¹ Ai Mukama; tonenya mu busungu bwo, So tombuulirira mu kiruyi kyo ekibuubuuka. ² Onsaasire, ai Mukama; kubanga mpotokeire dala: Ai Mukama, omponye; kubanga amagumba gange geeraliikiriire. ³ Era n'emeeme yange yeeraliikiriire inu: Weena, ai Mukama, Olituukya waina? ⁴ Ira, ai Mukama, ondokole emeeme yange: Omponye olw'ekisa kyo: ⁵ Kubanga wabula akwijuukirira mu kufa: Yani alikwebalirya mu magombe? ⁶ Okusinda kwange kunkoowerye; Buli bwire nkulukutya ekiriri kyange; Ekitanda kyange nkizibya n'amaliga. ⁷ Eriiso lyange likulukutire olw'okunakuwala; Likairikire olw'abalabe bange bonabona. ⁸ Muveewo we ndi, mwenamwena abakola ebitali bituukirivu; Kubanga Mukama awuliire eidoboozi ly'okukunga kwange. ⁹ Mukama awuliite okwegayirira kwange; Mukama yanakiriryanga okusaba kwange. ¹⁰ Abalabe bange bonabona baliswazibwa, balyeraliikirira inu: Balidda enyuma, baliswazibwa mangu.