¹ Iro lei pokok utama boatn takaq: takaq pu'utn Imam Solai yeq tuet be sila sanatn takhta Yeq Mahamoq be seruga. ² Daq melayani be Ruang Mahakudus broh be Kemah Suci sejati yeq benuat enetn Allah edotn, baq keq oleh senarikng. ³ Koetn sungker imam solai tenudruq adiq mempersembahkan pengokoi broh kurban, maka Imam Solai iro adeq harus oit sesuatu adiq dipersembahkan. ⁴ Aser Imam Solai iro bolupm be bumi, Daq beau antekng menjadiq imam sama sinai sebab be bumi epqu na'atn imam-imam yeq mempersembahkan pengokoi sesuai Ukum Taurat, ⁵ yeq iro dali yeq beribadah menurut tiruan broh bayang-bayang nekeq hal-hal surgawi nget engkar Allah pekinget Musa engar daq kakatn muatKemah Suci: "Pastikan lei ko eneq kengahai sesuatu yeq sesuai ampetn rancangan yeq epuq Ap tundruq laq ko be munatn saikng." ⁶ Namun, neheq, Yesus menerima tugas pelayanan yeq oroq lebeh mulia koetn perjanjian bayuq yeq diperantarai enetn-Daq iro adeq oroq lebeh moq broh ditetapkan berdasarkan be janyi-janyi yeq lebeh bueq. ⁷ Sebab, aser perjanjian yeq tela beau mengandung kesalahan, beau antekng na'atn yeq membutuhkan perjanjian yeq keq dueq. ⁸ Koetn Allah mahatn kesalahan senarikng, Daq kulek, "' Tinekng, saat yeq antekng empe,' ulek Tuhan, 'engkar Ap antekng eneq erai perjanjian bayuq ampetn kaum Israel broh kaum Yehuda. ⁹ Beau nget perjanjian yeq epuq Ap eneq ampetn itak moyang dali, yeq iro engkar Ap ngayak dali oit kamitn-Ap adiq memipin dali losek nekeq tana Mesir. Koetn dali beau setia laq perjanjian yeq Ap okoi, maka Ap beau memedulikan dali,' ulek Tuhan. ¹⁰ Iro lei perjanjian yeq antekng Ap eneq ampetn kaum Israel opos masa iro,' ulek Tuhan: 'Ap antekng ngilak ukum-ukum-Ap suang pikiran dali, broh Ap antekng menuliskan yeq be asekng dali. Ap antekng jadiq Allah dali, broh dali antekng jadi umat-Ap. ¹¹ Dali adeq beau entakng oliq perasuq pedetn bangsa daq atau piariq daq ampetn kulek, 'Kenal lei Tuhan' koetn kengahai senarikng antekng mengenal Ap, nekeq yeq kedis empe yeq paling solai. ¹² Sebab, Ap antekng berbelas kasi motn pelanggaran broh dosa-dosa dali. Broh, Ap pun beau antekng oliq inget kesalatn-kesalatn dali."' ¹³ Engkar Allah pesempe perjanjian bayuq, Daq eneq perjanjian yeq olaq beau payuq oliq. Broh, ense yeq epuq beau payuq oliq broh olaq antekng segera merasap.