Salam ¹ Dari tutuha, gasan Indung nang dipilih wan gasan anak-anaknya, nang kukasihi dalam kabujuran, wan dada aku haja, tagal jua samuaan urang nang mengenal kabujuran, ² karena kabujuran nang ada dalam kita wan nang barsama kita salawasnya. ³ Anugerah, belas kasih, wan jua damai sejahtera dari Nini Bahatara, mandampingi dalam kabujuran wan kasih. Hiduplah sasuai Perintah Nini Bahatara ⁴ Aku liwar himung karena mengatahui bahwa beberapa anak ikam hidup dalam kabujuran, sebagaimana perintah anu talah kita dapati dari Bapang. ⁵ Wahini, aku mainta ka ikam, Indung, lain seolah-olah aku manulisakan sabuah perintah hanyar, tagal lawan perintah anu talah kita miliki mulai pamulaan, supaya kita sama-sama mengasihi. ⁶ Ing jua, initih kasih, bahwa kita hidup menurut perintah-perintahNya. Inilah perintah, saparti nang talah suah ikam dangar tumat pamulaan supaya ikam hidup di dalamnya. ⁷ Sabab, banyak penyesat anu talah timbul ka dunia, buhannya dada ma'akui Yesus sebagai Kristus nang datang basarupa urangnya. Buhannya adalah penyesat wan anti-Kristus. ⁸ Baingat-ingatlah supaya ikam dada kahilangan napa nang talah kita usaha akan, melainkan manarima upah samulinya. ⁹ saban ikung urang nang bajalan kaluar wan dada bagana dalam ajaran Kristus, Inya dada baisi Nini Bahatara. Tapi, siapapun nang bagana dalam ajaran intuh baisi baik Bapang atawa Anak. ¹⁰ Jaka ada urang nang datang lawan ikam wan dada mambawa ajaran innih, dada usah manarima inya ka dalam rumah ikamatawa mambari salam apa pun. ¹¹ Sabab, siapa pun nang manyambut inya ma'alap bagian dalam gawiyan awal urang intuh. Salam Panghabisan ¹² banyak nang kutulisakan ka ikam, tagal aku dada hakun melakukannya ing kartas lawan tintah. Lamun, aku baharap kawa datang lawan ikam wan baucap secara bahadapan muha supaya himung kita dihibak'akan. ¹³ Anak-anak dari dangsanak ikam nang tapilih mahampayakan habar lawan ikam.