Pasal 2
Suret La Jemaat Mo Efesus
1
“La malaikat jemaat mo Efesus nuliskanlah: Ohoqlah ongau Uhaq yaq geeq turu bintekng mo kami sanan-Uhaq dan yaq manan mo antara turu kanekng dien emas iro:
2
Aap tauq sekorekng pekerjaan ka dan jereh payah ka dan ketekunan ka, kelemeq ka beaw tahetn terhadap yaq daat, dan ka menguji ulutn-ulutn yaq nokai diriq yaq rasul, tetapiq sebeneryaq ulutn abaqlah ete rasul, dan tenoan ulutn iro palsu.
3
Ka tetep sabar dan bertahetn demi nai-Aap dan beaw kener lelah.
4
Akan tetapiq, Aap negur ka kerna ka epuq molak kasih ka yaq semula.
5
Kerna iro, ingetlah ete meq ka lotu dan betobat serta enaq oon yaq epuq denaq ka semula. Jika beaw, Aap akan empet la ka dan alaq kenekng dien ka ete antaiyaq, kecuali ka betobat.
6
Akan tetapiq, ohoq yaq naan pede ka: ka benci laku-perabes abetn penginteu Nikolaus, yaq Aap benci lei.
7
Uhaq yaq naan kelingen bierlah nyempaning oon yaq tenokai Roh la jemaat-jemaat. La uhaq yaq meneng, Aap antekng nyeq okatn ete Puutn Kehidupan yaq naan mo Taman Allah.”
Suret La Jemaat Mo Smirna
8
“Dan, la malaikat jemaat mo Smirna nuliskanlah: Ohoqlah ongau ete Yaq Awal dan Yaq Ahir, yaq epuq mate dan bolupm kojaq:
9
Aap tauq kesusahan dan kemiskinan ka, tetapiq sesungguhyaq ka kaya! Aap tauq fitnah yaq tenujuq la ka oleh ulutn yaq nokai diriq ulutn Yahudi, tetapiq sebeneryaq abaq, melaitnkan jemaah Belih.
10
Boteq takut terhadep oon yaq antekng ka derita. Perhatikanlah, setan akan nempalekng beberapa ete ka la pencaraq nadeq ka genuji, dan ka akan mengalami penganiayaan selama 10 olo. Setialah sampei mate, dan Aap akan nyeq la ka mahkota kehidupan.
11
Uhaq yaq naan kelingen bierlah nyempaning oon yaq tenokai Roh la jemaat-jemaat. Senarikng yaq meneng beaw antekng menderita oleh katetn yaq keduaq.”
Suret La Jemaat Mo Pergamus
12
“Dan, la malaikat jemaat mo Pergamus nuliskanlah: Ohoqlah ongau Uhaq yaq naan pedekng terap mataq duaq:
13
Aap tauq mo meq ka nongko, mo antai takhta Belih; tetapiq ka begontekng pede nai-Aap dan beaw menyangkal iman-ka la Aap bahkan pede zamen Antipas, saksi-Aap yaq setia yaq benunu mo antara ka, antai Belih nongko.
14
Namun, Aap negur ka kerna naan beberapa ete antara ka yaq kinteu ajaran Bileam, yaq ngajer Balak kalaq enaq sandungan mo telamaq anak-anak Israel, kalaq man okatn yaq dipersembahkan la berhala dan enaq dosa-dosa seksual.
15
Keliro lei, naan beberapa mo antara ka yaq begotekng pede ajaran Nikolaus.
16
Kerna iro, betobatlah! Jika beaw, Aap akan segera empet la ka dan mereng ka opekng pedekng ete molot-Aap.
17
Enceq yaq uputn kelingen bierlah nyempaning oon yaq tenokai Roh la jemaat-jemaat. La uhaq yaq meneng, Aap akan nyeq manna yaq senilek; dan Aap akan nyeq la uhaq erai batuq bura, dan nai bayuq tenulis mo batuq iro, yaq beaw erai kongaq pun tauq kecuali senarikng yaq terima yaq.”
Suret La Jemaat Mo Tiatira
18
“Dan, la malaikat jemaat mo Tiatira nuliskanlah: Ohoqlah ongau Anak Allah, yaq mataq-Uhaq kiaq delatn api dan yaq kenekng-Uhaq menyala kiaq tembaga sua peruruk:
19
Aap tauq laku-perabes ka, kasih ampetn iman ka, pelayanan ka ampetn kesabaran ka, dan bahwa laku-perabes yaq terahir pelebeh yaq tematn.
20
Namun, Aap negur ka kerna ka ngebier bawe Izebel iro, yaq ngaku sebagei nabiah, ngajer dan menyesatkan pelayan-pelayan-Aap nadeq bezinah dan man okatn yaq epuq dipersembahkan la berhala.
21
Aap epuq nyeq uhaq watu antai betobat, tetapiq uhaq beaw moyu betobat ete zinah yaq.
22
Perhatikanlah, Aap antekng nempalekng uhaq mo punan ranyang penderitaan dan ulutn yaq bezinah ampetn uhaq akan tenempalekng Aap la sua kesusahan solai, kecuali ulutn betobat ete laku-perabes bawe iro.
23
Dan, Aap akan munu anak-anak uhaq ampetn katetn; dan sekorekng jemaat akan tauq bahwa Aaplah yaq nguji pikiran ampetn asekng senarikng, dan Aap akan males la ka masing-masing menurut laku ka.
24
Namun, la ka yaq bali mo Tiatira, yaq beaw kinteu ajeran ohoq, yaq male tauq rahasia-rahasia belih, Aap nokai: Aap beaw antekng petimpa beban bali la punan ka.
25
Akan tetapiq, beremetlah terus pede oon yaq epuq duputn ka sampei Aap empet.
26
Dan, la senarikng yaq meneng ampetn yaq enaq pekerjaan-pekerjaan-Aap sampei ahir, Aap akan nyeq kuasa ates bangsa-bangsa,
27
dan ulutn akan merentah bangsa-bangsa iro opekng tungket besiq, generemuq bekepeng-kepeng kiaq tembikar tukeng periuk, kerna Aap pun epuq terima kuasa ete Bapa.
28
Dan, Aap akan nyeq la uhaq bintekng timur.
29
Enceq yaq naan kelingen bierlah nyempaning oon yaq tenokai Roh la jemaat-jemaat.”