¹ Pada mula yaq adalah Firman, Firman iro bersama-sama ampetn Allah dan Firman iro adalah Allah. ² Firman iro epuq bersama-sama ampetn Allah sejak awelyaq. ³ Sekorekng esaq ciptaan lalo Uhaq. Tanpa Uhaq, sekorekng esaq yaq epuq naan beaw mungkin bisa naan. ⁴ Sua Uhaq naan bolupm, dan bolupm iro adalah Terekng senarikng. ⁵ Terekng iro bercahaya sua denepm, dan denepm beaw ngahan menguasai-Uhaq. ⁶ Naan senarikng yang genutus Allah, nai yaq Yohanes. ⁷ Uhaq empet sebagei saksi kalaq pesempeq kesaksian tentang Terekng iro nadeq lalo uhaq sekorekng senarikng jadiq persaya. ⁸ Yohanes nokai uhaq abaq ete Terekng iro, tapiq uhaq empet kalaq pesempeq kesaksian tentang Terekng iro. ⁹ Terekng yaq sejati, yaq nerekng sekorekng senarikng, antekng empet la dunia. ¹⁰ Terekng iro epuq naan mo dunia dan dunia ohoq denen oleh-Uhaq, tapiq dunia beaw kener-Uhaq. ¹¹ Uhaq empet la umat pilihan-Uhaq, tapiq ulutn beaw terima Uhaq. ¹² Namun, ulutn yaq terima Uhaq denyeq-Uhaq kuasa kalaq jadiq anak-anak Allah, yaq iro ulutn yaq persaya la nai-Uhaq. ¹³ Ulutn genelahir beaw ete daya ateu pengakatn senarikng, ateu ete pengakatn sookng, melainkan ete Allah. ¹⁴ Firman iro epuq jadi senarikng dan nongko mo tengah takaq. Takaq epuq kitaq kemuliaan-Uhaq, yaq iro kemuliaan Anak Tungger Bapa, punikng ampetn anugerah dan kebenaran. ¹⁵ Yohanes nyeq kesaksian tentang Uhaq ampetn nokai, “Ohoqlah Uhaq yaq aap maksud bayaq aap nokai, ‘Lipes aap, antekng empet Uhaq yaq nyemponaq aap kerna Uhaq naan semale aap.’” ¹⁶ Ete kepenuhan-Uhaq, sekorekng takaq terima anugerah demi anugerah. ¹⁷ Sebeb, Ukupm Taurat denyeq lalo Musa, tapiq anugerah dan kebenaran empet lalo Kristus Yesus. ¹⁸ Beaw erai senarikng pun pernah kitaq Allah, tapiq Anak Tunger Allah, yaq naan mo belango Bapa, Uhaqlah yaq menyatakan-Yaq. Kesaksian Yohanes Pembaptis (Mat. 3:1-12; Mrk.1:2-8; Luk.3:15-17) ¹⁹ Ohoqlah kesaksian Yohanes beraq ulutn-ulutn Yahudi ngutus imam-imam dan ulutn-ulutn Lewi ete Yerusalem kalaq penik la Yohanes, “Enceqkah ko?” ²⁰ Yohanes ngaku, dan uhaq beaw nyangkalyaq, uhaq ngaku, “Aap abaq ete Kristus iro.” ²¹ Ulutn penik la uhaq, “Kaleu keliro, enceqkah ko? meqkah ko Elia?” uhaq ngejawab, “Aap abaq ete Elia.” “Meqkah ko Nabi iro?” uhaq ngejawab, “Abaq.” ²² Lipes iro, ulutn biongau la uhaq, “Enceqkah ko kerna kaiq harus nyeq jawab la ulutn yaq ngutus kaiq? Oon tokaiko tentang diriq ko sendiri?” ²³ Yohanes ngenjawab ampetn ongau Nabi Yesaya, “Aaplah ongau senarikng yaq tenokai Nabi Yesaya berseru-seru mo padekng belantara: ‘Luruskanlah lalaq bagiq Tuhen!’” ²⁴ v 24 Ulutn-ulutn Yahudi yaq genutus iro adalah ulutn Farisi. ²⁵ Lalu, ulutn biongau la Yohanes, “Amen ko abaq ete Mesias, abaq ete Elia, dan abaq ete Nabi iro, kelemeq ko ngebaptis?” ²⁶ Yohanes ngejawab ulutn, “Aap ngebaptis pekng danum, tapiq mo tengah ka jakat Uhaq yaq beaw ka kener. ²⁷ Uhaqlah yaq antekng empet lipes aap. Muke taliq sandal-Uhaq pun, aap beaw pantas.” ²⁸ Sekorekng hal iro terjadiq mo Betania, mo empai Sunge Yordan, antai Yohanes ngebaptis. Anak Domba Allah ²⁹ Olo kerumenyaq, Yohanes kitaq Yesus empet la uhaq, dan Yohanes nokai, “Neawlah, Anak Domba Allah yaq ngapus dosa dunia! ³⁰ Uhaqlah yaq aap maksud beraq aap nokai, ‘Lipes aap antekng empet Uhaq yaq lebeh solai etepadaq aap kerna Uhaq epuq naan semale aap.’ ³¹ Mulayaq, aap beaw kener Uhaq, tapiq nadeq Uhaq dinyatakan la ulutn-ulutn Israel, makaq aap empet ngebaptis ampetn danum.” ³² v 32 Dan, Yohanes bersaksi, Tokai uhaq, “Aap kitaq Roh ili ete langit kiaq pepuluq merpati dan Roh iro ngep pede-Uhaq. ³³ Aap pun beaw kener Uhaq, tapiq Uhaq yaq ngutus aap kalaq ngebaptis ampetn danum nokai la aap, ‘Uhaq yaq la punan-Uhaq ko kitaq Roh ili dan nongko, Uhaqlah yaq akan ngebaptis pekng Roh Kudus.’ ³⁴ Aap sendiri epuq kitaq dan nyeq kesaksian amen Uhaq ohoqlah Anak Allah.’” Murid-Murid Yesus Yaq Pertama ³⁵ Olo kerumenyaq, Yohanes jakat oliq beroh duaq kongaq muridyaq, ³⁶ dan uhaq kitaq Yesus sedeng manan. Yohanes nokai, “Neawlah, Anak Domba Allah!” ³⁷ Keduaq murid uhaq dingaq ongau uhaq iro mali tahui manan perasuq Yesus. ³⁸ Yesus kulep la odiq dan beraq kitaq mali sedeng perasuq-Uhaq, Uhaq biongau la mali, “Oon yaq delo ka?” Mali nokai la-Uhaq, “Rabi (yaq retiyaq: Guru), Momeq Ko nongko?” ³⁹ Uhaq nokai la mali, “Ayoq aga ka empeq” Lipes iro, mali empeq dan neaw antai Uhaq nongko dan mali nongko beroh-Uhaq olo iro konaq watu iro epuq kira-kira jam opat. ⁴⁰ Diantara keduaq murid yaq dingaq ongau Yohanes lalu nyang Yesus iro adalah Andreas, eraibutukng Simon Petrus. ⁴¹ Semale iro, Andreas bereruku Simon, eraibutukngyaq, dan nyeq tauq uhaq, “Kaiq epuq ruku Mesias (yaq diterjemahkan jadiq ‘Kristus’).” ⁴² Lipes iro, Andreas oit Simon la Yesus. Yesus neaw Simon dan nokai, “Ko Simon, anak Yohanes. Ko akan tenogeq Kefas (yaq retiyaq ‘Petrus’ atau ‘Batuq’).” ⁴³ Olo kerumenyaq, Yesus bermaksud engko la Galilea. Uhaq beruku ampetn Filipus dan biongau la uhaq, “Nyanglah Aap!” ⁴⁴ Filipus beraser ete Betsaida, kota antai Andreas dan Petrus nongko. ⁴⁵ Filipus beruku ampetn Natanael dan nokai la uhaq, “Kaiq epuq ruku Uhaq yaq tenulis oleh Musa sua Ukupm Taurat dan oleh para nabi, yaq iro Yesus ete Nazaret, anak Yusuf.” ⁴⁶ v 46 Natanael biongau la uhaq, “Mungkinkah naan suatu yaq bueq empet ete Nazaret?” Filipus biongau la uhaq, “Empet dan Rukulah.” ⁴⁷ Yesus kitaq Natanael empat la-Uhaq dan biongau mengenai Natanael, “Neawlah, Erai Israel sejati, aweq naan kepalsuan mo sua uhaq!” ⁴⁸ Natanael penik, “Kelemeq Ko kener aap?” Yesus ngejawab, “Semale Filipus nogeq ko, Aap epuq kitaq ko beraq ko naan itai puutn ara.” ⁴⁹ Jawab Natanael, “Rabi, Ko adalah Anak Allah. Ko adalah Raja ulutn Israel.” ⁵⁰ Yesus ngejawab la uhaq, “Kerna Aap nokai la ko, ‘Aap epuq kitaq ko mo itai puutn ara’, makaq ko persaya? Ko akan kitaq hal-hal yaq oroq lebeh solai etepadaq ohoq!” ⁵¹ Lalu, Uhaq ngelanjutkan, “Sesungguhyaq, Aap nokai la ko, ko akan kitaq langit mempuke dan malaikat-malaikat Allah ili-engket melayani Anak Senarikng.”