1
Nao lo taem ya, lo wan sabat dei. Jisas wetem ol man blo hem. Oli wokbaot i go, oli pastru lo wan garen blo wit. Nao ol man blo hem oli hangri, nao oli tekem sam kakae blo wit, oli stap kakae.
2
Be taem ol farisi oli luk, oli talem lo Jisas se, "Ei, yu luk ol man blo yu oli stap mekem work lo sabat dei ya. Fasin yu i tabu i brekem loa.
3
Jisas i talem lo olgeta se, "Ating yufala ino ridim lo Baebol, ol samting ya we King David i mekem bifo. Hem wetem ol man blo hem oli hangri.
4
Nao hem i go insaed lo haos blo God, i tekem bred ya we ol pris oli givim i go lo God finis, nao hem wetem ol man blo hem oli kakae. Be bred ia, loa i talem se ol pris nomo oli gat raet blo kakae.
5
Ating yufala i no ridim tok ya tu lo loa, we oltaem lo sabat dei, ol pris lo haos blo God oli stap mekem work blo olgeta we i brekem loa blo sabat dei, be God i luk samting ia i stret nomo.
6
Mi mi talem lo yufala. I gat wan man i stap lo ples ya we i hae moa, i winim haos blo God.
7
Lo baebol, God i talem se, mi mi no wantem fasin ya we man i kilim animol blo mekem sacrifaes lo mi. Mi mi wantem we oltaem man i gat sore lo man.
8
Mi mi talem olsem from we mi, mi pikinini blo man, mi mi masta blo sabat dei.
9
Jisas i aot lo ples ya, i workbaot i go, nao i go insaed lo wan haus blo prea.
10
I gat wan man i stap lo ples ia, we hem ino save stret hand blo hem, mo olgeta oli askem lo Jisas se, Olsem wanem? I stret blo yumi mekem bodi blo man i gud bakegen lo sabat dei, no ino stret lo loa olsem? Olgeta oli askem kwestin ya, lo hem blo traem faenem sam poen lo hem.
11
Nao Jisas i talem se, "Sapos man i gat wan sipsip ya i foldaon lo hol lo sabat dei, yu tin se man ya i no save go pulumaot sipsip ya. I kam antap bakegen? Hem i mas go pulumaot.
12
Be man i gud moa. I winim sipsip. From samting ya, i stret nomo lo loa. Blo yumi mekem ol wok blo givi han lo man lo sabat dei."
13
Nao hemi talem long man ya se, "Yu stretem hand blo yu." Nao man ya, i stret hand blo hem, mo hand blo hem i kam gud bakegen olsem narawan.
14
Be ol farisi oli go afsaed, oli mekem plan agens lo Jisas blo traem faenem rod blo kilim hem i ded.
15
Jisas i save samting ia, nao hemi aot lo ples ia, mo plante man oli biaen lo hem. Nao hem i stap mekem ol sikman oli gud bakegen.
16
Mo i blokem olgeta blo oli no talemaot nius blo hem lo ol narafala man.
17
Ol samting ya, i kamaot blo mekem tok ya, i kamtru we profet Aesea i bin takmaot bifo, we God, talem se,
18
"Hemia man blo wok blo mi we mi mi bin jusamaot hem
mi mi lavem hem, mi glad tumas lo hem.
bae mi mi mekem we spirit blo mi i kam fulap lo hem, nao bambae hem i talemaot ol stret fasin blo mi lo fes blo ol man blo ol narafala kaontri.
19
Bambae hem i no save rao. Mo i no save singaot bigwan olbaot lo ples we ol man oli stap kipap lo hem.
20
Hem bambae i no save mekem i strong tumas lo ol man we oli no strong. Mo hem bambae i no save spolem olgeta we oli no gat paoa.
Bambae hem i wok olsam, gogo i mekem stret fasin i win.
21
Mo lo nem ya, bambae oli putum tingting blo olgeta i stap lo hem.
22
Nao olgeta oli tekem wan man i kam lo Jisas we man ia i blaen from we i gat wan Devel i stap lo hem. Nao Jisas i mekem hem i gud bakegen. Nao man ya, i save toktok mo lukluk bakegen.
23
Nao olgeta oli sapraes tumas, mo oli talem se, "olgeta, ating man ya, i laen blo King Deved."
24
Be taem ol farisi di havem tok ya, oli talem se, "Man ya i stap ronemaot ol Devel lo man, lo paoa blo Bielsebul nomo, we i jif blo ol devel."
25
Be Jisas i save tingting blo olgeta, nao hem i talem lo olgeta se, "sapos ol man blo wan jif oli sevaot. Nao haf i agens lo narafala haf, ol wok blo jif ya i mas fol daon. Mo ino gat wan villij or wan haos we ol man blo hem oli sevaot narafala haf bambae hem i stap gud.
26
Mo sapos Setan i stap ronemaot ol Devel lo man, hemia i min se. Hem nomo i stap agens lo hem bakegen. Olsem wanem hem i save holem ol man blo hem.
27
Mo sapos i tru we mi stap ronemaot Devel lo paoa blo Bielsebul be olsem wanem lo ol man blo yufala? Oli stap ronemaot ol Devel lo paoa blo hu? I gud olgeta oli jajem ol tok yu blo yufala.
28
Be sapos mi stap ronemaot Devel lo paoa blo Spirit blo God. Hemia i min se God i kam king lo laef blo yufala finis.
29
Mo bakegen ino gat man i save go insaed lo haos blo wan strong man blo tekem maot ol ting blo hem. Sapos hem i wantem mekem olsem, fastaem hem i mas fasemtaet strong man ya, nao biaen hem i save go tekem aot olting blo hem.
30
Man we i no biaen lo mi, hemi agens lo mi. Mo man we i no joen lo mi blo tekem ol man oli kam wan ples, hem i stap ronem ol man oli go wan wan.
31
From samting ya mi talem lo yufala, se evri sin we man i mekem mo evri tok nogud we man i talem agens lo God, bambae God i save tokemaot. Be taem yu tok no gud lo tabu Spirit, bambae God i no save tekemaot sin ya.
32
Man we i tok nogud lo mi, mi pikinini blo man, bambae God i forgivim hem, Be man we i tok nogud lo tabu Spirit, bambae God i no save forgivim hem samtaem. Lo wol ya, mo lo niufala wol we bambae i kam.
33
Sapos tri i gud, bambae frut blo hem i gud. Be sapos tri ino gud bambae frut blo hem tu bae i nogud. Yufala i save makem tri lo frut blo hem.
34
Yufala i olsem snek. Yufala i man blo trik, yufala i man nogud. Bambae yufala i save toktok gud olsem wanem? Taem man i tok hem i stap talemaot ol tingting blo hem we i fulap lo hem.
35
Gudfala man i stap lo gudfala tingting. Nae oltaem i stap mekem ol gudfala fasin mo rabis man i fulap lo rabis tingting. Nao oltaem i stap mekem ol rabis fasin.
36
Mi mi talem lo yufala lo lasdei ya we God bambae i jajem olgeta man blo hem. Ol man oli mas talemaot lo hem, from wanem oli bin talem ol tok nogud.
37
Bambae hem i jajem yufala lo ol tok blo yufala, se yufala i stret man, no yufala i man nogud.
38
Nao sam tija blo loa wetem sam farisi oli talem lo hem se, "Tija, mifala i wantem blo yu mekem wan saen lo mifala blo mifala i save luk se paoa blo yu, i kam lo god."
39
Nao Jisas i talem lo olgeta se, "Yufala i wantem luk saen be yufala i man nogud. Yufala ino bilif strong nating lo God Bambae God i no save givim wan saen nating lo yufala saen blo profet Jona bifo hemia nomo God i save givim lo yufala.
40
Olsem profet Jona i stap tri dei mo tri naet lo bel blo bigfala fis, lo semfasin, mi mi pikinini blo man, bambae mi stap tri dei, mo tri naet insaed lo graon.
41
Lo lasdei ya, we God bambae i jajem olgeta man lo hem. Ol men Nineve bifo bambae oli save talemaot we yufala i man nogud. From we prijin blo profet Jona. I mekem olgeta oli tanem tingting blo olgeta from sin blo olgeta. Be mi mi hae God, mi hae moa lo profet Jona.
42
Mo lo lasdei ya, woman ya, bifo we kwin blo olgeta lo Saot. Bambae hem tu i save stanap blo talemaot we yufala i man nogud, from we hem i aot lo Narasaed wol, i wokbaot i kam blo King Solomon bifo. Be yufala i luk, mi mi waes moa lo King Solomon.
43
Nao taem rabis spirit ia i aot long man ia, hemi go long drae ples mo i stap lukaotem wan ples blong stap long hem. Be hemi no save faenem.
44
Nao hemi talem se, 'Bambae mi gobak long haos blong mi wea, mi kam long hem.' Be taem hemi kambak, hemi faenem aot se haos ia i emty, we oli prum i glin gud mo ol samting oli putum i stap stret gud.
45
Mo hemi goback, i tekem seven narafala rabis spirit we oli nogud moa long hem, nao olgeta evriwan oli kambak blong stap insaed long man ia. Nao bambae laef blong man ia i kam nogud moa, i pitim fastaem. Fasin ia bambae i kamtru long ol man nogud we oli stap laef tedei."
46
Be taem Jisas i stap toktok yet long ol man, mama blong hem mo ol brata blong hem, oli kam stanap aotsaed. Oli stap luk hem blong toktok long hem.
47
Nao wan long olgeta i talem long hem se, "Yu luk, mama blong yu wetem ol brata blong yu oli stap stanap aotsaed. Oli stap lukaotem yu blong toktok long yu."
48
Be Jisas i ansa, i talem long man ia se, "Huia i mama blong mi, mo huia ol brata blong mi?"
49
Nao hemi pusumaot han blong hem i go long, ol disaepol blong hem, nao i talem se, "Yu luk, hemia mama blong mi mo ol brata blong mi!
50
From huia man we i stap mekem wanem we papa blong mi long heven i wantem, man ia nao hemi brata blong mi, mo hemi sista blong mi, mo hemi mama blong mi."