1
Ovu vukevuo vu shangumukilo vua mudhimbu ua cili ua Yesu Kilistu muna Kalunga.
2
Ngue muva thona kuli kapolofeto Isaya.
Tala ange nji tuma muluwa ku lutue lua cihanga cove
umo eja ku vuahesa ngila yove.
3
Lijui lia mukaku tambeka mu mpanbo
una pande kutanda mungila ya Kalunga.
4
Yoano ue dhile muku mbuitika mumpambo na ku ambulula kumbuitika ca ku aluluka na ku ecela ca vuvi.
5
Mu cifuti ca Yundeya na vantu voshe va mu Yelusalema, va tuhukile kuli ikeye va ka vambuitike kuli ikeye mu ndonga ya Yolondau muku litavela milonga yavo.
6
Yoano ua dhalele cikanda ca ngamelu na muiva ua uendi ua cikanda, via kulia viendi vambimba na vuki.
7
ua handekele nguendi, "O u eja kunima yange ikeye ua nji tuvakana ndhili , ku njatha kuvutula mikole ya vinkaku viendi.
8
Ange nji mimbuitika mu mema , vunoni ikeye aka mimbuitika mumpundhi ya cili."
9
Via yombolokele ha matangua omo Yesu ua tundile ku Nazaleta ua ya ku Ngalileya , Yoano ua mbuitikile kuye mundonga ya Yolondau.
10
Omo Yesu ua tuntukile mumema keho lilu lia shokolokele nampudhi jethile hanthi ualifua nkuti.
11
Lijui lia tundile muilu ngualio, "Ou munange uo nja yongola ua njiya kumbunge, njamu thingimika."
12
Vunoni mpudhi ya mutualele mumpambo.
13
Ikeye uakele mumpambo matangua makumi a uana. Satana ua tamekele ku muetheka. Omo ua kele mu mpambo natuthitu, tungelo va mu kuathele.
14
Mualolo kunima va kuatele Yoano, Yesu uedhile ku Ngalileya mu ku ambulula mudhimbu ua Kalunga.
15
Ikeye ua handekele, "Nthsimbu vana i puithamo, Vu muene vua Kalunga vuli muhehi. Litaveleni na kuitava mudhimbu ua cili."
16
Omo uendele kumukulo ua Kalungandonga kuNgalileya. Ua muene Simoni na Andeleu munaina ua Simoni va kele kuta manda.
17
Yesu ua valekele nguendi, "Ijeni munji shuame keho ange njimi pangatha mu kapua va ka ku kuata vantu."
18
Vuathi vuathile manda vamu shuamene.
19
Omo Yesu uendele kulutue ua muene va Tiango muna Sembendeu na Yoano na munaina va kele mu vuato vali nakuta manda.
20
Ua va thanene, ngeci va thile yishe yavo Sembendeu mu vuato na vaka vipanga avo va mu shikuile.
21
Mukemo vedhile ku Kapenama mu Sambata, Yesu ua ile musinangonga aka longethe.
22
Va komokele kulongetha kuendi, vunoni ua va longethele ngue umo ua kele na mpoko keti ngue mukua kuthona.
23
O u ni mumala vene ua kele mu sinangonga, ua kele navi mpundhi viaku via ku viha ua tambakanene.
24
Vika tuli na kupanga nove Yesu ua ku Nazaleta? Uneja na ku tu shandola? Ange nji tantekeya ove ua jela.
25
Yesu ua handekele navi mpundhi nguendi, "Holoka, tuhukamo!"
26
Mpundhi yaku viha yamu uitha na kushana noho ya tuhukilemo na ku tambeka na lijiu lia kama. via tuhukile muli ikeye. Ua tambekele na lijiu lia kama.
27
Voshe vantu valihiule nguavo vika evi? Vilongetha via ndhili via lishiko viana tuthitha vimpundhi vina muononoka.
28
Mo vamu tantekeyele ua ile ku mutamba ua haleya.
29
Kunima ua tuhukile kuthinangonga vedhile mu njivo ya Simoni na Anduleu va hituile na Tiango na Yoano.
30
Mualolo vainamueno ya Petulu va ndandale ua vavala nthimbu oyo vene vene va lekele Yesu.
31
Ua mutambuile mulivoko ua muhinduile, keho kanthimbu ua kangukile, ua tamekele kuva tepela.
32
Vunhsiki litangua kanda litoke vanehele voshe vaka kuvavala nava va kele na vimpundhi viaku viha.
33
Limbo lioshe vali kunguilile vavengi va kele.
34
Ua kanguithile vavengi va vavalele naua ua tundithile vimpundhi viaku viha. Vunoni katevethele vimpundhi kuhandeka vimpundhi evi via mu dhivukile.
35
Ikeye ua katukile vuathi vutsiki aka vundile kuye.
36
Simoni navaye vakele nendi vamu tondele vamu ua nene keho vamu thetelele.
37
Vamu ua nene voshe naku handeke nguavo, "Vantu voshe vali nakuku thetela."
38
Ikeye ua handekele nguendi tuyeni kumembo a vantu vatudhengeleka linga nji ka va ambuluile, muomu vikevio vio njedhila.
39
Ikeye ua yile ku Ngalileya ua ambuluile kuye muvi sinangonga viavo na kusheka vimpundhi via ku viha.
40
Mukaku vavala kayekele uamu thanene muku mulomba ua nsthikamene naku handeka nguendi, "Nga u tava, nji tokethe."
41
Mukuvua ngodhi, ua mukambekele mavoko naku muhuma, ua handekele nguendi, "Njina tava, jela."
42
Vuathi vuathi kayekele ua mutundile naku jela.
43
Yesu ua mushungamene na kumuleka nguendi tunda kunda kuno.
44
Ua mulekele aholoke nakuya aka liyombolelo endi vavenia nduendi yange uno kuva sasendote, naku lihana ove ivenia kulitoketha ngue ku mashiko a Mosesa naku hana vu mbangi kuli va kevo.
45
Vuno uatuhukile ua tamekele kuhandeka na ku shandola mudhimbu, na kumanguluka ua handekele muakana na Yesu ka keleko nthimbu ua hitile na ku kala ku membo. Vunoni vantu va kele na kuija kuli ikeye.