1
Nemenate, yau - yauna te kenate derane mendone pianbanya, kenane, medon werai, kenakarine ne dambere, wakete atomu, esenu tepeuw walriyei kena bekoune waru.
2
De nepereinya, meka seiyana Euodia pere sintikhe Walriyei kena poi burune temete kere.
3
Yo, De, wete sename, Dedei a yauna poi tere te katena, meka poi da mire - mire seraite nena kembari armatere mekanya, Dembere werate A walri, sate dado Klemens nena yauna yeisi wariyanya, nena wado - wadoye walri dukuruna semopa merenaipine.
4
Kena karite nemenabei, Man walriyei kena burune. Nekewa senawe kena karine � kaukarine!.
5
Netenate, kena kou kani- kani re tetero memeinawi. Man walriyei wa toune keu.
6
Beya tena mendote mekeyene. Nemenate, sayesi meterete tenoune kiabei mekonde mendona karote. Man walriyei wena damba bey poi a detere ate sena wete.
7
Teme yau kenabise Awa Man Walriyei wenare mene teteroye kena dampa tenone mene walriyei. Awa - nawa sekro mekibey meyenamane.
8
A tuputena, poi bei meyenamane , piambai, metena mane, nou terere meyenamane mero - mero, meyenamane pianbai, meyenamane orowi, meyenamane piyanbanya, meyenamane tepereinya mendoneine meyena te warenai.
9
Nepena beya sate arau, mekapa orunde benteke betou, de wariyana mane mekonde. Awa Man Walriyei nena burere poi teme ete du kunumpine. Paulus Poi Ate Filipine Kainya Teterote Sanumu
10
De kena karite Walriyei kena burune, neperena wena mendo de damba bete mane mekanu, maninane wekiyena wena dou ti yauna detenate, ena karo da yeko tena dopey.
11
De ate seiyanne neyeko weye seinende de nemei kanate denemane dedei yereute beyamane arotembine.
12
De wete arompuka da yereu ambanya de dua arompuka beya mena kasopere, da mena yereu dua arompuka, da yereu dera deterena, bei dera ambanya yereu tena.
13
Nena wakere - warore meye dua mekotena. Neye wakete a tauw te
14
Nemenate, wena poi kirapukuna dena sete pena - penate tatupuku.
15
We dua arombuku, Filipi yona metenayo A sena walri, De ye Makedonia kani pote nen tembuka, yosina yo detena pena - pena tena tena tatipipei otonamina korore - orainya yekore, weyenate neyekote mekeyauw.
16
Nedanya, Makedonia yone dedamba da serei pa dua mekai.
17
Nemenate, nesa atauw tenate de urei pei da moserei pa dua meke, de pedaye nena yute urela ne poi detere orunenate.
18
Dena damba meka pukuna derah meye dua deka, ne dambana kasopere. Dena mendona sayeisi bete - bete meiye dua arupuka mena mekare meka pukuna sa Epafroditus. Wena dera bete mekapukuna, Awa Man Walriyei kena bekeuw pa.
19
Awa Man mena poi wena dampa wari yereuw Walriyei kena dambere tenone mene.
20
Walri poi Awa Man Walriyei ena bamba nemena beite tenone mene. Dasereine.
21
Da A poi teterote meiye sanemende walriyei.
22
Da tetero Walriyei kena burune katena. Netenate, serai sikanya kembarite Kaisar kena mene mekai.
23
Awa Man Walriyei nenapoi nemena bey te tenone mene. kenabise aru Walriyei kena poi nemena bey te tenenemene. Teperenya ( AMIN )