¹ Oleh pade nyuk,kau yuoakng nge dapanjirakan pade Tuhatn,ndorong kio ka diip sapidatn sima pingelan nge duoah kio temeak. ² Ingkae bono kerendahan tai nang kelembutan,kesabaran,salikng ningaokng beban daapm kiseeh. ³ Bausahalah sakuoat tanaga ka mlihara kesatuan Roh daapm ikatan damai sejahtra. ⁴ Hanya da satu bukoakng nang satu Roh,sama hal,e pida saat kio dapingel ka sitik harapan nti pingelan kio, ⁵ Satu Tuhatn,satu iman,nang satu babtisan. ⁶ Satu Allah,nang Bapa nti samuhu,nge datas samuhu,e,nang daapm samuhu,e. ⁷ Akan tetapi,katielah misekng _misekng da nyuk anugrah sesuai nang kir karuniea Kristus. ⁸ Nyuklah sebab,e,dasobut"saat Yiea naekng ka bongkoh nge tingik,Yiea ningkap yuoakng nge datihatn,nang unyuk karuniea ka nsiea". ⁹ Saat dasobut,"Yiea naekng," kuoatnkah nyuk bootai Yiea gieak duoah tuutn ka bagian booh bumi? ¹⁰ Yiea nge tuutn,Yiea gieak nge naekng obih tingik nti samuhu angeetn bieer Yiea munaoh bono jo,ou. ¹¹ Yiealah nge unyuk,baek rasul_rasul,nabi_nabi,pembetea Injil,gembala,maokpun nge ngijae, ¹² Ka ngalengkap yuoakng kudus daapm pekejean pelayatn bagi membingaon bukoakng Kristus. ¹³ Simpae tie samuhu ncapae kasatuan iman nang pengetahuan akan nakn Allah,nyukah insiea dewasa. ¹⁴ Nang bonyuk,tie kuoatn agik nakn nge daombang_ambingkan olel gomoakng nang dabaik kuhun kitiuk oleh bamicapm ngen pangijae,oleh tipiu daya insiea,oleh kecerdikan nti panipiu nge licik. ¹⁵ Sabaek,e,nyobut nge bunor daapm kiseh,tie akan batomuh daapm bono hal kaYiea,nge adalah kapalak nyuklah Kristus. ¹⁶ Nti pada,ebono bukoakng tasunsutn nang da kubot basama nyadai satu ngaau satiep tupokng sendi.bilea misekng_misekng nglakukan bagian,ne,bukoakng akan tomuh sehingga membingaon diri,e,suoakng daapm kiseh. ¹⁷ Pade nyuk,kau midah nang tegaskan daapm Tuhatn,nieng agik kio diip bo yuoakng nge dak paciak,nge diip ingkae pikir nge sia_sia. ¹⁸ Pangotaian sideak nyadai gelap nang tapisah nti kehidupan Allah pade kenaongan nge da daapm diri ba,a yiea nge dasebabkan oleh kekerasan tai. ¹⁹ Pesa baa yie duoah nyadai tompu nang ba,a yie nyerahkan diri ka hawa nafsu kanglakukan bamicapm kecemaran ingkae keserakahan. ²⁰ Akan tetapi,bukatn ingkae cira nyuk kio bajae tentakng Kristus. ²¹ Saumama kio memang duoah ningea tentakng Yiea nang dajae daapm Yiea,nge duoah bope kabunor nge da daapm Yesus. ²² Buoaknglah insiea amat kio nge kio dipat nti cira diip kio nge amat,nge sudokng daosoak oleh hawa nafsu nge nipiu. ²³ Dabiraulah roh pikiran kio. ²⁴ Kunokanlah insiea nge birau,nge dacptakan daapm rupa Allah daapm keadelan nang kekudusan sajitai. ²⁵ Oleh nyuklah,ingkae cira muoakng kepalsuan,bohlah satiep kio ngomonh tentakng nge bunor kasamuhu pade tie sama anggota nti satu bukoakng. ²⁶ Bohlah neang babuoot dosa.nieang nojuk ntaray pidapm daapm kio gidaik. ²⁷ Neang unyuk kasupotan ka setatn. ²⁸ Yuoakng nge duoah ncari,neang ncari agik.obih baek kalau yiea bakejea kuros nang nglakukan kejea nge baek ingkae jaai,e,suoakng sehingga yiea da bono joau ka dabagikan ka yuoakng nge molu,e. ²⁹ Nieng nojuk omong jahat kowoar nti nyo,okio,tapi hanya omong baek nge mbingaon yuoakng nge molu,e bieer omong kio nyuk unyuk bokot bagi ba,ayiea nge ningea,e. ³⁰ Nieng mendukakan Roh Kudus Allah ka ray penebusan. ³¹ Buoaknglah bono mocapm kepahitan,kegeraman,posa gidaik,petikaian,nang omong fitnah,samuhu kejahatan jaohkan nyuk nti kau. ³² Basikeaplah ramah satu nang nge laekng mpauklan ti nge omoh,nang salekng ngimpautn,nge duoah bope Allah faapm Kristus ngimpaotn kio.