¹ Omukkuku nabbi khabakkuku kukafuna. Okhwemulugunya khwa khabakkuku ² Mbaka sina, Oh OMWAMI chindi khulanga khulwowuyedi, Nikhaba syotekeresa? atta okhulirira yoli; "mukhukhayana! Nesiwumboniya? ³ khulwasina wukhola mbone ebitu ebitasi byolelefu? Lwasina ogumikirisa owubi? okhusikhirisa nokhukhayana biri mumoni wange; amakhabi nende okhuyomba biriwo. ⁴ Nolwesyo amalako kasanyalala, nende amasima sikasikhira. Ababi bakhiririsa abolerefu, okhuwona amasima kakodosewa. ⁵ "Wewunje ebyaalo khandi wekhalirise_omale owuke. khulwokhuba nja okhukhola esiitu mundaalo chawo syotali fukiriramo, atta nibakhuwolera. ⁶ Ndi okhusingisa wamukulu abakalidayo, abaatu bawalaba abawuma essisa, abo abeya musyaalo syosi okhuwakamiya ebifo bibamenyamo ebitasi byawe. ⁷ Abo abaatu abatiwa khandi bowulabe; abenne teka khulwawe khandi bekingulira oluyali lwawe abenne. ⁸ Efarasi chawe changuwa okhukhira khungwe, mbalaba okhukhira khu binamindi musiro. Abaasacha bawe abekhala khufarasi batula ewale. Baburukhanga_nga engosiya eyanguwa okhurya; ⁹ Bosi becha nibeyenyekhire khukhayana oweni wawe wuli nga omuyaka okwe sibarara khandi bawusa abawoye nga omusenyu. ¹⁰ Bachekherera abenengo khandi bakhomoola abatuki. Bachekherera ebiko bikhongo byosi; bombocha ebida babiwamba. ¹¹ Nibamala beya nibabita nga omuyaka khandi beyongera-nga abaatu badiliwe esoni, amaani kawe abenne nje Weere wawe. ¹² Oh OMWAMI, ewe syoli owoluberera? Weere wange, omwolerefu wange mulala, effe sikhuliffa. Oh OMWAMI wabatawo abo okhukhenga emisango; ewe, olwanda lwange, wabakhola abo okhuwoneresa. ¹³ Emoni chawo ndayi okhwewunja khusibbi; ewe syonyala okhugumira ebibi. lwasi musino ogumira abo abasikhirisa? Lwasi ewe owulera eyiri abaabi nibamira abo abangi aboleleffu okhukhira abenne nabeene? ¹⁴ Ewe okholile abaatu nga enyyeni echiri mukuyanja; nga ebiwumbe ebiri mukuyanja ebiwuma abatuka. ¹⁵ Abo abaabi bamala babaloba bosi nendobo, abadira mukhatimba kyaye, abawusa kabata musawo yaye yolutimba; ne amala kekhala na sangala. ¹⁶ Khulwesyo awayo sadaka khu khatimba khandi kasamba ebyokhunyokhesa khusawo yakhatimba khaye, khu lwa khatimba khaye amenya muwulamu wesangalo khandi anyumirwa emere yikedakhisa. ¹⁷ Ni acha okhweyongera okhwichulura akhatimba khaye, okhumalawo ebyaalo owutaba nokhusasira?