1
Paulus pere timoteus, nena akeyana tetro tereng Pilipiyone kainya wariyei kena yekote kainya nepele wariyei kena mika senate kainya yo
2
Awa mantetro kena poi kenabise edamba memena beite tenonemene PAULUS MENDO KARO POI ATE SANUMU DI KOTA PILIPI
3
De awa mantetro yekone wedamba menolo karo none mekonde
4
De mendo karo wedamba none tepekamu
5
Wena youte nebeipa beyoupuku a warite senamu ya besikana pere da serenye tengkoumu
6
Wena nerone kembari poite dua mekau wariyei nena yekote sanendemende
7
Da mendote mekane de besi ere yeuna a wari noune seindemende dena kenana wekembari noupa
8
Allah wete doute temu da awari none sein mende wariyei nena yekote noupa mekonde
9
Mendo karo tepende
10
Da kembari neme mekonde mende Allah yekotenoune merenende mende a wari none sanende mende Allah yekotenoune merenende mende
11
Wena wane onai poi wariyei kena warode Awa mantetro nemena beite orunende mende PAULUS ATE SANUMU A WARI NONE SEINENDE
12
Dedei dekabra weye dua arambuka awari tansate de kemba ereyeuna mekatena
13
Nepera tetro meye dua arambiki de wariyei tansate kemba eryeuna mekatena
14
Tetro posi mante ate saniami ne endikitena dekoikropei a wari nemenabeite sei yani
15
Teperei tetro si awante sei yani nena kenare aru poi ambai a sisite seiyani, mendo sisite mekani tetro si awan senaime
16
Tetro si nemendopoite mekani neperna kenabise deraini.
17
Si peko ate sei yanina netetro nenei wapo dedete yepai, ambisi , egois,kenane yepai detena mendo mekonipei
18
Ne yu beyane ke? yeko - yeko poi, yeko - yeko peko netena beamane poite mekoma wariyei nena akurung nonu seinde mende
19
Deye arumbuku doa karone tepende dukunumpine
20
Weye ne yekone sein nende de endiki tena dekokroipei dewa burusuka meka de neperenya wakete deka wariyei nena wadone seinde mende
21
De wariyei da kenane warite santenmene keu de endiki de kokroipei
22
Da yereu metena wari yekonde kende nedraite ena nerore ona yuwawenai mopete eye doma ne yekote mekoma.
23
Da yeko biserei dete eitekroke da yereu apa keroma e wariyei te tawe mane nepere poi nepenkeu
24
Nepeinya we meka kauna da yereute kende wena yekote noupa mekonde.
25
Kenane tiyeukroke wena kembari noupa dua mekau de wena yereu otete noupa dua eu mendo karo nepete erukroke
26
De nekewa dewa burutusine wena neropa metena pere mipeinya de akurung nepete beta we kembari ayomire besika nepena mendo karo besika nonu seinde mende wariyei kena yeko poi mekonde de tansate BESIKE ORUMBINE AWARI NONU SEIMANA
27
Nepere ne deraite da a wari yeko poi, de nekewa matena wembertoma nekena mipenya ne akurung beita betate we nonu tepende ayo mire wakete atoneme mendo besike mekonende
28
Tetro si wete endiki semate mekani ne yeko awa mantetro poi ate merenende mende
29
Wariyei yeko we nepete dua mekau we neprei percayate mekonde neperna dena peko tikane
30
Ne deraite we ne yekone doute nepete tau dena pekotikanena mosrei warkemu