¹ ಆತುಡು ಪನ್ನೆಂಡು ಮಂದಿ ಶಿಷ್ಯಾಲ್ನಿ ಒಟ್ಗಪಿಲ್ಚಿ ವಾಳ್ಗಿ ಅಂತಾ ದೈಯ್ಯಾಲ್ನಿ ಉಡ್ಬಿಚ್ಚ ಮಲಿ ರೋಗಾಲ್ನಿ ವಾಸಿಸೆಸ ಶಕ್ತಿ ಅಧಿಕಾರಲ್ನಿ ಇಚ್ಚಿ ² ರಾಜ್ಯಮ್ನ ವಿಶ್ಯoಮ್ನಿ ಸಾರದಾನ್ಗು ಅಸ್ವಸ್ಥಲೈನವಾಳ್ನೀ ಸ್ವಸ್ಥಂಸೇಸೆದಾನ್ಗಿ ವಾಳ್ನೀ ಅಂಪಿಚ್ಚಾಡು. ³ ಅಂಪಿಚ್ಚೆಪ್ದು ವಾಳ್ಗಿ ಸೊಪ್ಪಿoದೇಮಂಟೆ -ದಾವ್ಗಿ ಏಮು ತಿಸ್ಗಾನ್ನಿ ಪೋವ್ವದಂಡಿ,ಕಟ್ಟಾ ಹಸ್ಬಿ ಬುತ್ತಿ ದುಡ್ಲು ವದ್ದು;ರೊಂಡಗ್ಗಿಲುoಡಗೂಡ್ಗು. ⁴ ಮೀಳು ಯಾವ ಇಟ್ಲಾ ದಿಗ್ಗನ್ನೂ ಅನೇ ಉಂಡoಡಿ,ಆನ್ನಿಂಕನೇ ಎಲ್ಲಂಡಿ. ⁵ ಮಲಿ ಯಾವ ಊರೋಲೈನು ಮಿಮ್ಮಲ್ನಿ ಸೇರ್ಬಿಚ್ಚ್ಕೊಕುಂಡ ಪಾತೆ ಆ ಊರ್ನಿ ಮೀಳು ಉಡ್ಸಿಪಾಯಪ್ಡು ಮೀ ಕಾಳ್ಗಿ ಅಂಟ್ನ ಧೂಳ್ನಿ ಝಾಡ್ಸಿಉಡoಡಿ;ಆದಿ ವಾಳ್ಗಿ ವಿರೋಧಂಗ ಸಾಕ್ಷಿಗಉಂಡ್ನಿ ಅನ್ನಾಡು. ⁶ ಅಪ್ಡು ವಾಳು ಎಲ್ಲಿ ಪಾಯಿ ಯಾನ್ಯಾನು ಸುವಾರ್ತಾನ್ನಿ ಸಾರ್ತಾ ರೋಗಿಲ್ಗಿ ವಾಸಿಸೇಸ್ತಾ ಗ್ರಾಮಲಂತ ಸಂಚರಿಚ್ಚಾಡು. ⁷ ಇಟ್ಟುoಡಗ ಉಪರಾಜುಡೈನ ಹೇರೋದುಡು ನಡ್ಸ್ನಾ ಸಂಗತಿಲ್ನoತ ಇನಿ ಬಹಳಂಗ ಕಳವಳಪಡವಾಡೈನಾಡು.ಯದ್ಗoಟ್ಟೆ ಸಚ್ಚುಂಡ ಯೋಹಾನುಡು ತಿರ್ಗಿ ಬದ್ಕುoಟಾಡನೀ ಕೆಲ್ವಲು, ⁸ ಎಲೀಡು ಕಂಬಿಚ್ಗಾನಡನೀ ಕೆಲವ್ಳು ಪೂರ್ವಂನ ಪ್ರವಾದಿಲ್ಲ ಯವ್ವಡೂ ಒಕ್ಕಡು ಲೇಸ್ನಾಡನಿ ಕೆಲವ್ಳು ಸೋಪ್ಗಟಾಉಂಟಾರು. ⁹ ಆಯ್ತೇ ಹೇರೋದುಡು ಯೋಹಾನಡ್ನಿ ನೀನೇ ಪೋಸ್ನಾನಂತೆ.ಊಡುಯವ್ವಡು?ಊಡ ವಿಷ್ಯಮಾಯಿ ಆಶ್ಚರ್ಯಕರಮೈನ ಸಂಗತಿಲ್ನಿ ಇoಟಾಡಕದ ಅನಿ ಸೊಪ್ಪಿ ವಾಡ್ನಿ ಸೋಡಾಲನಿ ಪ್ರಯತ್ನಿಚ್ಚಾಡು. ¹⁰ ಇಟ್ಲಾಗ ಅಪೋಸ್ತಾಲು ಯನ್ಕಿತಿರ್ಗಿ ವಚ್ಚಿ ತಾವು ಸೇಸಿದಂತ ಯೇಸುಗಿ ವಿವರಂಗ ಸೋಪ್ಪಾಲು ಆತುಡು ವಾಳ್ನೀ ಬೇತ್ಸಾಯಿದoಅನ ಊರ್ಗಿ ವಿಂಗಡoಗ ಪಿಲ್ಚ್ಗಾನ್ನಿ ಪೈನ್ನಾಡು. ¹¹ ಜನಲಗುಂಪು ದೀನ್ನಿ ತಿಳ್ಚಿ ಆತುಡ ಏನ್ಕ ಪೈಯ್ಯಲು ಆತುಡು ವಾಳ್ನೀ ಪ್ರೀತಿನಿಂಕ ಸ್ವೀಕರಿಚ್ಚಿ ದೇವುಡ ರಾಜ್ಯಮ್ನ ವಿಷ್ಯಂಗ ವಾಳ ಸಂಗಡ ಮಾಟಾಡಿ ಕ್ಷೆಮಂಕಾವ್ವಲನವಾಳ್ಗಿ ವಾಸಿ ಸೇಸ್ನಾಡು. ¹² ಪದ್ದು ದಿಗ್ತಾ ಊಟಾನ್ಗಿ ಬೇಕೈನ ಪದಾರ್ಥಲ್ನಿ ದೊರ್ಕಿಚ್ಗಾನ್ನಿ;ಮಾಮು ಇನ ಅಡವಿಯ ಸ್ಥಳಮ್ಲಾ ಉಂಡಾಂಕದ ಅನಿ ಅತುಡ್ಗಿ ಸೋಪ್ಪಾಲಾಯಿ ಆತುಡು ಮೀಳೇ ವಾಳ್ಗಿ ಊಟನ್ಗಿ ಇಯ್ಯಂಡಿ ಅನ್ನಾಡು. ¹³ ಮಾಲಾ ಐದುರೊಟ್ಳು ರೊಂಡು ಸ್ಯಾಪ್ಲು ಹೊರ್ತು ಹೆಚ್ಚೇಮಿ ಲೇದು;ಮಾಮು ಪಾಯಿ ಈ ಜನಲ್ಗಂತ ಆಹಾರಮ್ನಿ ಕೊಂಡ್ಗವಾಲ್ನಾ?ಅನ್ನಾಳು. ¹⁴ .ಮೊಗವಾಳೆ ಹೆಚ್ಚು ಕಡ್ಮೆಐದುಸಾವಿರ ಮಂದಿಉನ್ನಾರು.ಅಪ್ಡು ಆತುಡು ತನ್ನ ಶಿಷ್ಯಲ್ಗಿ -ಊಳ್ನೀ ¹⁵ ಒಕ್ಕೊಕ್ಕ ಪಂಕ್ತಿಗಿ ಹೆಚ್ಚುಕಡ್ಮೆ ಯಾಭಾಯಿಯಾಭಾಯಟ್ಲ ಕುಚ್ಪಟ್ಟoಡಿ ಅನಿ .ಸೋಪ್ಪಾಲು ವಾಳು ಅಟ್ಟೆಯೇ ಅಂದ್ರೂನ್ನೂ ಕುಚ್ಪೆಟ್ಟರು. ¹⁶ ಆ ಪೈನ ಆತುಡು ಆ ಐದು ರೊಟ್ಳು ರೊಂಡು ಸ್ಯಾಪ್ಲನಿ ತಿಸ್ಗಾನ್ನಿ ಆಕಾಶಂ ಕಡ್ಗಿಸೂಸಿ ಅವುಟ್ಲ್ನಿ ಆಶಿರ್ವಾದ್ದಿಚ್ಚಿ ಇರ್ಸಿ ಶಿಷ್ಯಾಲ ಸೈಗಿ ಇಚ್ಚಿ-ಈ ಜನಲ ಗುಂಪ್ಗಿ ಪಂಚ್ಚಂಡಿ ಅನ್ನಾಡು. ¹⁷ ವಾಳoದ್ರು ಊಟಂಸೇಸಿ ತೃಪ್ತಲೈರ್ರೀ;ಉಳ್ಸ್ನಾ ತುಂಡ್ಲಿನ್ನಿ ಕೂಡಿಚ್ಚಲಾಗ ಅವಿ ಪನ್ನೇoಡು ಪುಟ್ಟಿ ಆಯ್ನಾವಿ. ¹⁸ ಒಂದಾನೊಂದ್ದು ದಿವಸಂ ಆತುಡು ಎಕಾಂತ್ತoಗ ಪ್ರಾರ್ಥನಂಸೇಸ್ತಾವುನ್ನಪ್ದು ಆತಡ ಶಿಷ್ಯಾಲು ಆತುಡ ಸಂಗಡಂ ಉನ್ನಾರು.ಆತುಡು -ನನ್ನಿ ಸಾಮಾನ್ಯ ಜನಾಲು ಯವ್ಳು ಅಂಟಾಳು ಅನಿ ವಾಳ್ನಿ ಅಡ್ಗಿನ್ದಾನ್ಗು ವಾಳು- ¹⁹ ನಿನ್ನಿ ಸ್ನಾನಿಕುಡೈನ ಯೋಹಾನುಡು ಅಂಟಾರು; ಕೆಲವ್ಳು ಎಲೀಯಡು ಅಂಟಾರು; ಇಂಕ ಕೆಲವ್ಲು ಎಲೀಯಡು ಅಂಟಾರು;ಇಂಕ ಕೆಲವ್ಳು ಪೂರ್ವoನ ಪ್ರವಾದಿಲ್ಲ ಯಾವ್ವುಡೋ ಒಕ್ಕಡು ಲೆಸ್ನಾಡು ಅಂಟಾರು ಅನಿ ಸೋಪ್ನಾಡು. ²⁰ ಆತುಡು ವಾಳ್ನೀ -ಆಯ್ತೆ ಮೀಳು ನನ್ನಿ ಯವ್ವಳು ಅಂಟಾರು ಅನಿ ಅಡ್ಗಲಾಗ ಪೇತ್ರುಡು -ನುವ್ವ ದೆವುಡ್ನಿoಕ ವಚ್ಚಕಾಪೈನಾ ಕ್ರಿಸ್ತುಡು ಅನಿ ಉತ್ತರಂಇಚ್ಚಾಡು. ²¹ ಅಪ್ಡು ಆತುಡು ದೀನ್ನಿ ಯವ್ವಳ್ಗು ಸೋಪ್ಪದಂಡಿ ಅನಿ ಬಹು ಖಂಡಿತoಗ ವಾಳ್ಗಿ ಅಪ್ಪಣಂಇಚ್ಚಿ ²² ಮನುಷ್ಯ ಕುಮಾರುಡು ಬಹು ಕಷ್ಟಲ್ನನುಬ್ಬವಿಚ್ಚಿ ಹಿರಿಲ್ನಿಂಕಾನು ಮಹಾಯಾಜಕಲ್ನಿಕಾನು ಶಾಸ್ತ್ರಿಲ್ನಿಂಕಾನೂ ನಿರಾಕೃತಡೈ ಸಂಪ್ಪೆಸದಾನ್ಗಿ ಮೂಡ್ನೆದಿನಂಲಾ ಜೀವಿತುಡೈ ಲೆಪಿಚ್ಚಪಡದೈನದ್ದಿ ಅನಿ ಸೋಪ್ನಾಡು. ²³ ಇಂತೆಕಾದನಿ ಆತುಡು ಅಂದ್ರೂಗ್ಗು ಸೊಪ್ಪಿoದೇಮoಟೆ -ಯವ್ವಡಿಗೈನ ನಾ ಯನ್ಕ್ ವಚ್ಚೆದಾನ್ಗಿ ಮನ್ಸುoಟ್ಟೆ ವಾಡು ತನ್ನಿ ನಿರಾಕರಿಚ್ಚಿ ತನ್ನ ಶಿಲುಬೇನ್ನಿ ದಿನಾಲೂ ಮೋಸಿಗನ್ನಿ ನಾ ಯನ್ಕ ರಾನಿ. ²⁴ ಣoನ್ನಿ ಉಲ್ಪಿಚ್ಕೊವಾಲನ್ನವಾಡು ದಾನ್ನಿ ಕಳ್ಸಗಂಟಾಡು;ಆಯ್ತೆ ನಾ ನಿಮಿತ್ತಂಗ ತನ್ನ ಪ್ರಾಣಂನ್ನಿ ಕಳ್ಸಗನ್ನವಾಡು ದಾನ್ನಿ ಉಳ್ಬಿಚ್ಚಗನ್ನ್ಟಾಡು. ²⁵ ಒಕ್ಕ ಮನುಷ್ಯಡು ಲೋಕಂಅಂತಾ ಸಂಪಾದಿಚ್ಗನ್ನಾನು ತನ್ನೆ ಸೇದ್ಪ್ ಗಂಟೆ ಅಥ್ವ ನಷ್ಟoಪದ್ಬಿಚ್ಚಗಂಟೆ ವಾಡ್ಗಿ ಪ್ರಯೋಜನಂ ಏಮಿ? ²⁶ ಯವ್ವಡು ನಾಕು ನಾ ಮಾಟಲ್ಗು ನಾಚ್ಗoಟಾಡೋ ವಾಡ್ಗಿ ಮನುಷ್ಯಕುಮಾರುಡು ತನ್ಗೂ ತನ್ನ ತಂಡ್ರಿಗೂ ಪರಿಶುದ್ದಾoದೂತುಲ್ಗು ಉಂಡ ಪ್ರಭಾವoಜೊತ್ಲಾ ನಾಚ್ಗoಟಾಡು. ²⁷ ಮೀಕಿ ಸತ್ಯoಗ ಸೋಪ್ತಾನು,ಇನಾ ನಿಲ್ಚುoಡವಾಳೋಗ ಕೆಲವ್ಳು ದೇವುಡರಾಜ್ಮಮ್ನಿ ಸೂಸ ತನ್ಕ ಮರಣಂ ಹೊಂದೇಲೇದನಿ ಅನ್ನಾಡು. ²⁸ ಯೇಸು ಇ ಮಾಟಲ್ನಿ ಸೊಪ್ಪಿ ಸುಮಾರು ಎನಂದ್ದಿ ದಿವಸಲೈನಂಕ ಪೇತ್ರ ಯೋಹಾನ ಯಾಕೊಬಲ್ನಿ ಪಿಲ್ಚ್ಗಾನ್ನಿ ಪ್ರಾರ್ಥಾನಂಸೇಸೆದಾನ್ಗಿ ಕೊಂಡನ್ನಿ ಎಕ್ನಾಡು. ²⁹ ಆತುಡು ಪ್ರಾರ್ಥನoಸೇಸ್ತುoಡಗ ಆತುಡ ಮುಖಂಭವಂ ಬೇರೆಆಯಾ. ³⁰ ಉಪ್ದು ತೆಲ್ಲಗೈ ಮಿಂಚ್ತವಚ್ಚೆ.ಇಂತೆಕಾದನೀ ಇದ್ರೂ ಮೊಗವಾಳು ಆತುಡ ಸಂಗಡ ಮಾಟಾಡ್ತಾಉಂಡ್ರಿ.ಊಳು ಯವ್ವಳoಟೆ ಮೋಶೆಯು ಎಲೀಯಡೂ. ³¹ ಊಳು ವೈಭವಂನಿಂಕ ಕಂನ್ಬಿಚ್ಗಾನಿ ಯೆರುಸಲೇoಲಾ ಆತುಡು ನೆರವೇರಿಚ್ಚಲುಂಡ ಮರಣಂನ ವಿಷ್ಯಂಗ ಮಾಟಾಡ್ತಾಉಂಡ್ರಿ. ³² ಉಪ್ದು ತೆಲ್ಲಗೈ ಮಿಂಚ್ತವಚ್ಚೆ.ಇಂತೆಕಾದನೀ ಇದ್ರೂ ಮೊಗವಾಳು ಆತುಡ ಸಂಗಡ ಮಾಟಾಡ್ತಾಉಂಡ್ರಿ.ಊಳು ಯವ್ವಳoಟೆ ಮೋಶೆಯು ಎಲೀಯಡೂ. ಊಳು ವೈಭವಂನಿಂಕ ಕಂನ್ಬಿಚ್ಗಾನಿ ಯೆರುಸಲೇoಲಾ ಆತುಡು ನೆರವೇರಿಚ್ಚಲುಂಡ ಮರಣಂನ ವಿಷ್ಯಂಗ ಮಾಟಾಡ್ತಾಉಂಡ್ರಿ. ಇಂತಿಟ್ಲಾನೆ ಪೇತ್ರುಡಗು ವಾಡ ಸಂಗಡo ಉನ್ನವಾಲ್ಗಿ ನಿದ್ರಾನಿಂಕ ³³ ಪೈಭಾರಂಆಯ್ನದ್ದಿ.ಆಯ್ತೆ ಎಚ್ಚರಮೈನಾ ಪೈನಾ ವಾಳು ಆತುಡ ಮಹಿಮೆನ್ನಿ ಆತುಡ ಸಂಗಡ ನಿಲ್ಚ್ಚುನ್ನ ಆ ಇದ್ರೂ ಪುರುಷಲ್ನಿ ಸೂಸ್ರಿ. ³⁴ ವಾಡು ದೀನ್ನಿ ಸೋಪ್ತುoಡಗ ಮೋಡoವಚ್ಚಿ ವಾಳಪೈನ ಕವ್ಸಿoದ್ದಿ .ವಾಳು ಮೋಡಂಲೊಗ ಸೆರ್ನಪ್ದು ³⁵ ದಡ್ಸ್ನಾಳು. ಅಪ್ಡು ಆ ಮೋಡಂಲೊಗನಿಂಕ -ಈತುಡು ನಾ ಕೊಡ್ಕು.ನೀನು ಆರ್ಬಿಚ್ಗನ್ನವಾಡು ;ಈತುಡ ಮಾಟ್ನೀ ಇನಂಡಿ ಅನಿ ಆಕಾಶವಾಣಿಆಯಾ. ³⁶ ಆ ವಾಣಿ ಅನಪೈನಾ ಯೇಸುನ್ನಿ ಮಾತ್ರಂ ಸೂಸ್ನಾರು.ತಾವು ಸೂಸ್ನಾ ಈ ಸಂಗತಿಲೊಗ ಒಕ್ಕಟ್ಟನ್ನಿಆಯ್ನಾ ಆ ದಿವಸಂಲಾ ಯವ್ಳುಗು ತಿಲ್ಬಿಚ್ಚ್ಗುoಡ ಊರ್ಕಉಂಡ್ರಿ. ³⁷ ಮರುದಿನಂ ವಾಳು ಕೊಂಡನಿಂಕ ದಿಗಿ ವಚ್ನಪ್ದು ಜನಾಲ ಪೆದ್ದಗುಂಪು ಆತುಡೆದ್ರoಗ ವಚ್ಚ. ³⁸ ಆ ಗುoಪ್ಲಾ ಒಕ್ಕಡು -ಬೋಧಕುಡೆ,ನಾ ಕೊಡ್ಕಪೈನಾ ದೃಷ್ಟಿಪೆಟ್ಟಾಲಾ ಅನಿ ನಿನ್ನಿ ಬೇಡ್ಗಂಟಾನು.ನಾಕಿ ಊಡುಒಕ್ಕಡೆ ಕೊಡ್ಕು.ಊಡ್ನೀ ದೈಮುಪೊಟ್ತಾವಿ ,ಪೊಟ್ನಟ್ಲೇ ಕೂಸ್ಗoಟಾಡು. ³⁹ ನೋಟ್ಲಾ ನೋರವಚ್ಚಂತ ವಾಡ್ನಿ ಒದ್ದಾಡ್ಬಿಸ್ತಾವಿ;ಮಲಿ ಬಹುಕಷ್ಟಂಇಚ್ಚಿ ಜಜ್ಜಿನ ಹೊರ್ತು ಉಡ್ಸೆಲೇದು. ⁴⁰ ದಾನ್ನಿ ಉದ್ಬಿಚ್ಚಾಲನಿ ನೀ ಶಿಷ್ಯಾಲ್ನಿ ಬೇಡ್ಗಾನ್ನಾನು.ಆಯ್ತೆ ವಾಳ್ನಿಂಕ ಕಾನೆಲೇದು ಅನಿ ಕೂಸಿ ಸೋಪ್ನಾಡು. ⁴¹ ಅಂದ್ಗೆ ಯೇಸು -ಎಲಾ,ನಂಬಿಕೆಲೆಕುನ್ನ ಮೂರ್ಖಸಂತಾನ್ಮೆ,ನೀನು ಇಂಕ್ಕೆಂತ ದಿನಂ ಮೀ ಸoಗಡಂ ಉಂಡಿ ಮಿಮ್ಮಲ್ನಿ ಸಹಿಸ್ಗದ್ನು?ನೀ ಕೊಡ್ಕನಿ ಈನ್ಗಿ ಪಿಲ್ಚಗ್ಗನಿ ರಾ ಅನ್ನಾಡು. ⁴² ಆ ಪಿಲ್ಗಾಡು ಇoಕಾ ವಸ್ತುoಡಾಗ ಆ ದೈಮು ವಾಡ್ನಿ ನ್ಯಾಲ್ಗಿಅಪ್ಲಿಚ್ಚಿ ಬಹಳಂಗ ಒದ್ದಾಡ್ಬಿಚ್ಚಿಂದಿ. ಆಯ್ತೆ ಯೇಸು ಆ ದೈಮ್ನಿ ಗದರಿಚ್ಚಿ ಆ ಪಿಲ್ಗಡ್ಗಿ ವಾಸಿಸೇಸಿ ವಾಡ ತಂಡ್ರಿಯ ಸೇತ್ಗಿ ಇಚ್ಚಾಡು. ⁴³ ದಾನ್ನಿ ಸೂಸಿ ಅಂದ್ರೂ ದೇವುಡ ಮಹತ್ವನ್ಗಿ ಬೇರ್ಗೈರಿ. ⁴⁴ ಯೇಸು ಸೇಸಿನಾ ಅಂತಾ ಕಾರ್ಯಾಲ್ಗಿ ಅಂದ್ರೂ ಆಶ್ಚರ್ಯಂಪೋಡ್ತುoಡಗ ಆತುಡು ತನ್ನ ಶಿಷ್ಯಲ್ಗಿ ಮೀಲಂತೂ ಈ ಮಾಟಲ್ನಿ ಮೀ ಮಂಸ್ಲಾ ಪೆಟ್ಗoಡ್ಡಿ;ಯಂದ್ಗoಟೆ ಮನುಷ್ಯಕುಮಾರುಡು ಮನುಷ್ಯಡ ಸೈಗಿ ಒಪ್ಪಿಚ್ಚಲ್ಪಡ್ನಾಡು ಅನಿ ಸೋಪ್ನಾಡು. ⁴⁵ .ವಾಳು ಈ ಮಾಟಲ್ನಿ ಗ್ರಹಿಚ್ಚಲೇದು;ಅದಿ ವಾಳ್ಗಿ ಮರೆಆಯ್ನದ್ಗು ದಾನ್ನ ಅರ್ಥಂನ್ನಿ ವಾಳು ತಿಳ್ಗುಂಡ ಪೈನಾರು.ಆ ಮಾಟ್ನ ವಿಷ್ಯಂಲ ವಾಳು ಆತುಡ್ನಿ ಇನೆದಾನ್ಗಿ ಅಂಜ್ನಾಳು. ⁴⁶ ತರುವಾಯಂ ಶಿಷ್ಯಲೋಗ-ವಾಳಾಯವ್ವಡು ಹೆಚ್ಚಿನವಾಡೈತಡೋ ಅನಾ ವಿಚಾರಂಪುಟ್ಟಿoದ್ದಿ. ⁴⁷ ವಾಳ ವಿಚಾರಂನ್ನಿ ತಿಳ್ಸಿ ಒಕ್ಕಸಿನ್ನ ಮಗುನ್ನಿ ಪೊಟ್ಗಾನ್ನಿ ತನ್ನ ಬಳಿಲಾ ನಿಲ್ಪಿ ⁴⁸ ನಾ ಪೆರ್ಲಾ ಈ ಸಿನ್ನ ಪಾಪ್ನಿ ಸೇರ್ಪಿಚ್ಗoಟ್ಟೆ ನನ್ನಿ ಸೇರ್ಪಿಚ್ಗನ್ನಟಾಯ ; ಮಲಿ ಯವ್ವಡೈನ ನನ್ನಿ ಸೇರ್ಪಿಚ್ಗoಟ್ಟೆ ನನ್ನಿ ಅಂಪಿಚ್ಚಿನವಾಡ್ನೆಸೇರ್ಪಿಚ್ಗನ್ನಟಾಯ ;ಯಂದ್ಗoಟ್ಟೆ ಮೀಅಂದ್ರದಾoಟ್ಲಾನು ಯವ್ವಡು ಸಿನ್ನೋಡೋ ವಾಡೆ ಪೆದ್ದವಾಡು ಅನಿ ಸೋಪ್ನಾಡು. ⁴⁹ ಅಂದ್ಗೆ ಯೋಹಾನುಡು -ಗುರುವೇ,ಯವ್ವಡೋ ಒಕ್ಕಡು ನೀ ಪೇರ್ ಸೊಪ್ಪಿ ದೈಮುಉದ್ಬಿಚ್ಚದಾನ್ನಿ ಮಾಮು ಸೂಸಿ ವಾಡು ಮಾಕಿ ಸೇರ್ನವಾಡುಕಾಕುಂಡ್ನದಾನ್ಗು ವಾಡ್ಗಿ ಅಡ್ಡಿ ⁵⁰ ಸೇಸ್ತಮೀ ಅನ್ನಲು ಯೇಸು ವಾಡ್ಗಿ-ಅಡ್ಡಿಸೇಯ್ಯದಂಡಿ;ಮಿಮ್ಮಲ್ನು ದಡ್ಬಿಚ್ಚಿನಾವಾಡು ಮೀ ಪಕ್ಷಮೋಡೆ ಅನಿ ಸೋಪ್ನಾಡು. ⁵¹ ಯೇಸು ತಾನು ಪರಲೋಕಂನ್ನಿಎರ್ನಾ ದಿವಸಾಲು ನಿಂಡ್ತಾ ವಚ್ಚಪ್ದು ಯೆರುಸಲೆಮ್ಗಿ ಪಯ್ಯೇದಾನ್ಗಿ ಮನಸ್ನಿ ⁵² ದ್ರುಡo ಸೇಸ್ಗಾನಿ ತನ್ನ ಮುಂದ್ರಂಗ ದೂತಲ್ನಿ ಅಮ್ಪಿಚ್ಚಾಡು. ಊಳು ಎಲ್ಲಿ ಆತುಡ್ಗಿ ಕಾಪಯ್ಯೇದಾನ್ನಿ ಸಿದ್ದಂಸೇಸೆದಾನ್ಗಿ ಸಮಾರ್ಯಂಮೊಳ ಒಕ್ಕಹಳ್ಳಿಗಿ ವಚ್ನಾರು. ⁵³ ಆತುಡು ಯೇರುಸಲೆಮ್ಗಿ ಪಯ್ಯವಾಡೈನಂದ್ಗು ಆ ಸಮಾರ್ಯಂಮೊಳ ಆತುಡ್ನಿ ಸೇರ್ಬಿಚ್ಗಲೇದು. ⁵⁴ ಆತುಡ ಶಿಷ್ಯಲೈನ ಯಾಕೊಬ ಯೋಹಾನಲು ದೀನ್ನಿ ಸೂಸಿ -ಸ್ವಾಮಿ ,ಆಕಾಶಂನಿಂಕ ಅಗ್ಗಿಪೊಡಿ ಊಳ್ನಿ ನಾಶನಂ ಅನಿ ಮಾಮು ಸೊಪ್ಪಿನ್ದಾನ್ಗು ⁵⁵ ನೀಕಿ ಮಂಸುoದ್ಯಾ ಅನಿ ಅಡ್ಗಾಲು ಆತುಡು ತಿರಿಕ್ಕಾನ್ನಿ ವಾಳ್ನಿ ಗದ್ರಿಚ್ಚಾಡು. ⁵⁶ ಅಪ್ಡು ವಾಳoದ್ರೂ ಬೇರೆ ಹಳ್ಳಿಗಿ ಪೈನ್ನಾರು. ⁵⁷ ವಾಳು ದಾವ್ಲಾ ಪಾತುಂಡ್ನಪ್ದು ಯವ್ವಡೋ ಒಕ್ಕಡು ಯೇಸುಗಿ -ನುವ್ವ ಯಾನ್ಗಿಪೈನ್ನಾನು ನಾನು ನೀ ಯನ್ಕ್ ವಸ್ತಾನು ಅನಿ ಸೋಪ್ಪಾಲು ಆತುಡು ⁵⁸ ವಾಡ್ಗಿ-ನಕ್ಕಲ್ಗಿ ಗುದ್ದುಲುoಡಾವಿ ,ಆಕಾಶಂಲಾ ಹಾರಾಡ ಹಕ್ಕಿಲ್ಗಿ ಗೂಡ್ಲುoಡಾವಿ ;ಆಯ್ತೇ ಮನುಷ್ಯಕುಮಾರುಡ್ಗಿ ತಲಪೆಟ್ಟಾoತ್ತ ಸ್ಥಳಮು ಲೇದು ಅನಿ ಸೋಪ್ನಾಡು. ⁵⁹ ಆತುಡು ಮತ್ತೋಕ್ಕಡ್ಗಿ -ನನ್ನಿ ಹಿಂಬಾಲಿಚ್ಚು ಅನಿ ಸೋಪ್ಪಲು ವಾಡು -ಸ್ವಾಮಿ,ನಾನು ಮೊದ್ಲು ಪಾಯಿ ನಾ ತಂಡ್ರಿಯ ಉತ್ತರಕ್ರಿಯೇಲ್ನಿ ಸೇಸಿ ವಚ್ಚಟ್ಲಾ ನಾಕಿ ಅಪ್ಪಣಂಕಾವಾಲ ಅನ್ನಾಡು. ⁶⁰ ಆಯ್ತೆ ಆತುಡು ವಾಡ್ಗಿ-ಸಚ್ಚಿನವಾಳೆ ತಮ್ಮವಾಳಾ ಸಚ್ಚಿಪಾಯ್ನಾವಾಳ ಉತ್ತರಕ್ರಿಯೇಲ್ನಿ ಸೇಯ್ನಿ,ನುವ್ವoತೂ ಪಾಯಿ ದೇವುಡ ರಾಜ್ಯಮ್ನಿ ಪ್ರಸಿದ್ದಿಪದ್ಬಿಚ್ಚು ಅನಿ ಸೋಪ್ನಾಡು. ⁶¹ ಸಹ ಸ್ವಾಮೀ,ನಿನ್ನಿ ಹಿಂಬಾಲಿಸ್ತಾನು;ಆಯ್ತೆ ಮೊದ್ಲು ನಾ ಇಂಟ್ವಾಲ್ಗಿ ಸೊಪ್ಪಿ ವಚ್ಚೆದಾನ್ಗಿ ನಾಕಿ ಅಪ್ಪಣಂಕಾವಾಲ ಅನ್ನಾಡು. ⁶² ಯೇಸು ವಾಡ್ಗಿ -ಯವ್ವಡೈನ ನೆಗಿಲ್ನಾ ಪೈನ ತನ್ನ ಸೈಯ್ನಿ ಎಸಿ ಯನ್ಕಿ ಸೂಸ್ತೆ ವಾಡು ದೇವುಡ ರಾಜ್ಯನ್ಗಿ ತಕ್ಕವಾಡ್ ಕಾದನಿ ಸೋಪ್ನಾಡು.