulafu khu wuli mutu wali wiicha musyalo. ¹⁰ . Kali musyalo, esyalo syakholewa nga sibitira mu’ye, ne esyalo si syamumanya. ¹¹ . Keecha mu mako kaye, naye abali mu mako kaye sibamusangaalira. ¹² Naye boosi aba’musangaalira, nje abafukiirira eriita lyaye, Kabawa owunyala okhuba abaana ba Weere__ ¹³ . abaana abateewulwa namabaanga, ata okhudakha khwomubiri oba okhudakha khwo omusaacha, naye abewulwa Weere. ¹⁴ Emboosi yekhola omubiri khandi katwikhalamo. Khwawona oluyaali lwaye, oluyaali olwooyo owewulwa mulala yeηηene, owecha okhutula ewa Seefwe, nikechuuye esisa na masima. ¹⁵ . Yokana kamulomalomakho. Kalomalomera amukulu nawoola ati, “Ono nje yinawoola nti keecha, ‘Oyo owiicha enyuma wange kankhira ese olwokhuba nje owali owamberi khwiise.’” ¹⁸ Si ali owali naweene khu Weere, naye Weere mulala, khandi oyo owikhaye mulubafu lwa Seefwe, akirire kamanyikha. Yokana Omubatiisi Kekaana Ati Sinje Kurisito. ¹⁶ . Olwokhwiichula khwesisa syaye effwe feesi khwafuna esisa sirala olunyuma lwe esisa siindi. ¹⁷ . Olwokhuba amalako kayeresewa okhubitira mu Musa; esisa na’masima byecha okhubitira mu Yesu Kurisito. ²¹ Bamuteeba baati, “Wunaanu niwe naanu? Niiwe Eriya?” Kakowolamo ati, “Siniise.” “Niiwe nabbi?” Kakowolamo ati, “bbe.” ¹⁹ . Wunaanu wuno nje owali owujulisi owa Yokana Abayudaaya aba e Yerusalemi nga nibamutumira ba khawona nende Abaleefi okhumuteeba baati kali naanu. ²⁰ . Sikakhirwa khwekhalaka, kekhalaka alafu n'alafu ati, “Sinise Kurisito.” ²² . Lunyuma bawoola baati, “Niiwe naanu? Tuwe bikhunakowolemo abatutumire. Weranga naanu?” ²³ . Yokana kakowoolamo mu mboosi cha nabbi Yisaaya ati, “Ese ndi kkono lyo’mutu olomalomera amukkulu mu sibbarara, ati, ‘Mukololosere omwami engira.’” ²⁴ . Wunaanu balala khu Bafalisaayo abali nibatumiirwe ²⁵ bamuteeba baati, “Khu lwasiina obatiisa nuba nga siniiwe Kurisito, oba Eriya, oba Nnabbi?” ²⁶ . Yokana kabakowolamo nawoola ati, “Ese mbatiisa na’maachi, “Ne akati mwiinywe emire omutu yimutamanyire. ²⁷ . Nje oyo otula enyuma wange, nga ssesi sinyala okhuwolola ensiya che biraato byaye.” ²⁸ . Ebyo byoosi byakholewa e Besaniya engerekha wa Yoludaani, Yokana yikabatiisiranga. Yesu Ekoondi Lya Weere. ²⁹ . Oludaalo lwalondakho Yokana kawona Yesu nikecha yali kawoola ati, “Wona, omwana we koondi owa Weere, otusawo ebibi bye syalo! ³⁰ . Ono nje yinali ninomalomakho nimboola nti, ‘Enyuma wange yiicha omusaacha owunkhira olwokhuba nje owali owamberi khwiise.’ ³¹ . Ssesi simweene sinali nimumanyire, naye esyakira niniicha nimbatisanga na’maachi syali mbo ye amanyikhe mu ba Yisirayiri.” ³² . Awo Yokana kajjulira nawoola ati: “Nawona omwoyo natula mwikulu nga ewuusi kamusikalakho. ³³ . Ssesi sinakhamumayire, naye owantuma okhubatiisa na’maachi nje owamboola ati, ‘Ewe oliwona omwoyo nikeecha namubakho oyo nje olibatiisa no’mwoyo omwolerefu.’ ³⁴ . Ssesi nawona najjulira nti, “Oyo nje omwana wa Weere.” Abeeki Ba Yesu Aba’mberi ³⁵ Oludaalo olwalondakho Yokana lundi kali awo nende abeeki baye babiri. ³⁶ Nikawona Yesu nabitawo, kawoola ati, “Wona, omwana we koondi owa Weere!” ³⁷ Abeeki abo babiri nibawulira nalomaloma atyo, balonda Yesu. ³⁸ Yesu kekhewukha, kabawona nibamulonda, khandi kabateeba ati, “Mudakha siina?” bakowolamo baati, “Rabbi’’ (esyekesa siiti omwekesa), “Wamenya yeena?” ³⁹ Kakowolamo ati, “Mwiche,” “Manu munawone.’’ Manu bacha bawona yikali nikamenya, bamala oludaalo olwo naye. Chali ambi esaawa ekhumi. ⁴⁰ Andereya, mwanaaηηina Simoni Petero, kali mulala khu babiri owawulira Yokana bikali nalomalomire khandi owali nalondire Yesu. ⁴¹ Esya’mberi Andereya sikakhola nje okhukoonya mwanaaηηina Simoni kamuwoolera ati, “Khuwukanire Messaya’’ (nje Kurisito). ⁴² Manu kamala kamuyira eyiri Yesu. Yesu kamutingaala kawoola ati, “Niwe Simoni omusyani wa’Yokana. Onalangiweenge Keefa” (nusikalukhaniya, nje Petero). Yesu Alanga Firipo Nende Nasanayiri. ⁴³ Oludaalo olulondakho Yesu kakhengawo okhucha e Galiraaya. Ni kawukaana Firipo, kamuwoola ati, “Nonde.” ⁴⁴ Firipo, nasirala nende Andereya nende Petero, kali atula mu siko sye Besusaida. ⁴⁵ Firipo kawukaana Nasanairi kamuwoola ati, ``khuwukanire ola Musa yikawandiikakho mu malako, nende ba nnabbi bosi yibawandiikakho__ Yesu owe Nasaleesi, omusyani wa Yusufu.” ⁴⁶ “Nasaleesi! Aliwo esilayi esyakhatula eyo?’’ Nasanayiri kateeba. Firipo kawoola ati, “Yiicha owone.” ⁴⁷ Yesu nikawona Nasanayiri nikeecha, kamuwoola ati, “Omu'Yisirayiri mwene nguno, otaasikho akhamoko khoosi.” ⁴⁸ Nasanayiri kateeba ati, “Wumanyire otye?” Yesu kakowolamo ati, “Nakhuwona niwali nosiiri mu musaala kwo mutuli Firipo natakhulanga.” ⁴⁹ Manu Nasanayiri kalangirira ati, “Rabbi, niiwe omwana wa Weere; niiwe omwene’ngo wa’Yisirayiri.” ⁵⁰ Yesu kawoola ati, “Ofukiiriye olwokhuba nakhuwoola nti na khuwona assi wo’musaala kwo mutuli. Ocha okhuwona ebiitu bikali ebikhira awo.” ⁵¹ . Lundi kemeeda ati, “Nkhuwoolera amasima, oliwona ekkulu niriikukha, nende bamalayika ba Weere nibaniina khandi nibeekha khu mwaana wo’mutu.”