¹ Okuzambo ouhona weyuru mausana no vakozona omurongo mbatoorere ovimunine viao nu avei okutyakanena omuvereke. ² Vetano vao vari omayova nu vetano vao varungamene. ³ Nungwari ovakazona mba omayova vatoora omamunine wao,posia kavetoorere omaza wo kuyakisa. ⁴ Nungwari ovakazona imba mbarungama vatoora omaze wokuyakisa puna ovimunine viao. ⁵ Nu omuvareke tjaombere oukuya owo tjivautire okukotura nu averara. ⁶ Nungwari mokati koutuku mondimwi apekara ondavaerero;tara omuvatere weya! twendee nu kemutjakanenee, ⁷ Tjaumba ovakazona avehe arire tjivapenduka na verirongorere okuyakisa omarambe wao. ⁸ Omayova arire tjivatja kwimba mbarungama, Tupawee tjiva womaze omayakise wenu merio kutja omamunine wetu kayena okuyaka. ⁹ Nungwari imba mbarungama aveziri nu avetja,kapena omaze omaykise ngu maenene kwete na ene,twendwee kaumba ovarandise nu mukerirandere owenu oveni. ¹⁰ Puna owo avei okukaranda,omuvareke weya nu imba mberirongerere arire tjivai punaye komukandi worukupo nu omuvero arire tjiwapatwa. ¹¹ ''Okuzambo ovakazona mba ovarwe veya noho navetja;''Muhona,Muhona, tupaturura, ¹² Nungwari eye wevezira atja ''tjiri mimuraere, ami himwii, ¹³ Punaho karee katumba oondu kamuna okutjiwa euva noiri. ¹⁴ ''Ihi tjasana no mundu ngwekuka okuyenda kehi rarwe.Nu eye aisana ovaungure ve nu arire tjaandja owini we ku auhe wao. ¹⁵ Kumwe waondjako ovimariva omayovi yevari etano nu rukwao wandjere ko otjimariva tjomayovi yevari,nu ku warwe noho waandja ko eyovi rimwe. avehe vao wapewa otja kwiimbi mbuvasere okumuna nu okuzambo arire tjekuka. ¹⁶ Nungwari ingwi ngwamune omayovi etano wakaungurisa na kawezako omayovi yarwe etano. ¹⁷ Nu momuano otjingeo,ingu ngwaperwe omayovi evari wa kawezako warwe evari. ¹⁸ Nungwari omukarere ngwamwine eyovi rimwe waya,na akasa otjitoto mehi,nu aka horeka mo ovimariva vyo muhona wee. ¹⁹ Nu kombunda oruveze orure tjinene omuhona wovakarere mbo arire tjakotoka na utu okuvara imbi ovivarero vyo vimariva punawo. ²⁰ Omukarere ingu ngwaperwe omayovi etano weya na eta omayovi warwe ngawezireko,eye atja ''Muhona,povimariva mbi omayovi yetano mbi wendjipere tara ami mba muninapo ovikwao omayovi etano, ²¹ Omuhona we atja kuye,waungura otjiungura otjiwa,oove omukarere muwa nomutakame! ove wakara omutakame movina ovititi.Ami mekuziki kombanda yovina ovingi, Hita nu unyande puna Ami. ²² Omukarere ingwi ngwapewa omayovi yevari weya na tja nai, Muhona ove wendjipa omayovi Tara,ami mbavaza ko omayovi warwe ye vari, ²³ ''Muhona we arire tjatja kuye, oove omukarere omuwa omuwa no no mutakame ! wakara noutakame mouna outiti.Ami mekuzi kombanda ovina ovingi. Hita mehato ro muhona wee! ²⁴ ''Okuzambo omukarere ingu ngwaperwe eyovi rimue tjeya natja nai;''Muhona,ami metjiwa kutja ove oove omundu omukukutu .ove ukonda pu u hakunine nu u wonga pu u handjaurire ozondwi. ²⁵ Ami mbari no ndira no tjimbaya ne okuhoreka otjimariva tje mo tjitoto mehi,tara ovina vyee ovyo mbi, ²⁶ ''Nungwari omuhona we arire tjaziri kuye natja, oove omukarere omurunde no muna tjirweyo,ove motjiwana kutja ami hiteya pona pumbimba hakunine nu hahandjaurire ozondwi. ²⁷ Punaho oove waso kutja wazemisa ovimariva vyandje kovapwike,nu ami tjimekotoka emunine po ovihohe. ²⁸ Punaho muyekee otjimariva tje natjo nu tjiyandjee komukarere nguna omayovi omurongo, ²⁹ Mena riokutja ingu nguno ovingi maperwa kovingi tjinene. Nungwari ingu nguhinatjo maekwa nandarire inga okatiti kena maekwa. ³⁰ Omuhona arire tjatja umbee omukarere otjiporoporo mondorera ondindi,kumakukara omarire no omakweero womayo; ³¹ ''Omuna womundu tjimeya mouyere we,puna ovaengeri ve avehe,okuzambo eye mahaama kotjihavero tje tjouhona. ³² Oviwana avihe mavitumbuka komurunguwe nu eye mahana ovandu komunda pekepeke,otjo murise tjimahana ozondu mozongombo. ³³ Okuzambo eye matwa ozondu komanene we,nozongombo komamuho we. ³⁴ Tjazambo ombara itja nai kwiimba mberi komanene we, indjee,ene vanandaya va Tate muhite ouhona wo mayuru, mbwatuninwa ene okuza kombunda youye. ³⁵ Mena riokutja ami mbari no ndjara nene amwendjipe ovikuria; nu mbari no nyota nu ene mwendjipere omiya okunwa; mbari omuyenda amundjisekirisa; ³⁶ Ami mbari muzu nu amundjipe ozombanda, Ami mbaverere nu amundjihungu,Ami mbari mondorongo nu ene amuya kundjivarura. ³⁷ ''Tjazumba imba ovasemba avezeri avetja. Muhona,orune tjitwekumuna auno ondjara na tukukutisa poo onyota nu atukupe imiya? ³⁸ Orune tjitwekumuna auri omuheiwe na tukusekirisa poo auri muzu muzu natukupe ozombanda? . ³⁹ Orune tjiwekumuna awavere na tukuhungu poo mondorongo na tukutara? ⁴⁰ ''Tjaumba ombara maizire naitja kuwo ''tjiri mimuraere atjihe tjimwatjita kumwe novangu vandje mba,mwatjitira ami, ⁴¹ Tjaumba eye matja nai kwiimba mberi komamuho we,zapwee,pwami mbumwasengwa,twendee komuriro mbuhazemi nu mbwatuninwa Satan no vaengire ve. ⁴² Mena riokutja mbari no ndjara,posiya kamundjipere ovikuria okurya;mbari no nyota posia kamundjipere omiya; ⁴³ Ami mbari omundu omuhatjiukwa posia kamundjisekirisire ko,mbari muzu posiya kamundjipere ozombanda;mbaverere nu mbari mondorongo,posia kamuari konatja naami. ⁴⁴ ''Tjaumba owo maziri nai;Muhona twekumuna rune auno ndjara,poo onyota, poo omundu omuhatjiukwa,poo muzu,poo omuveri.poo auri mondorongo,nu atuhe kuvatere? ⁴⁵ Tjaumba eye maziri rukwao natja ''tjiri mimuraere,atjihe tjimuhatjitire umwe wovatiti mba kamutjitirire ami wina, ⁴⁶ Owo mavei komberero yaruhe,posiya imba ovasemba mavei komuinjo waaruhe''.