¹ dari paulus, nang jadi rasul buke karamo manusio ato melalui manusio, melaenkan melalui Kristus Yesus lantas Allah Bapa nang mangkitot Io dari antaro urok mati. ² ugo, dari samuae kamaru saiman nang sabayo-bayo nang aku, onto' jemaat-jemaat ka Galatia. ³ anugrah nang ba damai sejahtra bagi ngu ampat ka Allah Bapa diri' lantas Tuhan Yesus Kristus, ⁴ nang dah mare dirie onto' doso-doso diri' onto' nyalamatot diri' dari zaman nang jahat kanio nyian sasuai nang kamaoan Allah lantas Bapa diri'. ⁵ Bagi Iolah kamuliaan onto' salama-lamae. amin. Kahe Ado Sete Injil ⁶ aku heran, kok anceh sidi kao ningoot Io, nang nyaru kao ngalalui anugrah Kristus, lantas ba balik ka Injil nang laen. ⁷ padahal, anok ado injil nang laen. namun, ado sangape urok nang dah nagrusak kao lantas mao mutarbalikot injil Kristus. ⁸ bahkan, kalo kami ato seko urok malaekat ampat ka surga mataki injil ka kao nang ba tantangan dengan ameo nang dah kami nyampeot ka kao, takutuklah io! ⁹ angayo nang dah ngatoot sanapee lantas kanio aku madohot agi, kade ado urok nang matakot ka ka kao injil nang ba tantangan nang ameo dah kao narimo, biarlah io takutuk. ¹⁰ dameo ge kanio aku sedang ngagui pasatujuot manusio ato pasatujuot Allah? ato, dameo ge aku masih nyobo nyanangot manusio? sakirae aku masih nyobo nyanangot manusio, aku bukelah hamba Kristus. Pembelaan Paulus atas Ka rasulane ¹¹ kamaru-kamaru, aku mao kao nahuan kade injil nang dah nyampeot bukelah injil buatan manusio. ¹² aku anok narimo ampat ka manusio, ato aku malajari ampat ka manusio, tapi aku narimo melalui pakatoot ampat ka Kristus Yesus. ¹³ sebab, kao dah nangar tentang caro idupku nang lama ampat ka agama Yahudi, aku kaniayo jemaat Allah dengan sadis lantas barusoho onto' ngancurot io. ¹⁴ aku paling maju doop hal agama Yahudi, jauh labih maju dibandingkan ba urok-urok sabayo ka antaro bangsaku. aku paling rajit doop miharo adat istiadat nene' moyangku. ¹⁵ namun, waktu Allah, nang dah misohot aku sejak doop parut uma'ku lantas dah nyaru aku ngalalui Anugrah-Nya, mao ¹⁶ matakot Anak-Ke doop aku supayo aku biso ngabarot Io ka antaro urok-urok buke Yahudi, aku anok kanio ihan minto nasehat ka urok pun. ¹⁷ aku ugo anok ampus ka kota Yerusalem onto' batamu nang ne' udo nang dah jadi rasul sanape aku, melaenkan aku kanio ihan ampus ka wilayah Arab lantas muok agi ka kota Damaskus. ¹⁸ tiga tahut nang dee, aku ampus ka kota Yerusalem onto' bakanalan dengan kefas lantas diop baiyo salamo lima balas ari. ¹⁹ tapi, aku anok nanang seko pun dari rasul-rasul laen, kacoali Yakobus, kamaru Tuhan. ²⁰ aku ngayakinkan kao kaadapot Allah bahwa ameo nang dah aku nulis ka kao nyian buke pangalok. ²¹ ako koo, aku ampus ka wilayah Siria nang Kilikia. ²² aku nape dikanal sacaro pribadi oleh jemaat-jemaat doop Kristus nang ado ka wilayah Yudea. ²³ ne' udo hanya sering nangar, "Io, nang dee nganiayo diri', kanio nyampeot iman nang dee io pernah nyobo ngancurot." ²⁴ ne' udo nyamboh Allah karamo aku.