¹ Okhusaba khwa khabakkuku omunabi khu sigyonoosi. ² OMWAMI, mbuliye enfuma yawo; Nemire mukhutya khulwebikholwa byawo, OMWAMI. Bikowolemu mundalo cheffe mubikha byeffe bilekhe bimanyikhe; muwudinyu yichulisa esisa. ³ Weere kecha natula eTemani, omwolerefu mwene okhutula khulugulu parani. Oluyali lwaye lwawikha ekuulu nende okhukiniya khwaye khwechusiwa khusyaalo. ⁴ Okhunekhanekha khwali nga elyuba nilitula; nilimulikha okhwadakhu okhutula khumukhono kwaye, amani kaye yikali nikesise. ⁵ Olumbe lwa mulangiliramo ebiwukha byowulabe byalondanga yassena. ⁶ Kema, katenganiya esyaalo; kewunja, kakhola ebyaalo bitengelekha. Engulu khale chatengana khandi otugulu tukhakhale otwemyika mikhale twakwa_nayenga akenda nacha endalo chosi. ⁷ Nawona amawema ka kusyani mu ngeri yelalikhisa, nende ebifo byokhwemamo ebya midiyani mukhutya. ⁸ wali ngoli munyifu ne myalo, oh OMWAMI? etima lyawo lyali khutwalo? wasingilira khu kuyanja niwali niyirusya Efarasi chawo nende ebirukha byawo khulwowukhiri? ⁹ Wawikhula oluyingo lwawo, walangisa owusale wungi. waka wulamo ebyaalo ne myaalo; ¹⁰ Engulu chakhuwona khandi chatengerekha. Ebidiba byamachi byomerera; ako amaleyi keduwula khandi kakingula effinda wamukulu. ¹¹ Elyuba nende omwesii byema musifo mwikulu okhumulikha khwokhwirukha khwo busare, wawo, nokhwadukha khwe efumo lyawo. ¹² Muwalaba otengeresa esyaalo khandi mukhunyiga ewe okhonja ebyaalo. ¹³ Wecha watulayo okhulekhula abaatu bawo, okhuwoniya owachukhiwakho amafuta wawo. Watusawo omukhulembisi owesyaalo owowubbi, wamutandula okhutula khumutwe okhwola khukhukulu. ¹⁴ Ne fumo lyawo omwene wamufumita omutwe kwaye abalwani baye ngalubatulayo okhutusalaniya, nibewudumya okhutwetoloranga abadakha okhumira nga abalira mukhwekisa. ¹⁵ Wasenakilira Okuyanja ne mbarasi chawo, okhuduwula amachi makali. ¹⁶ Nawulira nomwoyo kwange kwakhuba, omunwa kwange kwatengerekha khulwe kono; okhuwunya khwabita mumakumba kange, nende amakulu kange katengerekha. Naye nja okhulinda nokhugumikirisa oludaalo olwo khusanda olucha okhwicha khusyalo nilutunyasa. ¹⁷ Ataa omusala mutuli sikumulikha khandi no musabbibu sikulikho byamo, ataa nende omuzayituni nikukhayuwa nende endaalo nichitaleta emere yosi, ataa niwawuma amakondi musiyicho nende enggombe mubidwoli, ¹⁸ Era nja okhusangalira mu OMWAMI, nja okhuba musaangaafu mu Weere omuwoniya wange. ¹⁹ OMWAMI owamani nje amani kange; okhola amakulu kange nga amakulu ke njobe, ya nyalisa okhucha khubinino. omukhulembese wenyembo. khulwesiya chekhuba byange.