¹ Mukuluntu ua kathingimiko Ngayu, ou uonja yongola mu vuchili. ² Vaka chidhango, njinamilombo linga vioshe vikale viuno neni, linga mu kale vaka ku kanguka, ngue omo miono yeni ili vuino. ³ Ange nji jolela muakama omo vamunanana veja nakumona vukaleho vua vuchili. ⁴ Chahi kujolela caku tuvakana aha, mu kuvua vana vange venda mu vuchili. ⁵ Vaka chidhango chetu, muli nakulinga mua chili chidhango chetu omo mupangela vamunanoko ⁶ na vaje kumu dhivuka vakevo va ambulula vukaleho vua chidhango chove ku mesho a mbunga. U na panga vuino muku vatuma vungendhi mu mana a muli Kalunga, ⁷ muomu munkole ya lidhina mukemo vanayi, na ku nona na chimo chahi ku vaka vifuti. ⁸ Mukemo tu tumbula viuma evi linga tu kale na va kuetu mu vuchili. ⁹ Njina thoneka vimo ku chikungulukilo, vunoni Ndiotelefe, ou ua yongola kukala ua kulivanga hakati kavo, ke kutu tambula. ¹⁰ Ngechi nambe njija, njaku vuluka vipanga vije vie kupanga, na majui aku viha ali naku tu vangeya. Keti ovio lika, na ku viana kutambula va munaina yendi vavenia, mba lalo na ku viana voshe vaje va yongola ku tambula va munaina na kuva tunditha mungeleka. ¹¹ Vaka chidhango, keti ku temuinina via ku vihia vuno via chili. Ou a linga via chili ikeye ua Kalunga muku panga via ku vihia ka mue e Kalunga. ¹² Ndemeteliu ua uanene vukaleho ku nkala umo na ku vuchili. Tueku hana vukaleho vua ku tyamena kuli endi, na vukaleho vuetu mu vuidhiva nguavo vua vu chili. ¹³ Njili nevi via vingi via kumi thonekela, vunoni ku nja yonguele kumi thonekela vio mu chithoneketho cha tinda napena. ¹⁴ Vunoni njina thselela mu kua kumimona lalo, kunahu tua ku handeka neni mesho na mesho. ¹⁵ Chivovo chikale neni. Vakueni vana mihindithaho. Ka hinduitheni va vuthamba oko ku madhina.