¹ Mu Kayisaliya yaliyo omusaacha olangiwa Koluneriyo, omukhongo mu maye akali ni kamanyikhanire nga eye lye’Siyitale. ² . Ye nende abomudaala lyaye boosi bali abesinani mu’nfukiirira khandi abatya Weere; kakabanga no’mwoyo mulala eyiri abo abaliingi no’wetaafu khandi nga kekalikhira Weere wulisikha. ³ . Oludaalo lundi ambi esaawa nga mwenda echesideete kafuna okhwekesewa. Keecha kawona wulayi wene malayika wa Weere, owecha yali kamuwoola ati, “Koluneriyo!” ⁴ . Koluneriyo kamudangalirakho no’wuuti kateeba ati, “Siina syene, Omwami?” Malayika kakowolamo ati, “Okhwekalikhira khwawo nende ebiwanwa byoowa abawati byekesiseyo nge esichuliso eyiri Weere. ⁵ . Wunaanu tuma abasaacha mu’Yopa bakowose omusaacha olangiwa Simoni yibalanga Petero. ⁶ . Amenyire nende Simoni omubambi wa’maseero, omwene nyumba eyiri khuntulo wo’ kuyanja.” ⁷ . Malayika owalomaloma naye nikali namalire okhuwawo, Koluneriyo kalanga babiri khubakhosi baye nende omusikari owali omwesikwa munfukirira mulala khubamukholeranga. ⁸ . Kabawoolera wuli siitu esyali nisikholekhire khandi kabatuma okhucha mu’Yopa. Okhuwonekherwa Khwa Petero. ⁹ . Ambi mu sideete oludaalo oluloondakho nga nibali khungira yaawe nibali ambi okhwoola mu sikko sikhongo, Petero kaniina amukulu khu sirama okhwekalikhira. ¹⁰ . Kawulira enjala keecha kadakhakho esiitu okhulya, ne ebyo’khulya nibyali nibisitekekhewa, kecha kaaba ngo’loota. ¹¹ . Kawona ekkulu nirikukhire nesiitu nga ensuuka ekhongo nisiisiwa assi khusyalo nende ensoonda chasyo chine. ¹² . Syalimo enkholo ne’nkholo echebisolo, ebya makulu kane, alala nende ebyekhweesa assi ebyo’khusyalo nende amayoni akomubbanga. ¹³ . Manu ekkono lyamuwolera liiti, “Siingira, Petero. Yiita olye.” ¹⁴ . Petero kakowolamo ati, “Masima keene bbe, Omwami!” Sindyanga esiitu syoosi esyo’musiro oba esibi.” ¹⁵ . Ekkono lyamulomalomera enkhabi eryo’khubiri liiti, “Otalanga esiitu syoosi esyo’musiro Weere sikateresa.” ¹⁶ . Sinno syakholewa amakhabi kadatu, ne wangu wene ensuuka yakowosewayo mwikkulu. ¹⁷ . Petero nikali nasikanaakana khu makhuluutu kokhuwonekherwa khuno, abasaacha abatumiwa nende Koluneriyo bafumbula enyumba ya Simoni yiyali manu beecha beema mu siriwa. ¹⁸ . Balanga, nibateeba Simoni owamanyikhana nga Petero naaba nikamenya awo. ¹⁹ . Petero nikali nasibaasa khu khuwiikhulirwa, Omwoyo kamuwoolera ati, “Simoni, abasaacha badatu bali okhukhukoonya. ²⁰ . Manu siingira wiikhe assi we’goroofwa. Otakanaakana okhucha nabo, olwo’khuba mbatumire.” ²¹ . Petero keecha assi kabawoolera ati, “Niise oyo yimuli okhukoonya. Lwasiina mwiichire?” ²² . Abasaacha bakowolamo baati, “Khutulire eyiri Koluneeriyo Omusirikale. Musaacha mulungifu khandi otya Weere, otewamo oluyaali nende abatu Abayudaaya boosi. Malayika omwolerefu kamuwoola akhuwoole wiiche ewaye kho anyale okhuwulira syowoola.” ²³ . Manu Petero keecha kabasangaalira kabengisa mu nyumba abasaacha abo baaba abakeni baye. Petero Mu’nyumba Ya Koluneeriyo. Oludaalo lwalondakho Petero katula okhuchaana nabo, nende balala khu bafukiriisi okhutula e Yopa bachiirakho. ²⁴ . Oludaalo lwalondakho koola mu Kayisaliya. Koluneriyo kali abasubira okhwiicha khandi nawusiise alala abeekho baye nende abeecha baye abawambi. ²⁵ . Nga Petero nikengira mu nyumba, Koluneriyo kamuwukanira manu kamukwa mumakulu no’khumwiinamira. ²⁶ . Ne Petero kamusiingisa kamuwoola ati, “Esse omwene ndi wussa mutu wutu.” ²⁸ kabawoola ati: “Mumanyiiye wussa erala muuti sikhalaka amalako kefwe Omuyudaaya okhukholagana nende omuteende oba okhumukeniya. Naye Weere kanjekesiise ati, sinkhoyire okhulanga omutu yeesi nti wamusiro oba otakhoyera. ²⁷ . Nasilomalomanga naye, Petero kengira mukkati manu kawukaana omukaanda kwa batu omukali nikwewusiise, ²⁹ . Manu nibanaanga, necha atasi okhuyinganiya khwosi. Sakira nteba nti munangiiye si?” ³¹ kawoola ati, Koluneriyo, Weere awuliiye okhwekalikhira khwawo khandi akhewuliiye ebiwanwa byawo eyiri abawati. ³⁰ . Koluneriyo kakowolamo ati: “Endaalo chine echibitire mbeye munyumba yange ninekalikhira khu saawa nga yinno, esaawa mwenda echesideete. Wangu wene omusaacha munguwo echimekhamekhana keema mumoni change ³² . Tuma e Yopa balange Simoni olangiwa Petero. Mukeni mu nyumba ya Simoni omubambi wamaseero, owamenya ambi nende okuyanja.’ ³³ . Sakira nkhutumiiye wiiche wangu, khandi sirayi wiichire. Wunaanu khuli ano feesi mumoni cha Weere okhutekeresa wuli syoosi Omwami syakhulagiiye okhutuwoolera.” ³⁵ naye afukiirira abatu okhutula mu nawuli syalo abamutya khandi nga bakhola ebyolereeye. ³⁴ . Manu Petero kachaka okhulomaloma ati: wunaanu ntegeera nga nisiri esituufu siiti Weere yiwuma yikekhubbira ³⁶ . Mumanyire owubakha Weere wukatuma eyiri abatu ba Yisirayiri, nabawoolera amawulire amalayi akomulembe okhubitira mu Yesu Kurisito, oyo Omwami wa byoosi. ³⁷ . Omanyire ebyakholekhana mu Buyudaaya mwoosi, okhuchakira mu Galiraaya olunyuma lwokhubatiisa Yokana khu kawuulira __ ³⁸ . Nga Weere nikachukha amafuta khu Yesu owe Naseleesi nende Omwoyo Omwolerefu nende amaani, nende nga lukabitanga nakhola wulayi khandi nawoniyanga abo boosi abaliingi mu maani komusukku, olwokhuba Weere kali naye. ⁴⁰ naye Weere kamusiingisa okhumutusa mu baffu khu ludaalo olwo’khudatu khandi kamukhola kawonekhana. ³⁹ . “Khuli bajjulisi aba nawuli siitu sikakhola mu syaalo sya Bayudaaya nende mu Yerusaalemi. Bamwiita nibamuwanikhire khu musaala, ⁴¹ . Sikawonekhera abatu boosi, naye nende abajjulisi ba Weere kali namalire okhwangala__ nende efwe abalya khandi khwanywa naye namalire okhusyuukhira okhutula mu baffu. ⁴² . Katulagira okhuwuulira eyiri abatu nende okhujjulira khuti nje oyo Weere yikaangala nga omulamusi owa’balamu nende abafu. ⁴³ . Ba nnabbi boosi bamujulirakho baati nawuli omufukiririramo afuna okhusasiirwa okhwe’bibi okhubitira muliita lyaye.” ⁴⁴ . Petero nikali nasilomaloma emboosi chinno, Omwoyo Omwolerefu keecha khu boosi abawulira owubakha. ⁴⁵ . Abafukiirisi abakhebewa abali nibechire nende Petero bawuka okhuwona mbo esiwanwa esyo’mwoyo omwolerefu syali sichukhiiwe ata nende khu Bateende. ⁴⁶ . Olwokhuba babawulira nibalomaloma mu nimi khandi nibakiniya Weere. Manu Petero kawoola ati, ⁴⁷ . “Aliwo omutu yeesi onyala okhukayira abatu banno okhubatiisiwa na‘maachi? Bafunire Omwoyo Omwolerefu wusa nga efwe.” ⁴⁸ . Manu kalagira ati babatiise mu liita lya Yesu Kurisito. Basaba Petero asikale nabo olwendaalo ntono. EBIKHOLWA