¹ Khandi Saulo kaliyo, nakhakhasa okhufwa khwaye. Ekanisa Yisandisiwa Khandi Yisalaanisiwa Endaalo echo okhusandisiwa okhwa’maani khwabalukhawo mu Kanisa eYerusalemi, khandi boosi okhutusakho abatume basalaanira woosi mu wu'Yudaaya nende Samaliya. ² . Abatu ba Weere beecha basiikha Sitefwano khandi bamulira lukali. ³ . Naye Saulo kachaaka okhusakuula e Kanisa. Naacha enyumba khu nyumba, kakhurudya abasaacha nende abakhasi nabata mujeera. Firipo Mu Samaliya ⁴ . Abo abali nibasalaanire bawuulira emboosi na’wuli yibachiiranga. ⁵ . Firipo keekhirira kaacha musiko sye Samaliya kalangirira Kurisito eyo. ⁶ . Ebidiikha nibyawulira Firipo khandi byaawona owuwonero we’byamayiya bikakhola, boosi bataayo omwoyo khu bikawoola. ⁷ . Okhukhalachana, emyoyo mibi chatula mu bangi, nende abakongobafu bangi nende abalema beecha bawonesewa. ⁸ . Manu aliwo omwekhoyo mukali mu siko esikhuluutu esyo. Simooni Omulosi ¹⁰ khandi abatu boosi, aba’mukulu nende abaasi, bamutekeresanga nibawoola baati, “Omusaacha ono nje amaani ka Weere akamanyikhanire nga’maani makali.” ⁹ . Wunaanu okhumala esikha aliwo omusaacha yibalanga Simooni kaliingi alakula musikko khandi nga awukiya abatu boosi mu Samaliya. Kepakhanga ati kali wa’makana, ¹¹ . Bamulondaanga alwokhuba kali abawukiisye embaka engali nende amayiya kaye. ¹² . Naye nibafukiirira Firipo nga nikasomesa amawulire amalayi ako’wene’ngo wa Weere nende eriita lya Yesu Kurisito, beecha babatiisiwa, abasaacha nende abakhasi. ¹³ . Simooni omwene keecha kafukiirira khandi kabatiisiwa. Khandi kalondaanga Firipo nawuli awutu, katya olwo wuwonero wamaani nende ebyamayiya bikawona. ¹⁴ . Abatume mu Yerusalemi nibawulira baati Samaliya syali sifukiriiye emboosi ya’Weere, babatumira Petero nende Yokana. ¹⁵ . Niboola, bekalikhira banyale okhufuna Omwoyo omwolerefu, ¹⁶ . Olwokhuba Omwoyo omwolerefu kali asiiri okhwiikhakho khu mutu yeesi khwabo; bali bamalire wusa okhubatiisiwa muliita lyo mwami Yesu. ¹⁷ . Manu Petero nende Yokana babatakho amakhono kaawe, beecha baafuna Omwoyo Omwolerefu. ¹⁸ . Simooni nikawona ati Omwoyo kali akabiwa nende okhutewakho emikhono cha’batume, kabawa erubbya, ¹⁹ . nawoola ati, “Mumbekho ssesi owunyala wunno kho ssesi nawuli yindatengekho amakhono kange anyale okhufuna Omwoyo Omwolerefu.” ²⁰ . Petero kakowolamo ati: “Erubya chawo chisikhirire naawe, olwokhuba, wabaasa oti onyala okhukula esiwanwa sya Weere ne’rubbya! ²¹ . Owumakho esitundu oba omukawo muwuweresa wunno, olwokhuba omwoyo kwawo khaba simukololofu eyiri Weere. ²² . Weyolobye mubibi binmo manu wekalikhire eyiri Omwami. Fwana kakhakhusaasira khulwokhuba ne’sibaaso ng’esyo mu mwoyo kwawo. ²³ . Olwokhuba mbona nti wichuye okutima khandi oli muwuwoye we’sibi. ²⁴ . Manu Simooni kakowolamo ati, “Nekalikhirekho eyiri Omwami akhaye okhubawo syoosi khubyowooye esinanekholekho.” ²⁵ . Nibamala okhujjulira nende okhulangirira emboosi yo’mwami, Petero nende Yokana bakowola eYerusalemi, nibawuulira enjiri mu ngoongo nyiingi echa Samaliya. Firipo Nende Omwesiyopiya. ²⁶ Wunaanu Malayika wO’Mwami kawoola Firipo ati, “Cha emwaalo khungira __ engira ye sibbarara__ eyikhirira okhutula Yerusalemi okhucha e Gasa.” ²⁸ ne nikali khungira naacha engo kali kekhaaye khu sigaali esikhwesewa nende ensukhiri nasoma esitawo sya nnabbi Yiszaya. ²⁷ . Manu kachaaka olukendo, naali khungira kawukaana Omwesiyopiya omurade, omukhuluutu okhulira ebibiikhiro byoosi ebye’rubbya Kandake, nalulingiriiye owa Besiyopiya. Omusaacha onno kali achiiye e Yerusalemi okhwinamira Weere, ³¹ “Nyala ntye,” “Okhutusakho omutu wundi nikanyonyoye?” Manu kalaanga Firipo atuleyo kekhale naye. ²⁹ . Omwoyo kawoolera Firipo ati, “Cha eyiri esigaali sira obe ambi nasyo.” ³⁰ . Manu Firipo kerukha kaniina kaacha khandi kawulira omusaacha nasoma nnabbi Yisaaya. Firipo kateeba ati, “Otegeera byoli okhusomanga?” kakowolamo ati, ³² . Omurade kali asoma olunyiriri luno mu byawadiikiwa sino ati: “Kayiriwa nga ekoondi ericha okhukhengewa, khandi nga omwana kwe koondi nikuba ni kuwuleeye eyiri omubekki, manu sikachimbula omunwa kwaye. ³³ . Mukhuswasiwa khwaye keemewa enkhenga ya’masima. Nanu onyala okhulomaloma khu lwiwulo lwaye? Olwokhuba owulamu waye watusiwa khusyalo.” ³⁴ . Omurade kateeba Firipo ati, “Mbolere, nkhusaba, naanu nnabbi byali okhulomalomakho, khu omwene oba omutu wundi?” ³⁵ . Manu Firipo kachaaka nende olunyiriri lwene lula olwebya-andiikiwa kamuwoolera amawulire malayi akadiira khu Yesu. ^{37 36} . Nga nibakenda khungira, boola ali amaachi manu omurade kawoola ati, “Wona, amaachi ngano. Lwasiina simbatiisiwa?” ³⁸ . Manu kalagira okhwemekha esigaali. Bombi Firipo nende Omurade bekha baacha mu maachi manu Firipo kamubatiisa. ³⁹ . Nibatula mu maachi, omwoyo wo’mwami wangu wene kayira Firipo, manu Omurade sikamuwonakho khandi, naye kadiira engira yaye kawawo nikekhoya. ⁴⁰ . Ne Firipo, kawonekha nali mu Azoto nakeenda, nawuulira enjiri mu bikko byoosi okhwosa lukoola e Kayisaliya.