1
Salam bit Paulus,ayo da ni manjara Kat Yesus kristus ge bit Timotius, age saiman ite, ka Filemon, ahup ge kawan palayanan da kai sayang,
2
ge ka Apfia age ite, uga ka Arkhipus, ahup sanasib ite, ge ka jamaat da bakubu ket ramin mu.
3
Pamase ge damai sejahtera ka imu bit Nyabata, Sama ite, ge bit Nyabata Yesus Kristus.
Basyukur kat Iman ge Sayang Filemon
4
Ikit nyando-ndo basyukur ka Nyabata sando sanuut imu sadat doa-doa kit,
5
kat ikit dangah tantang iman ge sayang da mu kaat sadat Nyabata Yesus ge ka samaan ayo kudus
6
Ikit badoa yak persekutuan imanmu jadi lamus yak pamande da pano ge samaan hal bait da ani ka ite demi Kristus.
7
Ikit batol repo ate ge sanang ate kat sayang mu kaat naru mu, age, ate ayo-ayo kudus ni ingka nyegar agi.
Pamahe Paulus tantang Onesimus
8
Kaat ikoh, meskipun ikit kaat keyakinan da aso sadat Kristus ge bise nayu imuk ngaraje jai da jadi pangaraje mu
9
tapi kat sayang, rabeh bait sando ikit mahe ek ka imu. Ikit, Paulus-da nga tua, ge tolodiah jadi ayo da nimanjara kat Kristus Yesus
10
mahe ka imu yak kangot kit, Onesimus, da Ikit kaat ek salama ikit ani ket panjara,
11
da idu kati bagone ka imu, tapi tolodiah batol bagone, bait ka imu maupun ka ikit
12
Ikit ngutus inyam, buah ate kit, ure agi ka imu
13
da batol ek ngate ikit nahan yak madi basamu ge kit yak bise nga ganti mu malayani kit salama ikit ni manjara kat Injil
14
Namun, sando muk ti satuju, ikit tituh ngaraje jai pun yak da bait ikoh imuk ngaraje inya kat arus tapi kat suke
15
Mungkin alasan Onesimus nimisah bit mu yak nyantagal wakyu, anilah yak imu bise narima nyam agi untuk salama ek
16
Tapi inya agi pang pembantu, melainkan rabeh bit ikoh , da diah pag age da ni nyayang, inya anya kusus ka ikit, marabeh agi ka imu, bait sadat ungan maupun sadat Nyabata
17
jadi, sando imu nganggap ikit pang ahup karaje mu, narimalah Onesimus pang nalah imu narima ikit.
18
sando nyam nga basara ka imu ato barutak jai pun ka imu,nanggonglah ikoh ka ikit.
19
Ikit, Paulus, nulis diah ge barek adup kit: ikit nganak ngalunas ek ti muji jai pun tantang utak mu ka ikit, da ikoh idup adup mu
20
Ae, age kit, biarlah ket sadat Nyabata , ikit kaat da bait bit mu.
21
Kat keyakinan kit akan panurut mu, ikit nulis surat diah ka imu , kat ikit pande imu nganak ngaraje rabeh bit da kit mahe
22
Nyantagal ikoh, nolok nyiap kamar ka ikit, kat ikit ngarap naru doa-doa mu, ikit sak ni narima agi ka imu.
salam abas
23
Epafras, ahup kit samu panjara sadat Yesus Kristus, ngirim salam ka imu
24
Pang ikoh uga Markus, Aristarkhus, Demas, ge Lukas, ahup-ahup samu palayanan ge kit.
25
Pamase bit Nyabata ite, Yesus Kristus, kira ek basamu ge roh mu