Pasal 2
Bedoa Nengkalaq Sekorekng Senarikng
1
Pertama-tama, aap menasihatkan ka aga pekengket permohonan, doa, doa syafaat, ampetn ucapan syukur bagiq sekorekng senarikng,
2
bagiq raja-raja, ampetn sekorekng senarikng yaq tuet mo pemerentahan nadeq takaq ngahan menjalani bolupm yaq tenang ampetn damai sua segala kesalehan ampetn kehormatan.
3
Hal ohoq bueq dan berkenan mo telamaq Allah, Juru Selamat takaq,
4
yaq menghendaki sekorekng senarikng senelamet dan empeq la pengetautn akan kebenaran.
5
Sebeb, hanya naan erai Allah ampetn erai perantara antara Allah ampetn senarikng, yaq iro senarikng Yesus Kristus,
6
yaq epuq nyeq diriq-Uhaq edotn sebagei tebusan bagiq sekorekng senarikng. Kesaksian ohoq dinyatakan pede watu yaq ditetapkan-Uhaq.
7
Untuk irolah, aap ditetapkan sebagei pengkhotbah ampetn rasul -- aap biongau benar, aap beaw peketaq -- dan sebagei guru sua iman dan kebenaran bagiq bangsa-bangsa bali.
Sikap Sookng Bawe Sua Ibadah Jemaat
8
Kerna iro, aap ngarep sookng-sookng mo sekorekng tongkotn bedoa samer mengkat kamiyaq yaq kudus tanpa suker ampetn tantekng.
9
Keliro lei, aap ngarep bawe bepekaiyetn pantas, ponu kesopanan ampetn pengendalian diriq. Perhiasanyaq abaqlah ete balo yaq genepang-nepang, emas, mutiara, ateu pekaiyetn maher,
10
melaitnkan perbuatan-perbuatan bueq sebagaimana pantasyaq bawe yaq uputn kesalehan.
11
Ulutn bawe haruslah belajer sua ketenangan ampetn sua sekorekng ketaatan.
12
Akan tetapiq, aap beaw dewaq bawe ngajer ateu perentah sookng-sookng. Namun, bawe harus tetep tenang
13
kerna Adam diciptakan pertama, bayuq lipes iro Hawa,
14
dan abaq ete Adam yaq tenipu, melaitnkan bawe yaq tenipu dan lotu sua pelanggaran.
15
Namun, bawe akan senelamet lalo kelahiran anak aser ulutn terus bolupm sua iman, kasih, ampetn kekudusan beroh pengendalian diriq.