¹ Paulu kapostolu, kuli kapostolu ua kutunda ku muntu ndi ua ku ciyongola ca vantu, vunoni ua luli Yesu na Kalunga tata, uje ua muhinduile ku kutsa. ² Na voshe vamunanana vonjili navo ku cikungulukilo ca ku Ngalata. ³ Kakondhi kuli yeni na ciyulo ca Kalunga tata neci ca muene Yesu Kilistu. ⁴ Omo ua lihanene ikeye vavenia ku vuvi vuetu linga ikeye atu patule yetu na nthsimbu ya ku viha, ha kutuala mu ciyongola ca Kalunga tata yetu. ⁵ Kuli ikeye ku kale vumpahu vuaku miaka yoshe ya yaye. ⁶ Ange nji nakomoka omo muli na ku litanguka vuathi kuli uje ua mithanene ku kakondhi ka Kilistu. Ange njina komoka omo muli naku tanguka ku midhimu yayo yakuli tha-atha, ⁷ keti nguavo kuli lalo mudhimbu ukuavo, vunoni kuli vantu vamo vaka kutanganetha va yongola ku vihitha mudhimbu ua cili ua Kilistu. ⁸ Vunoni nambe yetu ndi kangelo ua muilu nga amiambuluila mudhimbu uauo koua lituile nou u tuamiambuilile, a pue ua ku thinga. ⁹ Ngue mutua kuaniene hakulivanga, na mualolo ange nji handeka lalo, "Nga umo uaye ami ambuluila mudhimbu uauo, vunoni keti uje uo muatambuile, ikeye a pue ua kuthinga. ¹⁰ Ange mualolo nji tonda ngodhi ya vantu ndi yaKalunga ? Nji yongola vantu va njiye kumbunge? Nga ange nolo njetheka kuya vantu kumbunge, ange keti nji ngamba Kilistu. ¹¹ Va munanana ange nji yongola mu dhivuke ou mudhimbu uonja mi ambuluilile kati mudhimbu ua vantu. ¹² Ange konja utambuile kuli umo muntu, na muntu uahi ua nji longetha uo. Kuvanga hali yesu kilistu ikeye ua vi jomboluele hali yange. ¹³ Eni muovuile laja vilinga viange via vuYunda, vati ange nja yandethele vimbunga via Kalunga. ¹⁴ Kutuvakanethela muakama njethekele kushandana. Ange nja shuenetheleko ku vuYunda. ¹⁵ Vuno omo Kalunga ua nji hanguile kutunda muimo lya vanana, uje ua nji thanene kuhitila mukakondhi. ¹⁶ Ua yonguele ku jombolola mona muli yenge, linga ange nja the kumuambuluila mukati ka vaka mafuti, ange ka njehuile vuathi kuli muntu umo. ¹⁷ Ange ko njaile ku Yelusalema kuli vaje vakele vapostolu kulutue luange. Kuvanga ange njaile ku Alabia ngoco nja kahilukile ku Ndamasiku. ¹⁸ Omo ha hitile miaka itatu ange nja ile ku Yelusalema njika uane na kudhivuka Sefase na kutumama hamo nedi ha matangua likumi na atanu. ¹⁹ Vunoni ange ko nja muene kapostolu uae kuvanga Tiango munaina ua Muene. ²⁰ Ku lievi vinji na thonekela mathana ange nji mithseleletha ange ni ko nji mikuitha. ²¹ Vunoange njaile ku mutumba ua Silia na Cilicia. ²² Ange nolo kanda ku va nji dhivukile cihanga ku vikungulukilo via muYundeya vije via kele muli Kilistu. ²³ Vo vuile lika vio vitameka nguavo ou mumala ua tu yandethele la ja ngeci yo uambulula ngue mudhimbu ua cili ua kuthselela ayongola na kuetheka ku tanganetha. ²⁴ Ngoco va dhimbile Kalunga mukonda liange.