¹ Manu khawona mukhuluutu kamuteeba ati, “Bibakhufunaniya bituufu?” ² . Khu sinno kakowolamo ati: “Baana befwe nende ba Bbabba, muntekerese! Weere wo’luyaali kawonekhera kuuka yefwe Yibbulayimu nikali nasiiri mu Mesopotamiya, nataamenya mu Kalani. ³ . Lekha esyalo syawo nende abatu bawo,’ Weere kawoola, oche mu syalo sindikhwekesa’ ⁴ . “Manu katula mu syalo sya ba'Kaludaaya kamenya mu Kalani. Simwana namalire okhufwa, Weere kamutuma mu syalo sinno wunaanu yimumenyire. ⁵ . Ano sikamuwa wusikha, ata okhukulu khulala okhwakhaloba. Naye Weere kamusuubisa ati ye nende olwiwulo lwaye balifuna eroba, asyakhaba mbo Yibbulayimu kali awuma omwana. ⁶ . Weere waye kalomaloma mungeri yino: ‘Olwiwulo lwawo luliba lukeni mu syalo sitaasi syawe, khandi baliba bawambe khandi basandisiwa emyaka emya chine. ⁷ . Naye nja okhuwoneresa esyalo sibakholeramo nga abawambe,’ ‘Weere kawoola, ‘khandi olunyuma balitula mu syalo esyo banyinamire mu sifwo sinno.’ ⁸ . Manu kawa Yibbulayimu endakaano yo khukhebewa. Khandi Yibbulayimu keecha kaaba simwana Yisaka kamukheba endaalo munaana nichibitirewo nikewuywe. Olunyuma Yisaka keecha kaaba simwana wa Yakobo, khandi Yakobo keecha kaaba simwana wa bakuuka yeefwe bakhuluutu ekumi na babiri. ⁹ . “Olwokhuba bakuuka yefwe abo batolyokhera Yusufu, bamukusamo nga omuwaambe mu Misiri. Naye Weere kali naye ¹⁰ . manu kaamutusa mu wudinyu waye woosi. Kawa Yusufu amakesi khandi kamunyalisa okhudakhiwa Faraawo omwene’ngo wa Misiri; keecha kamuwa owa Gafana wa Misiri nende edookho lyaye lyoosi. ¹¹ . “Manu enjala yeecha yakwa mu Misiri nende mu Kanani, yaleeta ensaando ngali, khandi bakuuka yefwe bakhaywa okhufuna ebyo’khulya. ¹² . Ne Yakobo nikawulira ati ebyo’khulya biri mu Misiri, katuma bakuuka yefwe ekhabi lisookha. ¹³ . Khu lukeendo lwawe lwe’nkhabi lyokhubiri, Yusufu kawoolera bamwanaaηηina sikali, manu Faraawo keecha kamanya abedaala lya Yusufu. ¹⁴ . Sinno nisiweye, Yusufu katumisa simwana Yakobo nende edaala lyaye lyoosi, abali owungi wabatu nsanfu mutaanu. ¹⁵ . Manu Yakobo kekhirira kaacha e Misiri, ye nende simwana yibafwira. ¹⁶ . Emibiri chawe chakowosewa e Sekemu chasiikhiwa mu nηηani Yibbulayimu yikali nikakula n’erubbya khu basyani ba Kamoli mu Sekemu. ¹⁷ . “Nga esikha nisyali nisisuda ambi esya Weere okhwoseresa esisubiso syaye eyiri Yibbulaimu, owungi wa batu befwe mu Misiri wemeeda lukali. ¹⁸ . Manu omwene’ngo wundi, owali natamanyirekho syoosi esidiira khu Yusufu, kecha mu wutukki wa Misiri. ¹⁹ . Kasaandya abatu befwe khandi kafwinyirira bakuuka yefwe nga abayiinga okhusukuna abaana bawe beewo bafwe. ²⁰ . “Esikha esyo nje Musa sikewulirwamo, khandi sikali mwana wa’nawuli ludaalo. Kalindirwa mu nyumba ya simwana okhumala emyeesi chidatu. ²¹ . Nibamutusa erwanyi, omukhana wa Faraawo kamuwukula kamukhusa nga omusyani waye mwene. ²² . Musa kasomesewa mu makesi ka ba'Misiri khandi kaba wa’maani mukhulomaloma nende mu’bikholwa. ²³ . “Musa nikoosa emyaaka amakhumi kane echo’wukhuluutu, kakhengawo okhucha okhukeniyiira aba Yisirayiri basye. ²⁴ . Kawona mulala khubo nasandisiwa no’muMisiri, manu kacha okhumuyeeda mu khwesasusa nga keetta omu'Misiri. ²⁵ . Musa kabaasa ati abatu baye bene bakhamanyire baati Weere kali amukhosesa okhubanunula, naye khaba sibategeera. ²⁶ . Oludaalo lwalondakho Musa kawukaana Abayisirayiri babiri abali nibalwaana. Kakesakho okhubakowosa alala nawoola ati, ‘Basaacha enywe, muli wandaayo khuwandaayo; lwasiina mudakha okhuwumisaniya?’ ²⁷ . ‘Naye omusaacha wali nasaandya owundi kasiindikha Musa entulo nawoola ati, ‘Naanu owakhuwa owutukki khandi omulamusi khwifwe? ²⁸ . Odakha okhunjita nga niweetire omuMisiri ekulo?’ ²⁹ . Musa nikawulira sinno, kerukha kaacha e Midiani, yikamenya nga omukeni khandi kewulirayo abasyani babiri. ³⁰ . “Emyaka amakhumi kane nichabitawo, malayika kawonekhera Musa mu nimi cho’muliro kuya musichakha ambi nende olugulu Sinayi. ³¹ . Nikawona sinno, katya okhutiingalayo. Nga nikacha okhwekhaliirisa, kawulira ekkono lyo’Mwami: ³² . ‘Niise Weere wa bakukaawo, Weere wa Yibbulayimu, Yisaka nende Yakobo.’ Musa katengerekha no’wuti khandi nga sikanyala khutiingaalayo. ³³ . Manu Omwaami keecha kamuwoolera ati, ‘Tusamo ebiraato byawo; esifwo siwemiremo esyo syolerefu nisyo. ³⁴ . Mbweneye erala okhufiinyirirwa khwa batu bange mu Misiri. Mbuliiye okhwerira khwawe khandi nikhire assi akhubalekhula. Wunaanu yiicha, nja okhukhutuma okowoleyo eMisiri.’ ³⁵ . “Ono nje Musa omwene ola yibekaana ne mboosi chino baati, ‘Naanu owakhuwa owutukki khandi owulamusi?’ Katumiwa okhuba omutukki khandi omuwoniya wawe nende Weere omwene, nga abitira mu malayika owamuwonekhera mu nyaasi. ³⁶ . Kabemerera okhutula mu Misiri khandi kaakhola ebiwukisa nende owuwonero we byamangalima mu Misiri, khu Nyanja ya mabanga khandi olwe myaaka amakhumi kane mu sibbarara. ³⁷ . “Ono nje Musa ola owawoola aba Yisirayiri ati, ‘Weere alibatumira nabbi oli ng’esse okhutula mu batu benywe beene.’ ³⁸ . Kali mu sikanda mu sibbarara, nende malayika owalomaloma naye khu Lugulu Sinayi, khandi nende bakuuka yeefwe; khandi kafuna emboosi enamu okhuchitwoosakho. ³⁹ . “Naye bakuuka yefwe bakhaya okhumuwulira. Musifwo syo’khumuwulira, bamwekaana bakowolayo eMisiri mu myoyo chaawe. ⁴⁰ . Bawoola Aroni baati, ‘Tukholere ba Were abanatutangirire. Olwokhuba omutu onno Musa owatutaangirira okhutula mu Misiri__ sikhumanyire esimwolirekho!’ ⁴¹ . Esyo nje esikha sibakholeramo esilongalongwe mu mufwaano kw’emoosi. Basireteraanga ebiwanwa khandi bakholanga omwekhoyo nibata oluyaali mu bi makhono kawe kali nikakholire. ⁴² . Naye Weere kabakalukhaniya kabatiingaasa okhwinamiraanga emibiri cho’mwikkulu. Sinno sifukiirisaniya nende esyawandiikiwa mu sitawo sya ba nnabbi siiti: “’Mwandeterakho ebiwanwa nende ebikhengeewa emyaaka amakhumi kane mu sibbarara, Oo nyumba ya Yisirayiri? ⁴³ . Musingisiise amukulu eweema ya malaki nende eηηiniηηini ya weere wenywe Lefani, ebilongaloongwe bimwakhola okhwinamiraanga. Nolwesyo nja okhubayira mu khwoolwa’ aleeyi okhutuuma Babbulooni. ⁴⁶ owasangaalira okhusiima khwa Weere khandi kaasaba anyale okhuweresewa esifwo esyokhumenyamo khwa Weere wa Yakobo. ⁴⁴ . “Bakuuka yefwe bali nende eweema eyo wujjulisi mu sibbarara. Yali yakholewa nga Weere nikali na laggiye Musa, okhuchaana nende omusono kukali naweene. ⁴⁵ . Nibamalire okhuweresewa e weema, bakuuka yefwe nibali assi wa Yoswa yibecha nayo nibawukula eroba okhutula mu makunda Weere kakali nikerusisyemo enja chindi khulwawe. Yasikala mu syalo okhwoosa mu ndaalo cha Daudi, ⁴⁹ “ ‘Ekkulu nje esisaala syange, khandi esyalo nje esiteni syo’khukulu khwange. Nyumba yi’faana yiitye yolinyombakhira? Omwami aloomaloma__ Oba esifwo syange esyo’khujoηηolokheramo siriba yeena? ⁴⁷ . Ne kali Sulemaani owamwoombakhira enyumba. ⁴⁸ . “Asyakhaba siityo, oli amukulu lukali syamenya mu mayuumba akombakhiwa na’batu. Nga nnabbi lwawoola ati: ⁵⁰ . Omukhono kwange sinje okwakhola binno byoosi?’ ⁵³ enywe abafuna elako elyatewa mu nkhola okhubitira mu ba malayika naye mwakhaya okhulifukirira.” Sutefwano Akhubbiwa Amakina. ⁵¹ . “Enywe abatu bamakosi amawangalafu, ne myoyo echitakhebewa namatwi! Muli wussa nga bakuuka yenywe: mwamenya nimuyinganiya omwoyo omwolerefu! ⁵² . Yalikhooyo nnabbi yi bakuuka yenywe batasandya? Boola no’khwiita abo abalakula okhwiicha khwo’mwolerefu. Khandi wunanu mumuliiyemo olukhwe khandi mu mumikire__ ⁵⁶ “Kawoola ati, “Wona,” “Mbona ekkulu liikukhire nende omwana wo’mutu keemire khu mukhono mulungi okwa Weere.” ⁵⁴ . Nibawulira sinno, badiriwa etiima lukali khandi besya ameeno ali. ⁵⁵ . Naye Sutefano, nikechuye omwoyo omwolerefu, kewunja amukulu mwikkulu kawona oluyaali lwa Weere, nende Yesu nikemire khumukhono mulungi okwa Weere. ⁵⁷ . Khu sinno basemba amatwi kawe, nibakhumulira mumakono kawe amukulu, bosi boosi bamwakukhira. ⁵⁸ . Bamukhuruudya bamutusa erwanyi we’siko bachaaka okhumukhubba amakina. Ebyo nibisiiri awo, abajjulisi beecha bata enguwo chawe khumakulu ko musyani omusiimbukha olangiwa Saulo. ⁵⁹ . Nibali nibasimukhubba amakina, Sutefwano kekalikhira ati, “Omwami Yesu, wukula omwoyo kwange.” ⁶⁰ . Namala akwa khumakhumbo kaye nalira ati, “Omwami, otababalirakho esibi sinno.” Nikamala okhulomaloma atyo, endoolo chamuyira. EBIKHOLWA