¹ Ete Paulus, yaq jadiq rasul Yesus Kristus oleh pengakatn Allah, dan ete Timotius kabetn erai iman takaq. ² La ulutn-ulutn kudus dan kabetn-luhetn erai iman yaq setia sua Kristus mo Kolose. Anugerah bagiq ka dan damai sejahtera ete Allah Bapa takaq. Doa Ampetn Ucapan Syukur Paulus ³ Beraq  bedoa kalaq ka, kaiq selalu mengucap syukur la Allah, Bapa ete Tuhen takaq Kristus Yesus, ⁴ kerna kaiq dingaq tentang iman ka sua Yesus Kristus dan kasih yaq naan mo ka kalaq sekorekng ulutn kudus. ⁵ Iman ampetn kasih iro timur kerna pengharapan yaq senedia bagiq ka mo surga, yaq epuq ka dingaq sua firman kebenaran, yaq iro Injil. ⁶ Injil iro epuq empeq la ka bahkan la seluruh dunia dan Injil ohoq terus menghasilkan bua dan berkembang, sama kiaq yaq terjadiq mo antara ka, sejak olo ka nyempaning yaq dan memahami anugerah Allah sua kebenaran. ⁷ Ka epuq belajer hal ohoq ete Epafras terkasih, ajutn kaiq erai pelayanan, yaq epuq jadiq pelayan Kristus yaq setia bagiq ka. ⁸ Uhaqlah yaq epuq petauq la kaiq tentang kasih ka sua Roh. ⁹ Kerna iro, sejak olo kaiq dingaq yaq, kaiq beaw pernah berenti bedoa bagiq ka dan sake nadeq Tuhen enaq ka punikng ampetn pengetautn akan pengakatn-Uhaq sua sekorekng hikmat ampetn pengertian rohani. ¹⁰ Ampetn keliro, ka ngahan bolupm ampetn cara yaq layak mo telamaq Tuhen, peseneng-Uhaq sua esaq lingan, menghasilkan bua sua setiep pekerjaan bueq, dan tumu sua pengetautn akan Allah. ¹¹ Semoga ka denyeq kekuatan sua sekorekng kekuatan sesuei ampetn kemuliaan kuasa-Uhaq nadeq ka ngahan sekorekng ketekunan dan kesabaran ampetn sukacita. ¹² Bersyukurlah la Bapa yaq epuq enaq ka memenuhi syarat kalaq terima bagian ete warisan ulutn-ulutn kudus sua terekng. ¹³ Uhaq epuq ngelepas takaq ete kuasa kegelapan dan pekale takaq la Kerajaan Anak-Uhaq yaq terkasih. ¹⁴ Sua Uhaq, takaq naan penebusan, yaq iro pengampunan atas dosa-dosa takaq. Kristus Yaq Terutama Sua Esaq Lingan ¹⁵ Uhaq adalah gamaar ete Allah yaq beaw ditatn, yaq tukaq atas sekorekmg ciptaan. ¹⁶ Sebeb, oleh Uhaq, esaq lingan yaq naan mo surga dan mo bumi benuet, yaq ngahan ditatn ampetn yaq beaw ngahan ditatn, bueq takhta, kekuasaan, pemerentah, maupun penguasa. Sekorekng esaq epuq benuet lalo Uhaq dan kalaq Uhaq. ¹⁷ Uhaq epuq naan semale naan esaq lingan, dan sekorekng esaq tenopang bersama-sama sua Dia. ¹⁸ Uhaq adalah utek ete unuk, yaq iro jemaat. Uhaq lei adalah yaq awal, yaq tukaq ete antara ulutn mate nadeq Uhaq jadiq yaq utama ete esaq lingan. ¹⁹ Sebeb, Allah berkenan nadeq seluruh kepenuhan-Yaq nongko sua Uhaq. ²⁰ Lalo Uhaq, esaq lingn kenedamai ampetn Diriq-Uhaq, bueq yaq naan mo bumi maupun mo surga, yaq iro perdamaian lalo daya-Uhaq yaq tumpak mo punan kayuq salib. ²¹ Ka bayuh terasing, ngemusuh Allah sua pikiran ka, dan enaq tindakan-tindakan daat, ²² sekareng ka epuq kenedamai ampetn unuk jasmani Kristus lalo katetn-Uhaq kalaq mempersembahkan ka sebagei persembahan yaq kudus, aweq saset, dan aweq cela mo telamaq Allah. ²³ Jadiq, teteplah ka nongko sua iman, kukuh, ampetn teguh, beaw geguokng ete pengharapan Injil yaq kenedingan ka, yaq epuq seneritaq la sekorekng ciptaan mo itai langit, yaq oleh aap, Paulus, jadiq pelayan. Pelayanan Paulus La Jemaat ²⁴ Sekareng, naan sukacita sua penderitaan aap demi ka kerna mo sua unuk aap melengkapi oon yaq kurekng sua penderitaan Kristus, demi unuk-Uhaq, yaq iro jemaat. ²⁵ Aap jadiq pelayan jemaat sesuei ampetn tugas penatalayanan ete Allah yaq senerah la aap bagiq ka nadeq aap ngahan pesempeq firman Allah ampetn sepenuhyaq. ²⁶ Ohoqlah rahasia yaq beaw ditatn ete zamen la zamen dan generasi la generasi, tetapiq yaq sekareng epuq penengkitaq la ulutn-ulutn kudus-Uhaq. ²⁷ Allah kakatn pekitaq la ulutn betapa kaya rahasia yaq mulia ohoq mo antara bangsa-bangsa bali, bahwa Kristus naan mo sua ka, yaq iro pengharapan ete kemuliaan. ²⁸ Kaiq pesempeq berita tentang Uhaq ampetn cara negur dan ngajer setiep senarikng ampetn sekorekng hikmat sehingga kaiq ngahan oit setiep senarikng jadiq dewasa sua Kristus. ²⁹ Kalaq iro lah, aap lei ampetn susah payah, berjuang sesuei ampetn kuasa-Uhaq yaq bekerjaq ampetn kuet mo sua aap.