Pasal 1
Salam Ampetn Pujian Kalaq Gayus
1
Ete penatua la Gayus terkasih, yaq aap kasihi sua kebenaran.
2
Kabetn yaq aap kasihi, aap bedoa semoga ko bueq-bueq ngauq sua sekorekng hal, semoga unuk ko sehat, sama kiaq jiwa ko pun sehat.
3
Sebeb, aap sangat besukacita beraq kabetn-luhetn empet dan bersaksi tentang kebenaran ko, kelemeq saat ohoq ko bolupm sua kebenaran.
4
Aap aweq naan sukacita yaq lebeh solai etepadaq dingaq bahwa anak-anak aap manan sua kebenaran.
5
Kabetn aap yaq kekasih, ko bertindak ampetn setia sua sekorekng usaha ko bagiq kabetn-luhetn, meskipun mali ulutn asing.
6
Ulutn epuq bersaksi tentang kasih ko mo telamaq jemaat. Ko akan enaq yaq bueq apabila bantu ulutn
ngelanjut anan ampetn cara yaq berkenan la Allah.
7
Sebeb, ulutn epuq manan demi Nai iro, tanpa terima oon pun ete ulutn-ulutn yaq beaw persaya.
8
Kerna iro, takaq harus bantu senarikng-senarikng kiaq ulutn nadeq takaq jadiq rekan pelayanan bagiq kebenaran.
Diotrefrs Ampetn Demetrius
9
Aap epuq nulis suret la jemaat, tetapiq Diotrefes, yaq eheu menonjolkan diriq mo antara ulutn, beaw moyu terima kaiq.
10
Kerna iro, kaleu aap empet, aap akan pekinget uhaq atas tindakan uhaq, yaq memfitnah kaiq ampetn ongua-ongau yaq daat! Beaw hanya iro, uhaq pun beaw moyu terima kabetn-luhetn yaq empet dan kelamen mali yaq moyu terima kabet-luhetn iro serta mengucilkan mali ete jemaat.
11
Kabetn aap yaq aap kasihi, boteqlah niru yaq daat, melatinkan yaq bueq. Senarikng yaq bebuet bueq beraser ete Allah, tetapiq senarikng yaq bebuet daat, male beruku Allah.
12
Sekorekng senarikng epuq bersaksi ya bueq tentang Demetrius, bahkan kebenaran bersaksi keliro. Kaiq pun bersaksi, dan ko tauq amen kesaksian kaiq benar.
Salam Penutup
13
Naan deoq hal yaq kakatn tenulis aap la ka ingin ka, tetapiq aap beaw moyu nulis yaq la ka ampetn pena beroh tentah.
14
Aap beharep segera beruku dan takaq akan Seritaq secara mentelamaq.
15
Damai sejahtera bagiq ko. Ajutn-ajutn mo ohoq ngirim salam kalaq ko. Pesempeq lei salam kaiq la setiep kabetn mo iro.