¹ ಕ್ರಿಸ್ತ ಯೇಸುವೀನ ಸೆರೆ ಆಯ್ಯುಂಡ ಪೌಲುಡು ಸಹೋದುರುಡು ಐನಾ ತೀಮೊತೀ ಮಾಕೀ ² ಪ್ರೀಯುಡು ಜೋತ್ಲ ಕೆಲಸಂ ಸೆಸ್ಕೊಂಡೆ ಐನ್ನಾಟ್ಟ ಫೀಲೆಮೋನ ಅನೆ ನೀಕೂ ಸಹೋದರೀ ಐನಾ. ³ .ಅಪ್ಪೀಯಳೀಕು ಮಾ ಸಹಬಟ ಐನ್ನಾಟ್ಟೀ ಅರ್ಕೀಪ್ಪನೀಕು ನೀ ಈಂತ್ಲ ಕೂಡೆ ಸಬೆಯೋಳ್ನು ರಾಸೆದ್ದೀ ಹೇಮ್ ಅಂತೇ ಮಾ ತಂಡ್ರೀ ಐನಾ ದೆವುಡ್ನೀಚ್ಚನು ಕರ್ತುಡ್ ಐನಾ ಯೇಸು ಕ್ರಿಸ್ತನೀಚ್ಚನೂ ಮೀಕೀ ಕೃಪೆಯು ಶಾಂತೀಯು ಕಾನೀ. ⁴ ಕರ್ತುಡ್ ಐನಾ ಯೆಸುಮೀಂದ ನುವಾ ಪೆಟ್ಟುಂದ ನಮ್ಬೀಕೆನ್ನೀ ಕುರೀಚ್ಚೀ. ⁵ ವಜನಲ್ ಅದ್ರು ಮೀಂದ ವುಂಡ ನೀ ಪ್ರೀತೀನ್ನೀ ಕುರೀಚ್ಚೀ ಇನುಂಡೆದಾನೀಚ್ಹ ನಾನು ಪ್ರಾರ್ತನೆ ಸೆಸಪ್ದಲ ದೆವುಡ್ನೀ ಯಾಪ್ದು ಸ್ತೋತ್ರನ್ನೀ ಸಲ್ಲೀನ್ಚೀ ನೀಕೊಸ್ಕರಮಾ ವೀಜ್ನಾಪನೆ ಸೆಸ್ತಾನು. ⁶ ಸ್ತುಡ್ಲ ಮಾಕೀ ದೊರಕುಂಡ ಎಲ್ಲಾ ಸುವರಲ್ನೀ ಕುರೀಚ್ಚೀ ನುವಾ ತೀಳುವಲೀಕೆನೀ ಹೊಂದೆದಾನೀಂಚ್ಚೀ ಕ್ರಿಸ್ತ ನಮ್ಬೀಕೆಲ ವುಂಡ ನೀ ಅನ್ಯುನ್ಯತೆ ಕ್ರೀಸ್ತುಡ್ನೀ ಹೇಚೈನಾ ಮಹೀಮೆನ್ನೀ ಉಂಟು ಸೆಯ್ಯಲನೀ ಪ್ರಾರ್ತನೆ ಸೆಸ್ತಾನು. ⁷ ಹೋದುರುಡಾ ನೀಮೂಲಕ ದೇವಜನಲ್ ಹೃದಯಲ್ನೀ ಪ್ರೋತ್ಸಾಹ ಉಂಟೈ ಯೇಲೈದಾನೀಂಚ ನೀ ಪ್ರೀತಿ ನೀಮೀತ್ತ ಮೈಯೀ ನಾಕೀ ಬಹಳ ಸಂತೋಶಮು ಅದರಣೆ ಉಂಟಾಯ. ⁸ ಅದ್ಗು ನೀಕೀ ಯುಕ್ತಮೈನ್ದನ್ನೀ ಅಜ್ನಪೀನ್ಚಾರೆಕೀ ನಾಕೀ ಕ್ರೀಸ್ತುಡ್ಲ ಪೂರ್ತೀ ಅದೀಕರಂ ವುನ್ದ್ನಾ. ⁹ ಅಟ್ಟ ಅಜ್ನಾಪೀಸ್ತಾನೇ ಮುದುಕುಡು ಇಪ್ಪುಡು ಕ್ರೀಸ್ಥ ಯೇಸು ನೀಮೀತ್ತ ಮೈಯ್ಯೀ ಸೆರೆಯೋಡು ಐನ್ನಾಟ್ಟ ಈ ಪೌಲುಡು ಅನೆ ನಾನು ಪ್ರೀತೀ ನೀಮೀತ್ತ ನೀನ್ನೀ ಅಡೀಕೊನ್ತಾನು. ¹⁰ ನಾನು ಸರಲ್ಲಾ ಪದಸ್ಕೊನುಂಡ ನಾ ಕೊಡುಕ್ ಐನಾ ಒನೆಸೀಮ್ ವೀಷಯಮ್ಲ ನೀನ್ನೀ ಅಡೀಸ್ಕೊಂತಾನು. ¹¹ ವಾಡು ಮೊದ್ಲು ನೀಕೀ ಅಪ್ರಯೋಜಕುಡು ಅಯ್ಯುನ್ದೆ ಇಪ್ದು ನೀಕೂನಾಕು ಪ್ರಯೋಜುಕುಡು ಐನ್ನಾಡು. ¹² ವಾಡು ನಾಕೀ ಪ್ರಾಣಂ ರೀತೀ ವುಂತ್ನು ವಾಡ್ನೀ ನೀ ಹಂತ್ರನ್ಕೀ ಹೀನ್ಕೊಕೀ ಅಂಪೀಚ್ನಾನು. ¹³ ನಾನು ಸುವಾರ್ತೆ ನೀಮೀತ್ತ ಸೇರೆಲವುಂಡೆದಾನ್ಕಾಯೀ ನೀಕೀ ಬದಲಾಯ್ಯೀ ವಾಡು ನಾಕೀ ಉಪಚಾರಂ ಸೇಸ್ಸೆ ರೀತೀ ವಾಡ್ನೀ ನಾ ಹತ್ರುಲ್ಲನೆ ಪೆಟ್ಕೊವಾಲ್ನೀ ಯೋಚೀಚುನ್ತ್ಟೀ. ¹⁴ ಆಯ್ತೇ ನೀ ಉಪಾಕಾರಮು ಬಲತ್ಕರಮ್ನೀಂಚ ಕಾನ್ದನೆ ಮನಪೂರ್ವಕ ಮೈಯ್ಯೀ ವುನ್ದಾಲನೀ ಯೋಚೀನ್ಚೀ ನೀ ಸಮ್ಮತೀ ಲೆನ್ದನೆ ಹೇಮು ಸೆಸ್ಸಕು ನಾಕೀ ಇಷ್ಟಮು ವುನ್ದಲೆದು. ¹⁵ ಕೊಚ್ಚಕಾಲಾಮು ನೀಯೀಂಚ ಅಗಲೀಚ್ಛಲ್ ಪೆಟ್ತೀ ನೀರನ್ತರಮೂ ನೀ ಹತ್ರ ವುನ್ದೇಕೋ ಹೇಮೋ. ¹⁶ ಇನ್ಕ ಮೀಂದ ವಾಡು ದಾಸುಡು ಐನ್ದಾನೆ ದಾಸುಡ್ನೀನ್ತಾನು ಉತ್ತಮಮೈಯ್ಯೀ ಪ್ರೀಯ ಸಹೋದುರುಡು ರೀತೀ ಕವಲಾ ವಾಡು ನಾಕೀ ಬಹಳ ಪ್ರೀಯಮೈಯ್ಯುನ್ದೆ ರೀತೀ ನೀಕೀ ಲೋಕಸಂಬಂದ ಮೈಯ್ಯೀ ಕಾರ್ತುಡ ಸಂಬಂದ ಮೈಯ್ಯೀ ಇನ್ಕ ಯಾಂತ ಪ್ರೀಯಮೈಯ್ಯೀ ವುನ್ತಾಡು. ¹⁷ ಅನ್ತತೈತೆ ನುವಾ ನನ್ನೀ ಜೋತೆಗಾರುಡ್ ಅನೀ ಎಣೆಸ್ತನೆ ನನ್ನೀ ಸೆರೀಬೀಚ್ಕೊನೆ ಪ್ರಕಾರಮೈಯ್ಯೀ ವಾಡ್ನೀ ಸೆರೀಬೀಚ್ಕೋ. ¹⁸ ವಾಡೀಂಚ ನುವಾ ಹೆಮೈತ್ನೋ ನಷ್ಟಪಟ್ತುಂಟೆ ಲೇದು ವಾಡು ಸಲನ್ನೀ ಹೆಮೈತ್ತ್ನೋ ತೀರೀಚ್ಚೆಬೆಕೈಯ್ಯುಂಟೆ ದಾನ್ನೀ ನಾ ಲೆಕ್ಕಕ್ಕೆ ಹೆಯ್ಯೀ. ¹⁹ ನಾನೆ ಈಚ್ಚೀ ತೀರೀಬೀಸ್ತಾನ್ ಅನೀ ಪೌಲುದ್ ಅನೆ ನಾನು ಸ್ವಂತ ಸೈಂಚ ರಾಸ್ತಾನು ನೀ ಆತ್ಮ ವೀಷಯಮ್ಲ ನುವೆ ನಾ ಸಲಾಂ ಐನಾವು ಅನೀ ನಾನು ಬೇರೆಸೊಪ್ಪಲ್ನ. ²⁰ ಹೌನು ಸಹೋದುರುಡ ಕರ್ತುಡ್ಲ ನೀಮೀಂಚ ನಾಕೀ ಪ್ರಯೋಜಮ್ ಅಯ್ಯೆ ರೀತೀ ಸೆಯ್ಯೀ. ²¹ ಕ್ರೀಸ್ತುಡ್ಲ ನಾ ಹೃದಯನ್ನೀ ಸಂತೋಷಪಡೀಚ್ಚು ನಾ ಮಾಟ್ನೀ ಈನ್ತಂವು ಅನೆ ಬರವಸೆವುಳ್ಳೋದ್ ಅಯ್ಯೀ ಈ ಪತ್ರೀಕೆನ್ನೀ ನೀಕೀ ರಾಸ್ತಾನು ನಾನು ಸೋಪ್ಪುನ್ದೆ ದಾನ್ನೀತನು ಜಾಸ್ತೀ ಅಯ್ಯೀ ಸೆಸ್ತಾವು ಅನೀ ನಾಕೀ ಗೊತ್ತು. ²² ದು ಕಾಕುಂಡ ದೇವುಡು ನೀ ಪ್ರರ್ತೆನೆಲ್ನೀ ಈನೀ ನನ್ನೀ ಮೀಲ ಹಂತ್ರಕ್ಕೆ ವಚ್ಚೆಕೀ ಅನುಗ್ರಹೀಸ್ತಾದ್ ಅನೀ ನಾಕೀ ನೀರೀಕ್ಷೆ ವುನ್ನದೀ ಅದ್ಗೋ ನಾಕೊಸ್ಕರಮು ವುಳೀಸ್ಕನೆ ಸ್ತಳನೀ ಸೀದ್ದಂ ಸೆಯ್ಯೀ. ²³ ಕ್ರಿಸ್ತ ಯೇಸು ನೀಮೀತ್ತ ಮೈಯ್ಯೀ ನಾ ಜೊತೆಸೆರೆಯೋಡ್ ಐನಾ ಎಫಾಫ್ರಡು. ²⁴ ಸಹಕರೀಲ್ ಐನಾ ಮಾರ್ಕ್ ಅರೀಸ್ತಾರ್ಕ್ ದೆಯ ಲುಕಲು ನೀನ್ನೀ ವಂದೀಸ್ತಾರು. ²⁵ ಮಾ ಕರ್ತುಡ್ ಐನಾ ಯೇಸು ಕ್ರೀಸ್ತುಡ ಕೃಪೆ ಮೀ ಆತ್ಮ ಜೋತ್ಲವುಡ್ನೀ.