³ Salam Gasan Titus ¹ Dari Paulus, pandita Allah wan rasul Kristus Yesus, anu disuruh demi iman urang-urang nang di tantuakan Allah wan pengetahuan akan kabujuran anu mamimpin gasan kesalehan ² supaya buhannya mandapatakan pangharapan hidup anu kekal, anu dijanjiakanpas sabalum zaman di mulai ali Allah anu dada suah babuhau. Pas intuh inya telah mambari'i firman-Nya malalui habar anu telah diamanahakan ka aku sasuai lawan parintah Allah, Jurusalamat kita. ⁴ Gasan Titus, anak anu asli dalam iman kita sasamaan. Anugrah wan damai sejahtera tumatan Allah, Bapa, wan Yesus Kristus Juruselamat kita. Pakarjaan-pakarjaan Titus gasan Mamilih Tutuha di Kreta, ⁵ karena alasan ini teh aku maninggalakan ikam di Kreta, yaitu supaya ikam kawa mahuntungakan napa anu sining parlu di atur wan maangkat tutuha-tutuha di saban kuta, sing anu aku habarakan kaikam. ⁶ Inya haruslah urang anundada ada basalah, laki tumat saikung bini, baisi anak-anak anu parcaya wan dada dituduh karena hidup anu dada tadidik atawa mambarontak. ⁷ Sabab saurang panilik jemaat haruslah saurang anu dada bisi salah, sabagai panata layanan Allah, dada baagak, dada lakas sarik, lain pamabok,dada katuju bakalahi, wan dada sarakah pihan mancari kauntungan. . ⁸ Sabaliknya katuju mambari tumpangan, mangatujui apa nang baik, bijaksana, adil, saleh, ing kawa manguasai diri. ⁹ Inya batangguh lawan pada ucapan nang kawa diparcaya, sasuai lawan nang talah diajarakan sahingga inya kawa mambari papadah manurut pangajaran nang sehat wan managor buhannya nang malawannya. ¹⁰ Sabab ada banyak urang nang mambaruntak katuju pambuhau awan manipu, khususnya buhannya nang baasal dari kalompok urang basunat. ¹¹ Buhannya pantas ditutup muntungnya karna buhannya manyusahkan semuaan keluarga dengan maajarakan hal-hal nang saharusnya kada buhannya ajarakan, nang justru mandatangakan hal nang manyupanakan. ¹² Saikung urang tumatan buhannya, yaitu nabi buhannya saurang, baucap, "Dasar urang-urang Kreta pambuhau, sing binatang ganas nang awal, ing rakus ing malas." ¹³ Kisah ini bujur karena itu tagurlah buhannya dengan keras supaya buhannya menjadi sehat dalam iman. ¹⁴ Dada usah mandangar kisah-kisah urang Yahudi ing papadah urang-urang nu dada hajin kabujuran. ¹⁵ Gasan nang murni, sabarataan adalah murni. Tagal, gasan buhannya anu najis wan dada parcaya, dada ada sabuting-buting anu murni karena baik pikiran atawa hati nurani buhannya adalah najis. ¹⁶ Buhannya mangaku manganal Allah, tagal lawan parbuatannya buhannya manyangkal Allah. Buhannya intuh manggagali, dada taat, ing dada kawa sanngup malakuakan apa nang baik.