Pasal 1
Salam Nengkalaq Timotius
1
Ete Paulus, rasul Yesus Kristus yaq beneli oleh pengakatn Allah sesuei ampetn janyi bolupm yaq naan sua Yesus Kristus.
2
Nengkalaq Timotius, anak yaq terkasih. Anugerah, belas kasih, ampetn damai sejahtera ete Allah Bapa ampetn Yesus Kristus, Tuhen takaq.
Nasehat Nengkalaq Terus Pesempeq Berita Injil
3
Aap senantiasa bersyukur la Allah, yaq aap layani ampetn asekng nurani yaq berseh kiaq yaq denaq enen datuq niniq aap, saat aap umpiq ampetn ko sua doa-doa aap jelo ampetn malepm.
4
Beraq aap tekumpiq elu mataq ko, aap kakatn ruku ko nadeq ponu sukacita aap.
5
Aap penengkumpiq ampetn iman ko yaq tulus, yaq pertama-tama bolupm sua itak ko, Lois, ampetn tinen ko, Eunike, dan aap yakin sekareng bolupm sua diriq ko lei.
6
Nengkalaq alasan ohoqlah, aap pekumpiq ko aga terus mengobarkan karunia Allah yaq naan pede diriq ko lalo penumpangan kami aap.
7
Sebeb, Allah beaw nyeq la takaq roh ketakutan, melaitnkan roh kekuatan, kasih, ampetn penguasaan diriq.
8
Jadiq, boteq mangen bersaksi tentang Tuhen takaq ateu tentang aap, tahanan-Uhaq. Akan tetapiq, oleh kuasa Allah nyanglah menderita demi Injil.
9
Uhaqlah yaq epuq nyelametkan takaq ampetn nogeq takaq opekng togeq kudus, beaw kerna perbuatan takaq, melaitnkan kerna tujuan beroh anugerah-Uhaq edotn yaq epuq denyeq Uhaq la takaq sua Yesus Kristus semale naan dunia.
10
Sekareng, hal ohoq epuq jadiq nyata lalo pengempet Juru Selamet takaq Yesus Kristus yaq epuq ngapus katetn dan oit bolupm ampetn kekekalan lalo Injil.
11
Oleh Injil ohoqlah, aap penentunuq jadiq pengkhotbah, rasul, ampetn guru.
12
Irolah sebebyaq, aap menderita kiaq sekareng ohoq. Namun, aap beaw mangen kerna aap tauq la enceq aap persaya dan aap yakin bahwa Uhaq sangup jaga oon yaq epuq Uhaq percayakan la aap sampei Olo iro empet.
13
Geqlah pokok-pokok ajeran sehat yaq epuq dingan ko ete aap sua iman ampetn kasih yaq naan sua Yesus Kristus.
14
Ampetn Roh Kudus yaq nongko mo sua takaq, jagalah ampetn bueq retaq beregaq yaq epuq dipercayakan la ko.
15
Ko tauq ete fakta bahwa sekorekng ulutn yaq naan mo Asia epuq berpaling ete aap, mo antara ulutn adalah Figelus ampetn Hermogenes.
16
Kirayaq Tuhen mengaruniakan belas kasih la erai luakng belai Onesiforus kerna uhaq sering menyegarkan aap dan beaw mangen kerna aap generum.
17
Sebaliqyaq, beraq empeq mo Roma, uhaq ampetn semangat elo dan beruku aap.
18
Kirayaq Tuhen menuntun aga uhaq menemukan belas kasih ete Tuhen pede olo aro, sebagaimana ko sendiriq tauq betapa deoq pelayanan yaq epuq denyeq uhaq la aap mo Efesus.