¹ Mwana wange, teekangayo omwoyo eri amagezi gange; Teganga okitu eri okutegeera kwange: ² Kaisi okuumenga okuteesya, N'omunwa gwo gukwatenga okumanya. ³ Kubanga omunwa gw'omukali omugeni gitonya omubisi gw'enjoki, N'omunwa gwe gusinga amafuta obugonvu: ⁴ Naye enkomerero ey'oluvanyuma ekaawa ng'omususa, Esala ng'ekitala eky'obwogi obubiri. ⁵ Ebigere bye bikka mu kufa; Ebisinde bye bikwata amagombe; ⁶ N'okulaba talaba kkubo ttereevu ery'obulamu: Amakubo ge gasagaasagana, so takimanyi. ⁷ Kale nno, baana bange, mumpulirenga, So temuvanga mu bigambo eby'omu kamwa kange. ⁸ Ekkubo lyo limwesambire ddala, So tosembereranga luggi lwa nnyumba ye: ⁹ Olemenga okuwa abalala ekitiibwa kyo, N'emyaka gyo eri omukambwe. ¹⁰ Abagenyi balemenga okukkuta amaanyi go; N'emirimu gyo giremenga okubeera mu nnyumba y'omunnaggwanga; ¹¹ Naawe n'onakuwala enkomerero yo ng'etuuse Ennyama yo n'omubiri gwo bwe birimalibwawo, ¹² N'oyogera nti Nga nakyawanga okuyigirizibwa, Omutima gwange ne gunyoomanga okunenyezebwa; ¹³ So saagonderanga ddoboozi lya bayigiriza bange, So saateganga kutu kwange eri abo abanjigirizanga! ¹⁴ Nabulako katono okuba mu bubi bwonna Wakati mu kkuŋŋaaniro n'ekibiina. ¹⁵ Onyweranga amazzi mu kidiba kyo ggwe, N'amazzi agakulukuta mu luzzi lwo ggwe. ¹⁶ Ensulo zo zandisaasaanidde ddala, Emigga egy'amazzi ne giba mu nguudo? ¹⁷ Gabeereranga ddala gago wekka, So si ga bagenyi wamu naawe. ¹⁸ Ensulo yo ebeerenga n'omukisa; Era sanyukiranga omukazi ow'omu buvubuka bwo. ¹⁹ Ng'ennangaazi ekwagala n'empeewo ekusanyusa, Amabeere ge gakumalenga mu biro byonna; Era osanyukirenga bulijjo okwagala kwe. ²⁰ Kubanga lwaki ggwe okusanyukiranga omukazi omugenyi, mwana wange, N'ogwa mu kifuba ky'atali wuwo? ²¹ Kubanga amakubo g'abantu gali mu maaso ga Mukama, Era atereeza eŋŋendo ze zonna. ²² Obutali butuukirivu bwe ye bulikwata omubi, Era alisibibwa n'emigwa egy'okwonoona kwe, ²³ Alifa olw'okubulwa okuyigirizibwa; Era olw'obusirusiru bwe obungi aliwaba.