Pasal 1
Salam Ete Simon Petrus
1
Ete Simon Petrus, hamba dan rasul Kristus Yesus, la ulutn yaq epuq terima iman yaq sama ampetn yaq duputn kaiq lalo kebenaran Allah dan Juru Selamat takaq, Kristus Yesus.
2
Kirayaq anugerah dan damai sejahtera melimpah bagiq ka sua pengenalan akan Allah dan Yesus, Tuhen takaq.
Ulutn Yaq Tenogeq Dan Beneli Oleh Allah
3
Kuasa-Uhaq yaq ilahi epuq menganugerahkan la takaq sekorekng esaq yaq berkenaan ampetn bolupm dan kesalehan, lalo pengetautn akan Uhaq yaq epuq nogeq takaq nujuq kemuliaan dan kebueq-Uhaq.
4
Laloyaq, Uhaq epuq menganugerahkan la takaq janyi-janyi-Uhaq yaq solai jerenih dan beregaq nadeq olehyaq ka nghaan nyang alaq bagian sua keilahian-Uhaq, dan terhindar ete kerusakan yaq terjadiq mo dunia, yaq senebeb oleh berbagei hawa nafsu yaq membinasakan.
5
Kalaq tujuan iro, berusahalah ampetn sungguh-sungguh kalaq nameh imanka ampetn kebajikan, kebajikan ampetn pengetautn,
6
dan pengetautn ampetn penguasaan diriq, dan penguasaan diriq ampetn ketabahan, ketabahan ampetn kesalehan,
7
kesalehan ampetn kasih persaudaraan, kasih persaudaraan ampetn kasih kalaq sekorekng senarikng.
8
Sebeb, jika sekorekng yaq ohoq naan sua diriqka dan terus mentameh-tameh, ka beaw mungkin jadiq sia-sia atau beaw berbua sua pengenalan akan Tuhen takaq, Kristus Yesus.
9
Akan tetapiq, ulutn yaq beaw ngempuutn sekorekng yaq iro adalah ulutn yaq beaw ngahan kitaq ampetn jelas dan posa kerna uhaq pipet bahwa uhaq epuq benereseh ete dosa-dosa uhaq yaq lalo.
10
Oleh kerna iro, kabetn-luhetn aap, berusahalah lebeh giet oliq kalaq memastikan bahwa ka benar-benar tenogeq dan beneli; sebeb amen ka enaqyaq, ka beaw antekng pernah lotu.
11
Ampetn keliro, pintuq la sua kerajaan kekal Tuhen dan Juru Selamet takaq, Yesus Kristus, akan mempuke lebar bagiqka.
12
Irolah sebebyaq, aap bermaksud kalaq selalu pekinget ka akan sekorekng hal iro, sekalipun ka epuq tauq onaq dan epuq benangun ampetn kukuh sua kebenaran yaq sekareng duputn ka.
13
Selama aap maseh bolupm sua tenda duniawi ohoq, aap anggap perlu kalaq mendorong ka pekng cara pekinget ka,
14
sebeb aap tauq bahwa aap antekng segera molak tenda ohoq kiaq yaq epuq penentunuq la aap ampetn jelas oleh Tuhen takaq, Kristus Yesus.
15
Dan, aap akan berusaha ampetn sungguh-sungguh nadeq lipes pemolak aap, ka ngahan selalu ingat sekorekng yaq ohoq.
Saksi Mataq Kemuliaan Kristus
16
Sebeb, kaiq beaw nyang mitos-mitos yaq genarang ampetn jaji beraq pekener la ka kuasa dan pengempet Tuhan takaq, Kristus Yesus, tetapiq kerna kaiq adalah saksi-saksi mataq akan kemuliaan-Uhaq.
17
Sebeb, Uhaq terima hormat dan kemuliaan ete Allah Bapa beraq ongau Yaq Mahamulia empet la-Uhaq, “Ohoqlah Anak-Aap yaq Aap kasihi, la-Uhaqlah Aap berkenan.”
18
Kaiqpun dingaq ongau iro empet ete surga beraq kaiq bersama-sama beroh-Uhaq mo punan saikng suci.
19
Kaiq pun semakin keneyakin oleh ongau nubuat, yaq sebueqyaq lei ka perhatikan ampetn cermat, kiaq memperhatikan pelita yaq delatn mo antai yaq denepm, sampei empet kuriw dan bintekng fajar terbit sua asekng ka.
20
Akan tetapiq, hal terutama yaq harus ka pahami adalah bahwa aweq naan nubuat sua Kitab Suci yaq beraser ete penafsiran erai senarikng,
21
sebeb aweq naan erai pun nubuat yaq timur ete pengakatn senarikng, sebaliqyaq ete ulutn-ulutn biongau atas nai Allah berdaserkan pimpinan Roh Kudus.