¹ Beraq ohoq, lipes Yesus lahir mo Betlehem, mo Yudea, pada zaman Raja Herodes, Perhatikan, ulutn-ulutn Majus ete timur empet la Yerusalem. ² Ulutn penik, “Momeqkah Uhaq, yaq dilahirkan, Raja ulutn Yahudi iro? Sebeb, kaiq epuq kitaq binteng-Uhaq mo timur dan kaiq empet kalaq menyembah-Uhaq.” ³ Beraq Raja Herodes dingaq hal ohoq, gelisahlah uhaq dan seluruh Yerusalem ampetn uhaq. ⁴ Lalu, uhaq ngumpur sekorekng imam kepala dan ahli-ahli Taurat bangsa iro. Herodes penik la mali pedemeq Kristus dilahirkan. ⁵ Mali ngejawab, “Mo Betlehem, wilayah Yudea, kerna kelirolah yaq tenulis oleh nabi: ⁶ Tapiq ko, hai Betlehem Efrata, mo tana Yehuda, ko abaqlah yaq terkeding mo antara penguasa Yehuda, kerna ete ko akan bangkit bagiq-Aap, erai kongaq pemimpin, yaq akan mengembalakan umat-Aap Israel.’” ⁷ Lipes iro, Herodes komei-komei nogeq ulutn-ulutn Majus iro, sake kepastian ete mali tentang watu timuryaq binteng itu. ⁸ Lalu, uhaq siu mali la Betlehem dan nokai, “Engko dan nyelidiklah ampetn teliti tentang Anak iro. Dan, kaleu ka epuq ruku-Uhaq, petauqlah la aap nadeq aap pun bisa empet dan menyembah-Uhaq.” ⁹ Setelah nyempaning raja, mali berangket. Dan, Amati, binteng yaq mali kitaq bila timur iro menuntun mali sampei empeq dan berenti mo punan antai Anak iro nongko. ¹⁰ Beraq kitaq binteng iro, mali bersukacita ampetn sukacita yaq sangat solai. ¹¹ Setelah sua la dalepm belai, mali ruku Anak iro beroh Maria, tinen-Yaq. Lalu, mali tersungkur dan menyembah-Uhaq. Lipes iro, mali muke antai-antai retaq mali dan mempersembahkan hadiah-hadiah la-Uhaq, yaq iro emas, kemenyan, dan mur. ¹² Kerna penengkinget sua tupiq aga boteq uli la Herodes, mali uli la negeriyaq lalo lalaq yaq bali. Perentah Kalaq Uyoq La Mesir ¹³ Setelah ulutn-ulutn Majus iro uli, perhatikan, malaikat Tuhan pekitaq Yusuf sua tupiq dan biongau, “Uwatlah! Oit Anak iro beroh tinen-Yaq dan uyoqlah la Mesir. Nongkolah mo aro sampei Aap biongau la ko kerna Herodes kakatn elo Anak iro kalaq membinasakan-Yaq.” ¹⁴ Lipes iro, Yusuf uwat dan oit Anak iro ampetn tinen-Yaq bayaq watu malepm uyoq oroq la Mesir, ¹⁵ dan nongko mo aro sampei Herodes mate nadeq digenepilah yaq difirmankan Tuhen melalui nabi: “Dan ete Mesir Aap nogek Anak-Aap.” Pembunuhan Sekorekng Anak-Anak Sookng Mo Betlehem ¹⁶ Lipes iro, ketika Herodes tauq amen uhaq epuq diperdaya oleh ulutn-ulutn Majus, uhaq sangat kerosaq dan nyeq perentah siu munu sekorekng anak sookng mo Betlehem dan seluruh wilayah mo sekitaryaq, yaq berumur duaq tautn la iwaq, sesuei emeq watu yaq epuq uhaq pastikan ete ulutn-ulutn Majus. ¹⁷ Makaq, geneplah yaq penensempeq oleh Nabi Yeremia: ¹⁸ “Suatu ongau kenedingaq mo Rama, ratap tangih yaq sangat sedih. Rahel nangih anak-anakyaq, dan beau moyu dihibur kerna mali epuq aweq.” Perentah Kalaq Uli La Israel ¹⁹ Namun, beraq Herodes mate, Perhatikan, malaikat Tuhen pekitaq diriq sua tupiq la Yusuf mo Mesir, ²⁰ dan biongau, “Uwatlah, oit Anak iro ampetn tinen-Yaq la tana Israel kerna ulutn-ulutn yaq berusaha munu nyawa Anak iro epuq mate.” ²¹ Lalu, uhaq uwat dan oit Anak iro beserta tinen-Yaq dan uli la tana Israel. ²² Tapiq, beraq uhaq dingaq bahwa Arkhelaus memerentah mo Yudea gantiq Herodes, tamenyaq, Yusuf takut engko laro. Setelah penengkumpiq sua tupiq, uhaq engko la wilayah Galilea. ²³ Yusuf empeq dan nongko mo erai kota yaq tenokai Nazaret nadeq geneplah yaq penensempeq para nabi, “Uhaq akan tenokai ‘Ulutn Nazaret’.”