¹ Lalo, denyeq la aap erai oyus tolakng, wujud yaq kiaq tungket pengukur, ampetn perentah-perentah, “Engko dan ukurlah Bait Allah ampetn altar yaq serta ulutn yaq beribadah mo sua dalepm yaq. ² Akan tetapiq, bierkanlah pelataran Bait Allah yaq mo bila jaba, boteq ngukur yaq kerna iro epuq denyeq la bangsa-bangsa; dan ulutn akan ngelenyek Kota Suci iro sekolatn 42 bulatn. ³ Dan, Aap akan nyeq kuasa la duaq saksi aap dan ulutn akan bernubuat sekolatn 1260 olo opekng robet kabung.” ⁴ Ulutn ohoq adalah 2 puutn zaitun dan 2 kenekng dian yaq jakat mo telamaq Tuhen yaq uputn bumi. ⁵ Dan, jikaq naan senarikng yaq kakatn peraraq ulutn, api losek ete molot yaq dan pesoyaq musuh-musuh ulutn. Jikaq enceq pun kakatn peraraq ulutn, akan benunu ampetn cara kiaq iro. ⁶ Keduaq yaq ohoq uputn kuasa kalaq nutup langit nadeq osaq beaw ili pede olo-olo nubuat ulutn; dan uputn kuasa ates danum kalaq ngubah yaq jadiq daya dan kalaq kempes  bumi ampetn setiep malapetaka, sesering yaq dakatn ulutn. ⁷ Dan, beraq ulutn epuq nyolukng kesaksian ulutn, binatekng yaq timur ete jurang maut akan berpereng ngelawetn ulutn dan pekalah yaq, serta munu yaq. ⁸ Dan, jasad keduaq yaq akan tergeletak mo lalaq kota solai, yaq secara simbolis tenaq Sodom dan Mesir, antai Tuhan takaq pun senalib. ⁹ Dan, ete seluruh bangsa ampetn suku ampetn bahasa ampetn kaum akan kitaq jasad keduaq yaq sekolatn 3,5 olo dan beaw akan ngizinkan jasad keduaq yaq dengkes sua lubekng. ¹⁰ Dan, yaq nongko mo bumi akan gegoq ates ulutn dan eheu; dan ulutn saling ngirim hadiah erai ampetn yaq bali kerna keduaq nabi ohoq nyiksa ulutn yaq nogko mo bumi. ¹¹ Akan tetapiq, lipes 3,5 olo, roh bolupm ete Allah sua la keduaq jasad iro, dan ulutn jakat oliq mo punan kenekng ulutn sehingga yaq memperhatikan ulutn jadiq takut. ¹² Lalo, ulutn dingaq ongau yaq nyarikng ete surga nokai la ulutn, “Engketlah lahoq!” Dan, ulutn pun engket la surga sua jautn, disaksikan oleh musuh-musuh ulutn. ¹³ Dan, pede saat iri, terjadiqlah gempa bumi yaq dahsyat sehingga sepersepuluh kota iro runtuh; dan turu ribuq senarikng mate kerna gempa bumi iro, dan yaq beaw mate jadiq sangat takut, lalo memuliakan Allah yaq mo surga. ¹⁴ Bencana yaq keduaq epuq lalo; perhatikan lah bencana yaq ketoluq akan segera empet. Terompet Yaq Keturu Seniup ¹⁵ Lalo, malaikat yaq keturu nyiup trompet uhaq, dan kenedinganlah ongau nyarikng mo surga yaq nokai, “Pemerintahan dunia epuq jadiq pemerintahan Tuhen takaq dan Uhaq Yaq Diurapi-Yaq, dan Uhaq akan memerentah sampei sekolaq-kolaq yaq.” ¹⁶ Lipes iro, duaq pulu opat tuhaq-tuhaq yaq tuet mo takhta ulutn, mo telamaq Allah, sujud dan nyembah Allah, ¹⁷ ampetn nokai, “Kaiq besyukur la-Ko, yaq Tuhen, Allah Yaq Mahakuasa, Yaq Naan dan Yaq Epuq Naan, kerna Ko epuq nyeq kuasa-Ko yaq solai dan mulei memerentah. ¹⁸ Dan, bangsa-bangsa epuq suker, tetapiq murka-Ko epuq empet, dan watu yaq epuq empeq bagiq ulutn-ulutn mate kalaq dihakimi dan nyeq upah hamba-hamba-Ko nabi-nabi ampetn ulutn-ulutn kudus dan yaq takut ampetn nai-Ko, yaq keding ampetn yaq solai, nengkalaq ngeremuq  abetn pengeremuq bumi!” ¹⁹ Lipes iro, mempukelah Bait Allah mo surga dan ditantn lah Tabut Perjanjian Allah sua Bait-Uhaq, dan timurlah ilap ampetn ongau perempekng ampetn gempa bumi ampetn osaq es yaq lopa.