¹ Yoswa omwana wa Nuni n'a tuma abantu babiri nkiso okuva mu Sitimu okukeeta, ng'a tumula nti mwabe, mukebere ensi n'e Yeriko. Ni baaba, ne bayingira mu nyumba ey'o mwenzi, eriina lye Lakabu, ni bagonayo. ² Kabaka w'e Yeriko ni bamukobera, nga batumula nti bona, wayingiire muno obwire ku baana ba Isiraeri okukeeta ensi. ³ Kabaka w'e Yeriko n'a tumira Lakabu, ng'a tumula nti bbinga abantu abaizire gy'oli, abaayingiire mu nyumba yo: kubanga baizire okukeeta ensi yonayona. ⁴ Omukali n'a batwala bombiri, n'a bagisa; n'atumula nti Niiwo awo, abantu baizire gye ndi, naye nabbaire timaite gye baviire. ⁵ awo obwire bwe bwatuukire okwigalawo wankaaki, ng'e ndikirirya ekwaite, abantu ni baaba: abantu gye baizire timaite: mubasengererye mangu; kubanga mwabatuukaku. ⁶ Naye yabbaire abaniinisirye ku kasulya, n'a babiikaku emisaale egy'e nkosi, gye yabbaire ateekereteekere okusa ku kasulya. ⁷ Abantu ni babasengererya mu ngira eya Yoludaani okutuuka ku musomoko: ababasereirye bwe bamalire okuvaayo, kaisi ni baigalawo wankaaki. ⁸ Ibo nga bakaali kugona; n'aniina gye bali ku kasulya; ⁹ n'a koba abantu nti maite nga Mukama abawaire ensi, era ng'e ntiisya yanyu etukwaite, era ng'a bali mu nsi bonabona basaanuuka mu maiso ganyu. ¹⁰ Kubanga twawuliire Mukama bwe yakaliirye enyanza emyofu mu maiso ganyu, bwe mwaviire mu Misiri; era kye mwakolere bakabaka ababiri ab'Abamoli abaabbaire emitala w'e Yoludaani, Sikoni n'e Ogi; be mwazikiririirye dala. ¹¹ Feena bwe twakiwuliire emyoyo gyaisu kaisi ni gisaanuuka; so wabula muntu asigalamu omwoyo gwonagwona ku lwanyu: kubanga Mukama Katonda wanyu, oyo niiye Katonda waigulu mu igulu, era wansi ku nsi. ¹² Kale watyanu, mbeegayiriire, mundayirire Mukama, kubanga mbakolere kusa mweena okugikola okusa enyumba ya itawange, era mumpe akabonero ak'a mazima: ¹³ era n'o kuwonya itawange n'o mawange n'a banyoko bange na bagande bange ne byonabyona bye balina, n'o kulokola obulamu bwaisu mu kufa. ¹⁴ Abantu ni bamukoba nti obulamu bwaisu buligaita obulamu bwanyu, bwe mutalikobera bigambo byaisu bino awo Mukama bw'alituwa ensi, kaisi ni tukukolera ekisa n'a mazima. ¹⁵ Awo n'abaikya n'o mugwa ng'a babitya mu dirisa; kubanga enyumba ye yabbaire ekwatagaine ku bugwe ow'e kibuga, yeena yabbaire ku bugwe. ¹⁶ N'abakoba nti mwabe ku lusozi, ababasengereirye baleke okubasanga: era mwegisireyo enaku isatu, okutuusya ababasengereirye lwe baliirawo; oluvannyuma musobola okwaba. ¹⁷ Abantu ni bamukoba nti Tubula musango ku kirayiro kyo kino ky'otulayisirye. ¹⁸ bona, bwe tuliiza mu nsi, olisiba akaguwa kano akamyofu mu dirisa ly'o tubitiryemu: era olikuŋaanyirya mu nyumba gy'oli itaawo n'o Mawo na bagande bo, n'e nyumba yonayona eya itaawo. ¹⁹ Kityo, omuntu yenayena aliva mu miryango egy'e nyumba yo ku luguudo, omusaayi gwe gulibba ku mutwe gwe, feena titulikola musango: era omuntu yenayena alibba naiwe mu nyumba, omusaayi gwe gulibba ku mutwe gwaisu, bw'alikwatibwa omukono gwonagwona: ²⁰ Naye bw'olikobera ebigambo byaisu bino titulikola musango olw'e kirayiro kyo ky'o tulayisirye. ²¹ N'atumula nti wabbe ng'e bigambo byanyu bwe biri. N'a basindika, ni baaba n'a siba akaguwa akamyofu mu dirisa. ²² Ne baaba ne batuuka ku lusozi, ne babba eyo enaku isatu, okutuusya ababasengererya lwe bamalire okwirawo ababasengereirye babasagiire mu ngira yonayona, ne batababona: ²³ Awo abantu ababiri ni bairawo, ne baserengeta ku lusozi, ni basomoka, ni baiza eri Yoswa omwana wa Nuni; ne bamukobera byonabyona ebyababbaireku. ²⁴ Ne bamukoba Yoswa nti Mazima Mukama atuwaire mu mikono gyaisu ensi yonayona; era ate abali mu nsi bonabona basaanuukira dala mu maiso gaisu.