¹ Awo bakabaka bonabona ab'Abamoli, ababbaire emitala wa Yoludaani ku luuyi olw'e bugwaisana; na bakabona ab'Abakanani, ababbaire ku nyanza, bwe bawuliire Mukama bwe yakaliirye amaizi ga Yoludaani mu maiso g'a baana ba Isiraeri, okutuuka bwe twamalire okusomoka, omwoyo gwabwe ni gusaanuuka, so nga tewakaali waliwo alina omwoyo mu ibo; olw'a baana ba Isiraeri. ² Mu biseera ebyo Mukama n'a koba Yoswa nti weekolere obwambe obw'a mabbaale, okomole ate abaana ba Isiraeri omulundi ogw'o kubiri. ³ Yoswa ni yeekolera obwambe obw'a mabbaale, n'a komolera abaana ba Isiraeri ku lusozi olw'e bikuta. ⁴ Era eno niiyo ensonga eyabakomoleserye Yoswa: Abasaiza bonabona abaaviire mu Misiri, abalwani bonabona, ni bafiira mu idungu mu ngira, bwe baamalire okuva mu Misiri. ⁵ Kubanga abantu bonabona abaaviireyo ni bakomolwa: naye abantu bonabona abaazaaliirwe mu idungu mu ngira nga bava mu Misiri nga tebakomolwanga. ⁶ Kubanga abaana ba Isiraeri batambuliire emyaka ana mu idungu, okutuusya eigwanga lyonalyona, niibo abalwani abaaviire mu Misiri; lwe lyaweirewo, kubanga tebawuliire idoboozi lya Mukama: Mukama be yalayiriire obutabaganya kubona nsi Mukama gye yalayiriire basaiza baabwe okutuwa, ensi ekulukuta amata n'o mubisi gw'e njoki. ⁷ N'a baana baabwe be yairirye mu kifo kyabwe, abo Yoswa be yakomoire: kubanga babbaire ti bakomole, kubanga tebaabakomoleire mu ngira. ⁸ Awo, bwe bamalire okukomola eigwanga lyonalyona, ni babba mu bifo byabwe mu lusiisira ni bamala okuwona. ⁹ Mukama n'a koba Yoswa nti watyanu njiringisirye ekivumi eky'e Misiri okukibatoolaku. Eriina ery'e kifo kidi kyeryaviire lyetebwa Girugaali ne watyanu. ¹⁰ Abaana ba Isiraeri ni bagona mu Girugaali; ne balya okubitaku ku lunaku olw'e ikumi n'e ina olw'o mwezi olweigulo mu lusenyu olw'e Yeriko. ¹¹ Okubitaku nga kuweireku ku lunaku olw'a makeeri ni balya emere enkalu ey'o mwaka ogwaweireku, emigaati egitazimbulukuswa n'o duuma omusiike, ku lunaku olwo. ¹² N'e maanu n'ewaawo amakeeri, bwe baamalire okulya emere ey'e nsi ey'o mwaka ogwaweireku; abaana ba Isiraeri needed batabba ne maanu ate; naye ne balya ku emere ey'e nsi eya Kanani omwaka ogwo. ¹³ Awo, Yoswa bwe yabbaire ng'a sembereire e Yeriko, n'a yimusya amaiso ge n'a moga, era, bona, nga wemereire omuntu okumwolekera eyabbaire n'e kitala ekisowole mu mukono gwe; Yoswa n'amusemberera, n'a mukoba nti oli ku lwaisu, oba oli ku lwa balabe baisu? ¹⁴ N'a tumula nti bbe; naye omukulu ow'e igye lya Mukama ntuukire atyanu. Yoswa n'a mufukaamirira mu maiso ge, n'a sinza, n'a mukoba nti Mukama wange akoba atya omwidu we? ¹⁵ Omukulu ow'e igye lya Mukama n'a koba Yoswa nti Yambula engaito y'o mu kigere kyo; kubanga ekifo mw'o yemereire kitukuvu. Yoswa n'a kola atyo.