¹ Musa n'airamu n'atumula nti Naye,bona, tebalinjikirirya so tebaliwulira eidoboozi lyange: kubanga balitumula nti Mukama teyakubonekeire. ² Mukama n'amukoba nti Kiki ekiri mu mukono gwo? N'atumula nti Mwigo. ³ N'atumula nti Gusuule wansi. N'agusuula wansi, ne gufuuka omusota: Musa n'airuka mu maiso gaagwo. ⁴ Mukama n'akoba Musa nti Golola omukono gwo, ogukwate omukira: (n'agolola omukono gwe, n'agukwata, ne gufuuka omwigo mu mukono gwe:) ⁵ Kaisi baikirirye nti Mukama Katonda wa bazeiza baabwe, Katonda wa Ibulayimu, Katonda wa Isaaka, era Katonda wa Yakobo, nti akubonekeire. ⁶ Mukama n'amukoba ate nti Teeka omukono mu kifubba kyo. N'ateeka omukono gwe mu kifubba kye: bwe yagutoiremu, bona, omukono gwe nga gulina ebigenge ng'omuzira. ⁷ N'atumula nti Gwirye omukono gwo mu kifubba kyo. (N'agwirya omukono gwe mu kifubba kye; bwe yagutoire mu kifubba kye, bona, nga gufuukire ng'omubiri (gwonagwona). ⁸ Awo olulituuka bwe batalikukirirya era bwe bataliwulira eidoboozi lya kabonero ak'oluberyeberye, baliikirirya eidoboozi ery'akabonero ak'okubiri. ⁹ Awo bwe bataliikirirya bubonero buno bwombiriri era bwe bataliwulira eidoboozi lyo, olisena ku mazzi g'omwiga n'ofuka ku lukalu: amaizi g'olisena mu mugga galifuuka omusaayi ku lukalu. ¹⁰ Musa n'akoba Mukama nti Ai Mukama, nze tindi muntu we bigambo okuva di na di, waire okuva lw'oyotumwire n'omwidu wo: kubanga tintumula mangu, n'olulimi lwange luzito. ¹¹ Mukama n'amukoba nti Yani eyakolere omunwa gw'omuntu? Oba yani akola kasiru oba omuzibe w'amatu oba amoga oba omuduka w'amaiso? Ti ninze Mukama? ¹² Kale, atyanu yaba, nzeena ndibba wamu n'omunwa gwo, ndikwegeresya by'olitumula. ¹³ N'atumula nti Ai Mukama, tuma, nkwegayiriire, mu mukono gw'oyo gw'otaka okutuma. ¹⁴ Obusungu bwa Mukama ne bubuubuukira Musa, n'atumula nti Alooni Omuleevi mugande wo abulawo? Maite nti asobola okutumula okusa. Era, bona, aiza okukusisinkana: bw'alikubona, alisanyuka mu mwoyo gwe. ¹⁵ Weena olimukoba, era oliteeka ebigambo mu munwa gwe: nzeena ndibba wamu n'omunwa gwo, n'omunwa gwe, ndibegeresya bye mulikola. ¹⁶ Naye alibba mutegeezya wo eri abantu: awo alikubbeerera omunwa, naiwe olimubbeerera nga Katonda. ¹⁷ Naiwe olitwala omwigo guno mu mukono gwo, gw'olikolya obubonero. ¹⁸ Musa n’ayaba n'airayo eri Yesero muko we, n'amukoba nti ke njabe, nkwegayiriire, ngireyo eri bagande bange abali mu Misiri, mbone nga bakaali balamu. Yesero n'akoba Musa nti Yaba n'emirembe. ¹⁹ Mukama n'akoba Musa mu Midiyaani nti Yaba, oireyo mu Misiri: kubanga abantu bonabona ababbaire bakusagira obulamu bwo bafiire. ²⁰ Musa n'atwala mukali we n'abaana be, n'abeebagalya ku ndogoyi, n'airayo mu nsi y'e Misiri: Musa n'atwala omwigo gwa Katonda mu mukono gwe. ²¹ Mukama n'akoba Musa nti Bw'oliirayo mu Misiri, tolemanga kukola mu maiso ga Falaawo amagero gonagona ge ntekere mu mukono gwo: naye ndikakanyalya omwoyo gwe, talibaleka abantu okwaba. ²² Naiwe olikoba Falaawo nti Ati bw'atumula Mukama nti Isiraeri niiye mwana wange, omuberyeberye wange: ²³ nanze nkukobere nti Leka omwana wange ampeererye; weena ogaine okumuleka: bona, ndiita omwana wo, omuberyeberye wo. ²⁴ Awo (bwe babbaire nga bakaali) mu ngira mu kisulo, Mukama n'amusisinkana n'ataka okumwita. ²⁵ Awo Zipola n'atwala eibbaale ly'obwogi, n'asalako ekikuta ky'omwana we, n'akisuula ku bigerebye; n'atumula nti Oli bawange wo musaayi era omwami w'obugole bw'omusaayi. ²⁶ N'amuleka. kaisi N'atumul nti Oli bawange wo musaayi olw'okukomola. ²⁷ Mukama n'akoba Alooni nti Yaba mu idungu omusisinkane Musa. N'ayaba n'amubona ku lusozi lwa Katonda, n'amunywegera. ²⁸ Musa n'akoba Alooni ebigambo byonabyona ebya Mukama bye yamutumire, n'obubonero bwonabwona bwe yamulagiire. ²⁹ Musa no Alooni ne baaba ne bakuŋaanya abakaire bonabona ab'abaana ba Isiraeri: ³⁰ Alooni n'atumula ebigambo byonabyona Mukama bye yamukobere Musa, n'akola obubonero mu maaso g'abantu. ³¹ Abantu ne baikirirya: bwe baawuliire nti Mukama yabaiziire abaana ba Isiraeri n'abona okubonaabona kwabwe, ne bavuunama emitwe gyabwe, ne