¹ N'e byatoleibwe ku bataane ba Isakaali; Tola, n'o Puwa, Yasubu, n'o Simuloni, bina. ² N'a bataane ba Tola; Uzi n'o Lefaya, n'o Yeryeri, n'o Yamayi, n'o Ibusamu, ne Semweri, emitwe gy'e nyumba gya bazeiza babwe, aba Tola; abasaiza ab'a maani abazira mu mirembe gyabwe: ku mirembe gya Dawudi omuwendo gwabwe gwabbaire emitwaalo ibiri mu nkumi ibiri mu lukaaga. ³ Na bataane ba Uzi; Izulakiya: n'a bataane ba Izulakiya; Mikayiri, n'o Obadiya, n'o Yoweeri, Isiya, bataane; bonabona basaiza bakulu. ⁴ Era ng'o kuzaalibwa kwabwe bwe kwabbaire, ng'e nyumba gya bazeiza babwe bwe gyabbaire, ebibiina by'o mu igye byabbaire wamu nabo olw'o kulwana, emitwaalo isatu mu kakaaga: kubanga babbaire n'a bakali bangi n'a baana bangi. ⁵ Na baibawabwe bonabona, ab'o mu luya lwa Isakaali, nga babalibwa ng'o kuzaalibwa kwabwe bwe kwabbaire, abasaiza ab'a maani abazira, babbaire emitwaalo munaana mu kasanvu. ⁶ Bataane ba Benyamini; Bera, n'o Bekeri, n'o Yediyayeri, basatu. ⁷ N'a bataane ba Bera; Ezuboni, n'o Uzi, n'o Wuziyeeri, n'o Yerimosi, n'o Iri, bataane; emitwe gy'e nyumba gya bazeiza babwe, abasaiza ab'amaani abazira; era babaliibwe ng'o kuzaalibwa kwabwe bwe kwabbaire, emitwaalo Ibiri mu nkumi ibiri mu asatu na bana. ⁸ Ne bataane ba Bekeri; Zemira, n'o Yowaasi, n'o Eryeza, n'o Eriwenayi, n'o Omuli, n'o Yeremosi, n'o Abiya, n'o Anasosi, n'o Alemesi. Abo bonabona babbaire bataane ba Bekeri. ⁹ Era babaliibwe ng'o kuzaalibwa kwabwe bwe kwabbaire, nga bwe baliraine, emitwe gy'e nyumba gya bazeiza babwe, abasajja ab'a maani abazira, emitwaalo ibiri mu bibiri. ¹⁰ N'a bataane ba Yediyayeri; Birukani; na batabani ba Birukani; Yewusi, n'o Benyamini, n'o Ekudi, n'o Kenaana, n'o Zesani, n'o Talusiisi, n'o Akisakali. ¹¹ Abo bonabina babbaire baana ba Yediyayeri, ng'e mitwe gy'e nyumba gya bazeiza babwe bwe gyabbaire, abasaiza ab'a maani abazira, mutwalo mu kasanvu mu bibiri, abasoboire okutabaala mu igye okulwana. ¹² Supimu yena, n'o Kupimu, bataane ba Iri, Kusimu, bataane ba Akeri. ¹³ Bataane ba Nafutaali; Yaziyeri, n'o Gutu, n'o Yazeri, n'o Salumu, bataane ba Biruka. ¹⁴ Bataane ba Manase; Asuliyeri mukaki we gwe yazaire: (muzaana we Omwalamu yazaire Makiri itaaye wa Gireyaadi: ¹⁵ Makiri n'akwa omukali ow'o ku Kupimu ne Supimu, eriina lya mugande we Maaka;) n'e riina ly'o w'o kubiri lyabbaire Zerofekadi: Zerofekadi n'azaala abaana bo buwala. ¹⁶ Maaka muka Makiri n'azaala omwana ow'o bwisuka, n'a mutuuma eriina lye Peresi; n'e riina lya mugande we lyabbaire Seresi; na bataane be Ulamu n'o Lakemu. ¹⁷ N'a bataane ba Ulamu; Bedani. Abo niibo babbaire bataane ba Gireyaadi mutaane wa Makiri, mutaane wa Manase. ¹⁸ N'o mwanyoko we Kamolekesi n'azaala Isukodi, n'o Abiezeri, no Makula. ¹⁹ N'a bataane ba Semida niiye Akyani, n'o Sekemu, n'o Liki, n'o Aniyamu. ²⁰ Na bataane ba Efulayimu; Susera, n'o Beredi mutaane we, n'o Takasi mutaane we, n'o Ereyada mutaane we, n'o Takasi mutaane we, ²¹ n'o Zabadi mutaane we, n'o Susera mutaane we, n'o Ezeri, n'o Ereyaddi, abasaiza ab'e Gaasi abazaaliibwe mu nsi be baitire, kubanga baaserengetere okubatoolaku ebisibo byabwe. ²² Efulayimu itawabwe n'akungubagira enaku nyingi, bagande be ni baiza okumukubbagizya. ²³ N'ayingira eri mukali we n'abba kida n'azaala omwana ow'o bwisuka, n'amutuuma eriina lye Beriya, kubanga ab'o mu nyumba ye baboine akabbiibi. ²⁴ N'o muwala we yabbaire Seera, eyazimbire Besukoloni, ekya wansi n'e'ky'e ngulu, n'o Uzenuseera. ²⁵ No Leefa niiye yabbaire mutaane we, n'o Lesefu, n'o Teera mutaane we, n'o Takani mutaane we; ²⁶ Ladani mutaane we, Amikudi mutaane we, Erisaama mutaane we; ²⁷ Nuni mutaane we, Yoswa mutaane we. ²⁸ N'e bifo byabwe bye baliire era bye babbangamu niibyo bino; Beseri n'e bibuga byaku, n'e buvaisana Naalani, n'e bugwaisana Gezeri, n'e bibuga byaku; era ne Sekemu n'e bibuga byaku, okutuusya ku Aza n'e bibuga byaku: ²⁹ n'a wali ensalo egy'a baana ba Manase Besuseyani n'e bibuga byaku, Taanaki n'e bibuga byaku, Megido n'e bibuga byaku, Doli n'e bibuga byaku. Omwo abaana ba Yusufu mutaane wa Isiraeri mwe babanga. ³⁰ Bataane ba Aseri; Imuna, n'o Isuva, n'o Isuvi, n'o Beriya; n'o Seera mwanyoko wabwe. ³¹ Na bataane ba Beriya; Keberi, n'o Malukiyeeri, niiye itawawe wa Biruzayisi. ³² Keberi n'azaala Yafuleti, n'o Somera, n'o Kosamu, n'o Suwa, mwanyoko wabwe. ³³ Ne bataane ba Yafuleti; Pasaki, n'o Bimukali, n'o Asuvasi. Abo niibo baana ba Yafuleti. ³⁴ N'o bataane ba Semeri: Aki, n'o Loga, Yekubba, n'o Alamu. ³⁵ N'a bataane ba Keremu mugande we; Zofa, n'o Imuna, n'o Seresi, n'o Amali. ³⁶ Bataane ba Zofa; Suwa, ni Kaluneferi; n'o Swali, n'o Beri, n'o Imula; ³⁷ Bezeri, n'o Kodi, n'o Sama, n'o Sirusa, n'o Isulani, n'o Beera. ³⁸ Na batabane ba Yeseri; Yefune, Pisupa, n'o Ala. ³⁹ Na bataani ba Ula; Ala, n'o Kanyeri, n'o Liziya. ⁴⁰ Abo bonabona babbaire baana ba Aseri, emitwe gy'e nyumba gya bazeiza baabwe, abasaiza abazira abalonde ab'a maani, ab'o luberyeberye mu bakulu. N'o muwendo gwabwe ogwabaliibwe ng'o kuzaalibwa kwabwe bwe kwabbaire, olw'o kukola omulimu ogw'o kulwana, gwabbaire gwa basaiza emitwaalo ibiri mu kakaaga.