¹ Abatume nende ba wandaye mu wuYudaaya mwoosi bawulira baati nende abateende bosi bali bafukiriiye emboosi ya Weere. ² N'olwesyo Petero nikacha e Yerusalemi, abafukiirisi abakhebe bamwolobya ³ nibawoola baati, “Mwacha mu nyumba cha bataasi bakhebe khandi mwalya nabo.” ⁴ Petero kachaaka khandi okhubanyonyola wuli situla muwimbikkiti ngalusyali sikholekhanire: ⁵ “Nali mu sikko sya Yopa ninsaba, ngo’loota nawona okhuwikhulirwa. Nawona esitu nge'suuka nkhongo nga yisiwa okhutula mwikkulu mumakoona kayo kane, yesewa okhwola anali. ⁶ Nayewunjamo nawona ebisolo bya makulu kane ebyo’khusyalo, amanani ko’munyasi, ne bye’khwesa assi, na’mayoni komu bbanga. ⁷ Awenawo nawulira ekkono nirimbolera liiti, ‘Siingira, Petero. Yiita olye.’ ⁸ “Nakowolamo nti, ‘Esitanyalikha, Omwami! Awuma esitalabisiwa oba esiitu syomusiro esyali syengirakho mumunwa kwange.’ ⁹ “Ekkono lyalomaloma okhutula mwikkulu ekhabi lyo’khubiri, niriwoola liiti, ‘Otalaanga esiitu syoosi esyomusiro esya Weere sikoosa sikalabya.’ ¹⁰ Sinno syakholekhana amakhabi kadatu, ni khandi syakhwesewa nisikowola mwikkulu lundi. ¹¹ “Manu esikha syene esyo abasaacha badatu abali nibatumiwe yindi okhutula e Kayisaliya baakama ali enyumba yinali nimenyiremo. ¹² Omwoyo kambola okhutaba no’khukanakana okhucha nabo. bawandaye'fwe banno mukaaga bosi bacha nange, khandi khwengira nabo munyumba yo’musaacha. ¹³ Katuwolera nga lukawona malaika nawonekheye mu nyumba yaye khandi kawoola ati, ‘Tumisa mu Yupa Simoni olangiwa Petero. ¹⁴ Anabaletere owubakha owucha okhuwoniya enywe ne’nyumba chenywe.’ 15 “Nga lunachaaka okhulomaloma, Omwoyo Omwolerefu kabekhakho nga lukali atwikhirekho munjaaka. ¹⁶ Awenawo neecha nechulisa Omwami sikali nawooye ati: ‘Yokana kabatisa na’maachi, ne mulibatisiwa n'Omwoyo Omwolerefu.’ ¹⁷ Ne nisiba mbo Weere nikabawa esiwanwa sifanana nga lukatuwa, effwe abafukiirira mu mwami Yesu Kurisito, nisse naanu owakhabasise okhuyinganiya Weere?” ¹⁸ Nibawulira sinno, sibaba nesindi sibayinganiya khandi bafumiya Weere, nibawoola baati, “Sakira wunaanu, Weere aweye ata na'bateende okhusaba esirekhero esibawa owulamu.” Ekanisa Mu Antyokiya ¹⁹ Wunaanu abali nibasalaanisiwa olwokhusandisiwa khwaba nikhulondana nende Sutefwano bali bongukha paka Foyiniki, e Kupulo nende mu Antyokiya, nga bawolerakho owubakha a Bayudaaya bonηηene. ²⁰ Abandi khubo, abali nibatula mu Kupulo nende Kureeni bacha mu Antyokiya bachaaka okhubilomalomera a Bayonani boosi, nga babekesa amawulire malayi akaddira khu mwami Yesu. ²¹ Omukhono kwo’mwami kwali nabo, bangi bafukiirira bakalukhanira Omwami. ²² Amawulire kano kolera mu matwi ke’kanisa ya Yerusalemi, bamala batuma mu Antyokiya. ²³ Nikoola kawoona owujjulisi owesissa sya'Weere, kalimusangaafu khandi kabaggumya boosi badonηηe bamasima mu Mwami ne’myoyo chawe choosi. ²⁴ Kali musaacha mulayi, owechusiwa omwoyo Omwolerefu ne nfukiirira, abatu bangi baletewa eyiri Omwami. ²⁵ Manu kacha e Tarusisi okhukonya Saulo, ²⁶ ne nikamuwukana, kamuleeta Antyokiya. N'olwesyo okhumala omwaka omulamba Bbalunabbanende Saulo baakanana ne’kanisa basomesa enamba ya’batu ngali. Abeeki nje olwali olusokha okhulangiwa abaKurisitaayo mu Antyokiya. ²⁷ Mu bikha binno ba nabbi bandi bekha nibatula mu Yerusalemi nibacha mu Antyokiya. ²⁸ Mulala khubo, olangiwa Agabo, kasiingira okhubitira mu’Mwoyo kalakula okhwicha khwe’njala eya’maani eyali yiicha okhuswaniya esyalo sya Buruumi syoosi (sinno syaliwo mu wutuki wa Kulawudiyo) ²⁹ Abeeki, nga'maani ka wuli mulala lukali, bakesakho okhuyeeda bawandayawe abafukirisi abali bamenya mu bu’Yudaaya. ³⁰ Binno babikhola, nibalakirisa esiwanwa syawe eyiri abakofu nga basibisya mu nende Saulo. EBIKHOLWA