¹ Kerena nyak, kami dah nadai ulieh ngetan ke agik kami pikir lebih baik idup kedirik di Atena. ² Sengudahnya nyak kami ngirim Timotius, kaban kami dalam merita ke Injil Kristus, ngau nguat ke kitak serta ngibur kitak dalam iman, awak ke iman kitak nadah guyah sa ke bisik ngalami kesulitan, ³ wak ke kita megak tauk badak ke nyak lah tugas te kami. ⁴ Alai kami te sama-sama ngau kitak, kami udah madah ke kalau kami te nangung sensara, kitak udah ketauk ke nyak mat-mat tejadi. ⁵ Ulieh nyak lah, alai ku dah nadai mampu agik, aku ngirim Timotius wak ke aku ketauk ke iman kitak, anang sampai jerih payah kami sia-sia kerena kitak dicoba godaan. ⁶ Sa ke Timotius datai ngusung ku madah ke berita baik iman ngau kasih kitak, ia ugak madah ke kitak gaga ati ingat ke kami serta kak amat betemu ngaj kami beka kami ugak gauk kak betemu ngau kitak, ⁷ kami gaga ngau kitak bala kaban, meskipun kami dituk sensara kerena mayuh urang nadai kak medak kami. ⁸ Kami bulieh semangat idup kerena ninga kitak idup tetap bepegai dalam Tuhan. ⁹ Ntah kak kati beka agik ucapan sukur kami ngau Petara ngusung kitak kerena iman kitak? ¹⁰ Siang ngau malam kami bedoa ngarap ke tauk datai ngusung kitak wak ke kami tauk nyukup ke te kurang re iman kitak. ¹¹ Semuga Petara Apai kitai mukak jalai ngau kami tauk datai ngusung kitak. ¹² Serta ngau ngarap ke Petara merik ke kitak kasih ngau bala urang lebih besai agik beka kasih kami ngau kitak. ¹³ Ngarap ke Ia nguat ke ati kitak wak ke nadai cacat cela, suci, alam Petara ngau Apai kitai sa ke Yesus datai agik ngau bala urang suci.