¹ Biaen long evri samting we mi luk, nao mi luk wan doa i open long Heven. Fes voies we mi harem itoktok long mi hemi olsem wan trampet i stap talem se, "Yu kam antap long ples ia bae mi soremaot long yu wanem bae ihapen afta long ol samting ya." ² Taem spirit ikam long mi we paoa blong hem i holem oni, nao mi luk wan special jea we i osem jea blong King long heven, i gat wan man isidaon long hem. ³ Be man we i stap sidaon long hem i luk semak olsem tufala ston ia jasper mo carnelian, hemi soen, mo igat wan rainbo iko raon long jea blong King ia. Rainbo ia hemi olsem wan ston ia emeral we igrin. ⁴ Mo ikoraon long special jea ia, igat twenti fo narafala special jea, we oli stap. Nao long ol twenti fo jea ia, igat twenti fo elda, oli sidaon long hem wetem ol waet klos. Mo oli putum ol special hat olsem hat blong king, we oli meken long gol, long head blong olgeta. ⁵ Long special jea ia blong King, igat laetning istap samaot ikam, mo igat wan bigfala noes mo igat tanda i stap faerap. Igat seven bigfala laet we oli stap laet, hemia ol seven spirit blong God. ⁶ Long foret blong special jea ia, igat wan samting olsem solwota, we i olsem glass, we isaen we isaen. Long midel blong specel jea ia, mo iko raon long jea ia, long fo saed blong hem igat fo bigfala animol we oli laef oli gat fulap ae long foret mo baksaed blong olgeta. ⁷ Fes bigfala animol ia we ilaef hemi olsem wan laeon, sekon bigfala animol ia wan hemi olsem wan bebe buluk, namba tri bigfala animol ia hemi gat wan fes olsem, fes blong man, mo namba fo bigfala animol hemi olsem wan igel. ⁸ Olgeta fo big bigfa animol ia we i laef ia, oli gat six wing, mo fulap ae long body blong olgeta antap mo antanit. Nao long naet mo long dei oli no stop blong talem se, "Holi, Holi, Holi Hae God ia we i gat olgeta paoa Hem we istap fastaem, mo Hem we bae istap naoia, mo hem we bae istap koko ino save finis." ⁹ Nao ol fo bigfala nanimol we oli laef ia, oli stap leftemap nem blong God, oli givim ona long hem, mo oli stap talem tankyu long God we istap sidaon long bigfala specel jea. Hemi God we istap we istap. ¹⁰ Ol twenti fo elda ia oli foldaon long fored blong wan we istap sidaon long bigfala spesel jea blong hem. Blong wosipim hem. From hem we istap we istap. Oli putum ol hat blong olgeta we i olsem hat blong king bifo long hem mo oli stap talem se, ¹¹ "Yu masta blong mifala, mo yu God blong mifala. Yu mekem evri samting we oli stap leftemap nem blong yu, oli stap ona long yu mo yu kivim pawa from yu createm evri samting. Mo from samting ia i stret nomo blong ol man oli givim ona long yu, oli bao daon long yu mo oli leftemap nem blong yu.