¹ ತನ್ನ ಮಾಟಲ್ಲನ್ನಿ ಜನಲು ಇನಟ್ಲಾ ಸೊಪ್ಪಿ ಮುಗ್ಬಿಚ್ಚನ್ ಪೈನ ಕಪೆರ್ನೌಮಿಗಿ ವಚ್ನಾಡು. ಆನ ದಂಡ್ನಾ ಶತಾಧಿಪತಿಗಿ ಇಷ್ಟಮೈನಾ ಒಕ್ಕಆಳು ಕ್ಷೇಮಂಲೆಗುನ್ನ ಸಚ್ಚಟ್ಲ್ ಅಟ್ಟುoಟಾಡು. ² ಆನ ದಂಡ್ನಾ ಶತಾಧಿಪತಿಗಿ ಇಷ್ಟಮೈನಾ ಒಕ್ಕಆಳು ಕ್ಷೇಮಂಲೆಗುನ್ನ ಸಚ್ಚಟ್ಲ್ ಅಟ್ಟುoಟಾಡು. ³ ಯೇಸುವಿನ ಸುದ್ದಿನ್ನಿ ಇನಿ ಆತುಡ ದೇಗ್ಗರ್ಗಿ-ನುವ್ವ ವಚ್ಚಿ ನಾ ಆಳ್ನಿ ಸ್ವಸ್ತಂ ಸೇಯ್ಯಲನಿ ಆತುಡ್ನಿ ಬೇಡ್ಗಂನ್ನಟ್ಲಾ ಯೆಹೊದ್ಯಲ ಹಿರಿಲ್ನಿ ಅಮ್ಪಿಚ್ನಾಡು. ⁴ ಯೇಸುನ ದೇಗ್ಗರ್ಗಿ ವಚ್ಚಿ-ನಿನ್ನಿಂಕ ಇಟ್ಟ ಉಪಕಾರಂ ಹೊoದೆದಾನ್ಗಿ ವಾಡು ಯೋಗ್ಯಡು; ⁵ ಮಾ ಜನಾಲ್ನಿ ಪ್ರೀತಿಚ್ಚವಾಡು ,ತಾನೇ ಮಾ ಸಭಾಮಂದಿರಾನ್ನಿ ಮಾಕೈ ಕಟ್ಟಿಚ್ಚ್ನಾಡು ಅನಿ ಆತುಡ್ನಿ ಬಹಳಂಗ ಬೇಡ್ಗನ್ನಾಲು ಯೇಸು ವಾಳ ಸಂಗಡ ಪೈಯ್ನಾಡು. ⁶ ಇಂಕ ಇಂಟ್ಗಿ ಮುಟ್ಟದಾನ್ಗಿ ಕೊಂಚಂದೂರಂಉನ್ನಪ್ದೇ ಶತಾಧಿಪತಿಯು ಸ್ನೇಹಿತಲ್ನಿ ಆತುಡ ದೇಗ್ಗರ್ಗಿ ಅಮ್ಪಿಚ್ಚಿ -ಪ್ರಭುವೇ ,ತೊಂದ್ರ ತಿಸ್ಗಾವದ್ದು ;ನುವ್ವ ನಾ ಇಂಟ್ಗಿ ವಚ್ಚಾoತ ಯೋಗ್ಯತೆ ನಾಲಲೇದು. ⁷ ಈ ಕಾರಣಂನಿಂಕ ನೀನು ನನ್ನಿ ನೀ ದೇಗ್ಗರ್ಗಿ ವಚ್ಚದಾನ್ಗಿ ತಕ್ಕಮೋಡನಿ ಎನ್ಬಿಚ್ಚಲೇದು ಆಯ್ತೇ ನುವ್ವ ಒಕ್ಕಮಾಟ ಸೊಪ್ಪು ,ನಾ ಆಳ್ಗಿ ಗುಣಂಆತಾದಿ. ⁸ ಸಹ ಮತ್ತೋಕ್ಕಡ ಸೈಕಿಂದಉಂಡವಾಡು;ನಾ ಸೈಕಿಂದ ಸಿಪಾಯಿಲು ಉಂಡಾಳು;ನೀನು ವಾಳಾ ಒಕ್ಕಡಿಗಿ ಪೋ ಅನಿ ಸೋಪ್ತೆ ಪಾತಾಡು;ಮಲಿ ಒಕ್ಕಡ್ಗಿ ರಾ ಅನಿ ಸೋಪ್ತೆ ವಸ್ತಾಡು ;ನಾ ಆಳ್ಗಿ ಇಟ್ಟಿಟ್ಟದಾನ್ನಿ ಸೆಯ್ಯಿ ಅನಿ ಸೋಪ್ತೆ ಸೇಸ್ತಾಡು ಅನ್ನಿ ಸೊಪ್ಪಿಬಿಚ್ಚನ್ನಾಡು. ⁹ ಯೇಸು ಈ ಮಾಟ್ನೀ ಇನಿ ವಾಡ ವಿಷಯಂಲ ಆಶ್ಚರ್ಯಂಪೊಡಿ ತನ್ನ ಎನ್ಕ ವಸ್ತಾವುನ್ನ ಗುಂಪ್ನಿ ಯನ್ಕಿತಿರ್ಗಿ ಸೂಸಿ -ನಾನು ಇಂತ ಪೆದ್ದ ನಂಬಿಕಾನ್ನಿ ಇಸ್ರಾಯೇಲ್ ಜನಲಾನು ಸೂಡ್ಲೆದನಿ ಮೀಕಿ ಸೋಪ್ತಾನು ಅನ್ನಾಡು. ¹⁰ ಆ ಶತಾಧಿಪತಿಯ ಕಡನಿಂಕ ವಚ್ಚಿನವಾಳು ತಿರ್ಗಿ ಇಂಟ್ಗಿ ಪಯ್ಯಿ ಆಳು ಆರೋಗ್ಯಂಗ್ಗಉಂಡಾದಾನ್ನಿ ಸೂಸ್ನಾರು. ¹¹ ಕೊಂಚಂಕಾಲಂ ಪೈನ ಆತುಡು ನಾಯಿಅನಾ ಊರ್ಗಿ ಪೈನಾಡು.ಆತುಡ ಜೊತ್ಲಾ ಆತುಡ `ಶಿಷ್ಯಾಲು ಇಂಕಾ ಅನೇಕ ಜನಾಲು ಪಾತಉಂಟಾರು. ¹² .ಆತುಡು ಊರವಾಕಲ್ ದೇಗ್ಗರ್ಗಿ ವಚ್ಚ್ನಾಪ್ದು ಸಚ್ಚಿಪಾಯ್ನಾ ಒಕ್ಕಡ್ನೀ ಇತರ್ಗಿ ತಿಸ್ಗವಾಸ್ತುoಟಾರು.ಊಡು ವಾಳ ತಲ್ಲಿಗಿ ಒಕ್ಕಡೆ ಕೊಡ್ಕು;ಆದಿ ಮೊಗಡು ಸಚ್ಚಿನಾದಿಆಯ್ನಾದಿ.ದಾನ್ ಜೊತ್ಲಾ ಗ್ರಾಮಸ್ಥಲು ಅನೇಕ್ಲುಉನ್ನಾರು. ¹³ ದಾನ್ನಿ ಸೂಸಿ ಕನಿಕರಿಚ್ಚಿ -ಎಡದ್ದು ಅನಿ ದಾನ್ಗಿ ಸೊಪ್ಪಿ ಚಟ್ಟo ದೇಗ್ಗರ್ಗಿ ಪಾಯಿ ದಾನ್ನಿ ಮುಟ್ಟಲು ಎತ್ಗಾನುಂಡಾವಾಳು ನಿಲ್ಚಾಳು. ¹⁴ ಯೌವ್ವನಸ್ಥಡೇ,ಲೆಯ್ಯಿ ಅನಿ ನೀಕಿ ಸಾಪ್ತಾನು ಅನ್ನಾಡು. ¹⁵ ಸಚ್ಚಿನವಾಡು ಲೇಸಿ ಕುಚ್ಚನ್ನಾಡು ಮಾಟಡದಾನ್ಗಿ ತೊಡ್ಗನ್ನಾಡು.ಯೇಸು ವಾಡ್ನಿ ವಾಡ ತಲ್ಲಿಗಿ ಇಚ್ಚಾಡು. ¹⁶ ಅಂದ್ರೂ ಭಯo ಪೋಡ್ನವಾಲಾಯಿ -ಮಹಾಪ್ರವಾದಿಯು ಮಾಲ ಲೆಸ್ನಾಡು,ದೇವುಡು ತನ್ನ ಜನಾಲ್ಗಿ ದರ್ಶನಂನ್ನಿ ಅನುಗ್ರಹಿಚ್ನಾಡು ಅನಿ ದೇವುಡ್ನೀ ಕೊಂಡಾಡವಾಳಯಿರಿ. ¹⁷ ಈ ವಾರ್ತಾಮು ಯೂದಾಯಂಲಾನು ಸುತ್ತಮುoಡ ಅಂತ ಪ್ರಾಂತ್ಯಲಾನು ಹಬ್ಬಿಂದಿ. ¹⁸ ಯೋಹಾನಡ ಶಿಷ್ಯಲು ನಡ್ಸ್ನಾ ಸಂಗತಿಲ್ನನ್ನಿ ವಾಡ್ಗಿ ತಿಲ್ಬಿಚ್ಚಾಲು ವಾಡು ತನ್ನ ಶಿಷ್ಯಲಾ ಇದ್ದರ್ನಿ ಪಿಲ್ಚಿ ¹⁹ ನುವ್ವೋ, ಮಾಮು ಬೇರೊಕ್ಕಡ ದಾವ್ನಿ ಸೂಡಾಲ್ನೋ ಅನಿ ಸ್ವಾಮಿಗಿ ಸೊಪ್ಪಿಅಮ್ಪಿಚ್ನಾಡು. ²⁰ ವಾಳು ವಾಡ ದೇಗ್ಗರ್ಗಿ ವಚ್ಚಿ-ವಚ್ಚಕಾಪಯ್ಯವಾಡು ನುವ್ವೋ,ನಾನು ಮಲಿ ಒಕ್ಕಡ ದಾವ್ನಿ ಸೂಡಾಲ್ನೋ ಅನಿ ಇನೆದಾನ್ಗಿ ಸ್ನಾನಿಕಡೈನ ಯೋಹಾನುಡು ಮಮ್ಮಲ್ನಿ ನೀ ದೇಗ್ಗರ್ಗಿ ಅoಪ್ಪಿಚ್ನಾಡು ಅನ್ನಾರು. ²¹ ಅದೇ ಗಳಿಗೆಲಾ ಆತುಡು ಅನೇಕಾಲ್ನಿ ರೋಗಂ ಉಪದ್ರವಂ ದೈಮು ಇಟ್ಟವ್ಟನಿಂಕ ಉಡ್ಬಿಚ್ಚಿ ವಾಸಿ ಸೇಸ್ನಾಡು;ಮಲಿ ಅನೇಕ ಮಂದಿ ಗುಡ್ಡವಾಳ್ಗಿ ಕಂಡ್ಲನ್ನಿ ದಯಾಪಾಲಿಚ್ಚಾಡು. ²² ಆತುಡು ವಾಳ್ಗಿ ಪ್ರತ್ಯುತ್ತರಂಗ -ಮೀಳು ಪಯ್ಯಿ ಸೂಸಿ ಇನ್ನಾವುಟ್ಲ್ನಿ ಯೋಹಾನುಡ್ಗಿ ತಿಲ್ಬಿಚ್ಚಂಡಿ;ಗುಡ್ದೋಳ್ಗಿ ಕಂಡ್ಲ್ ವಸ್ತಾವಿ,ಕುoಟೋಳ್ಗಿ ಕಾಳ್ಳು ವಸ್ತಾವಿ,ಕುಷ್ಟರೋಗಿಲು ಶುದ್ದಲು ಆಯ್ತಾರು,ಸೇವ್ವ್ತೋಳ್ಗಿ ಸೆವ್ವ್ಳುವಸ್ತಾವಿ,ಸಚ್ಚಿನವಾಳು ಜೀಂನ್ನಿ ಹೊದ್ತಾಳು,ಬಡವ್ಲಗಿ ಸುವಾರ್ತ ಸಾರಲ್ಪಡ್ತಾದಿ. ²³ ವಿಷಯಂಲಾ ಸಂಶಯಂಪೋಡ್ಗುನ್ನಾವಾಡು ಧನ್ಯಡು ಅನಿ ಸೋಪ್ನಾಡು. ²⁴ ದೂತುಲು ಯೆನ್ಕಿತಿರ್ಗಿ ಪೈಯ್ಯಲು ಆತುಡು ಯೋಹಾನುಡ ವಿಷ್ಯಂಗ ಆ ಜನಾಲಗುಂಪುಲ್ಗಿ ಸೋಪ್ಪಿಂದಿ ಎಮನ್oಟೆಏಮಿ ಸೂಡಾಲ ಅನಿ ಅಡವಿಗಿ ಪೈನಾರು ?ಗಾಲ್ನಿಂಕ ಅಲ್ಲಾಡ ದಂಟನ್ನಾ? ²⁵ .ಅಲ್ಲವಾದರೆ ಏಮಿ ಸೂಡಾಲನೀ ಪೈನ್ನಾರು?ನಯಮೈನ ಉಡುಪ್ನಾ ಎಸ್ಗಾನುಂಡ ಮನುಷ್ಯಡ್ನೋ?ಶೋಭಾಯಮಾನಂಆಯ್ನಾ ಉಡುಪ್ನಿ ಧರ್ಸಿ ಭೋಗಂಲಾ ಬಾಳವಾಳು ಅರಮನೆಲಾ ಉಂಟಾಳುಅಂತೆ. ²⁶ ಅಟ್ಟೀತೆ ಏಮಿ ಸೇಯ್ಯಲಾನಿ ಪೈನ್ನಾಳು?ಪ್ರವಾದಿನಾ?ಹೌನು ,ಪ್ರವಾದಿಗಿಂತಾನು ಹೆಚ್ಚಿನವಾಡ್ನಿ ಸೂಸ್ನಾಳು ಅನಿ ಮೀಕಿ ಸೋಪ್ತಾನು. ²⁷ ಇನಾ,ನಾ ದೂತುಡ್ನೀ ನೀ ಮುಂದ್ರ ಅಮ್ಪಿಸ್ತಾನು.ನುವ್ವ ಪೈಯ್ಯ ದಾವ್ಲಾ ವಾಡು ನೀ ಮುಂದ್ರ ಸರಿಸೇಸ್ತಾಡು ಅನಿ ಯವ್ವಳ ವಿಷ್ಯಂಗ ರಾಸಿಂದೋ ಆ ಪುರುಷುಡು ಊಡೇ. ²⁸ ಪುಟ್ಟಿನವಾಳ್ಲೋಗನಿಂಕ ಯೋಹಾನುಡ್ಗಿಂತ ಪದ್ದವಾಡು ಒಕ್ಕಡು ಲೇದು;ಅಯ್ನಾನು ದೇವುಡ ರಾಜ್ಯಮ್ಲಾ ಸಿನ್ನವಾಡು ವಾಡ್ಗಿoತಾನು ಪೆದ್ದವಾಡು ಅನಿ ಮೀಕಿ ಸೋಪ್ತಾನು. ²⁹ ಇದೇಕಾದನಿ ಜನಲಂದ್ರು ಸುಂಕಂವಾಳು ಯೋಹಾನುಡ ಉಪದೆಶಾಂನ್ನಿ ಇನ್ನಪ್ದು ವಾಡ್ನಿಂಕ ದೀಕ್ಷಾಸ್ನಾನಂ ಸೇಬಿಚ್ಚಗನ್ನವಾಳಾ ದೇವುಡು ನೀತಿವಂತಡನಿ ಒಪ್ಗನಾರು. ³⁰ ಧರ್ಮೋಪದೇಶಕ್ಲು ವಾಡ್ನಿಂಕ ದೀಕ್ಷಾಸ್ನಾನಂ ಸೇಬಿಚ್ಚ್ಕೋಕುನ್ನ ಪೈನಾವಾಳ ತಮ್ಮ ವಿಷ್ಯಂಗ ದೇವುಡ ಸಂಕಲ್ಪಾನ್ನಿ ನಿರಾಕರಿಚ್ಚಾರು. ³¹ ಇಟ್ಳುoಡಾಗ ಈ ಕಾಲಂನ ಜನಾಲ್ನಿ ಯವ್ವಲ್ಗಿ ಹೊಲ್ಬಿಚ್ಚುದ್ನು?ವಾಳು ಯವ್ವಲ್ನಿ ಹೊಲ್ತಾಳು? ³² ಕುಚ್ಗಾನ್ನಿ -ಮಿಕೊಸ್ಕರಂ ಕೊಳಲುಊದ್ನಾಮು ,ಮೀಳು ಕುಣ್ಲೇದು ;ಗೋಳಾಡ್ನಾಮು,ಮೀಳು ಎಡ್ಲೇದು ಅನಿ ಒಕ್ಕಲೋಕ್ಕಳು ಕೂಸಿ ಸೋಪ್ಪಅಂತ ಹುಡುಗಾಲ್ನಿ ಹೊಲ್ತಾಳು. ³³ ಏಟ್ಟಸ್ನಾನಿಕುಡೈನ ಯೋಹಾನುಡು ವಚ್ಚಿನಾಡು;ವಾಡು ರೊಟ್ಟ ತಿನ್ಗುನ್ನವಾಡು ,ದ್ರಾಕ್ಷಾರಸಂ ತಾಗಿನಾವಾಡು ;ಮೀರು ವಾಡ್ಗಿ ದೈಮು ಪೊಟ್ಟಿoದ್ದಿ ಅಂಟಾರು. ³⁴ ವಚ್ಚಿನಾಡು ,ವಾಡು ಅನ್ನಂಪಾನಾಲ್ನಿ ತಿಸ್ಗನವಾಡೈನಾಡು ;ಮೀರು-ಇನಾ,ಊಡು ಪೊಟ್ಟಬಾಕುಡು,ಕುಡುಕ್ದು,ಭ್ರಷ್ಟಲ ಮಲಿ ಪಾಪಿಷ್ಟಲ ಗೆಳೈಡು ಅಂಟಾರು. ³⁵ ಆಯ್ತೆ ಜ್ಞಾನಂ ಸಕಲ ಜ್ಞಾನವಲಂಬಿಲ ಮೂಲಕಂ ಜ್ಞಾನಮೇ ಅನಿ ಗೊತ್ತೈತದಿ ಅನ್ನಾಡು. ³⁶ ಒಕ್ಕಡು ಆತುಡ್ನಿ ತನ್ನ ಜೊತ್ಲಾ ಊಟಂಸೇಯ್ಯಲಅನಿ ಬೇಡ್ಗಂನ್ನಪ್ದು ಆತುಡು ಫರಿಸಾಯಡ ಇಂಟ್ಗಿ ಪಯ್ಯಿ ಊಟನ್ಗಿ ಒರಿಕ್ಕನ್ನಾಡು. ³⁷ ಆ ಊರ್ಲಾಉನ್ನ ದುರಾಚಾರಿಆಯ್ನಾ ಒಕ್ಕ ಆಡದಿ ಫರಿಸಾಯುಡ ಇಂಟ್ಲಾ ಆತುಡು ಊಟಾನ್ಗಿ ಒರ್ಗ್ನಾಡನೀ ಗೊತ್ತುಪೊಟ್ಗಾನಿ ಸುಗಂಧತೈಲಂನ ಭರಣಿನ್ನಿ ತಿಸ್ಗಾನಿ ವಚ್ಚಿ ³⁸ ಎನ್ಕ ಆತುಡ ಪಾದಾಲ ಬಳಿಲಾ ನಿಲ್ಚ್ಗಾನಿ ಯೇಡ್ಸ್ತಾ ತನ್ನ ಕಣ್ಣಿಳ್ನಿಂಕ ಆತುಡ ಪಾದಲ್ನಿ ತ್ಯಾವಂಸೇಸಿ ತನ್ನ ತಲೇಯಂಟಗಲ್ನಿಂಕ ತೂಡ್ಸಿ ಅವುಟ್ಲ್ಗಿ ಮುತ್ತುಪೆಟ್ಟಿ ಆ ತೈಲಂನ್ನಿ ಹಚ್ಚಿಂದಿ. ³⁹ ಆಯ್ತೆ ಅತುಡ್ನಿ ಊಟನ್ಗಿ ಪಿಲ್ಚಿ ಫರಿಸಾಯಡು ದೀನ್ನಿ ಸೂಸಿ -ಇದಿ ದುರಾಚಾರಿ ;ಊಡು ಪ್ರವಾದಿಆಂಟೆ ತನ್ನಿ ಮುಟ್ಟಿನ ಈ ಆಡದಿ ಇಟ್ಟದನಿ ತಿಳ್ಚಗನ್ನು ಅನ್ಗಾನ್ನಾಡು. ⁴⁰ ಯೇಸು -ಸೀಮೋನುಡೇ,ನಾನು ನೀಕಿ ಸೋಪ್ಪಲಾನಿ ಒಕ್ಕ ಮಾಟುoದ್ದಿ ಅನಪ್ದು ವಾಡು -ಭೋದಕುಡೇ, ಸೊಪ್ಪು ಅನ್ನಾಡು. ⁴¹ ಯೇಸು -ಒಕ್ಕ ಸಾಹುಕಾರಡ್ಗಿ ಇದ್ರೂ ಸಾಲ್ಗಾರ್ಲುಉನ್ನಾರು ;ಒಕ್ಕಡು ಐನೂರು ದುಡ್ಲು ಇಯ್ಯಲುoದಿ .ಮಲಿ ಒಕ್ಕಡು ಯಾಭಾಯಿ ದುಡ್ಲು ಇಯ್ಯಲುಂದಿ. ⁴² ವಾಳ್ಗಿ ಗತಿಲೆಗುನ್ನದಾನ್ಗು ಆ ಇದ್ರೂ ಅಪ್ನಿ ಉಡ್ಸಿಉಡ್ಸ್ನಾಡು.ಅಟ್ಟಐತೆ ವಾಳಾ ಯವ್ವಡು ಆ ಸಹುಕಾರಡ್ನಿ ಹೆಚ್ಚಂಗ ಪ್ರೀತಿಚ್ಚಾಡು ಅನಿ ಅಡ್ಗ್ದಾನ್ಗೂ ⁴³ ಹೆಚ್ಚಂಗ ಉಡ್ಸ್ನಾಡೂವಾಡೆ ಅನಿ ಭಾವಿಸ್ತಾನು ಅನ್ನಾಡು.ಯೇಸು ವಾಡ್ಗಿ -ನುವ್ವ ಸರಿಯಾಂಗ ತೀರ್ಪುಸೇಸ್ನಾವುಅನಿ ಸೊಪ್ಪಿ ಆ ಆಡದಾನ ಕಡ್ಗಿ ತಿರಿಕ್ಕಾನ್ನಿ ಸೀಮೋನುಡ್ಗಿ ಸೊಪ್ಪಿoದಿ ಎಮಂಟೆ ⁴⁴ ಆ ಆಡದಾನ್ನಿ ಸೂಸ್ನಾವ ?ನಾನು ನೀ ಇಂಟ್ಗಿ ವಾಚ್ನಪ್ದು ನುವ್ವ ನಾ ಕಾಲ್ಗಿ ನುಳು ಇಲೇದು;ಇದಾದ್ರು ನಾ ಕಾಳನ್ನಿ ಕಣ್ಣಿಳ್ನಿಂಕ ತ್ಯಾವoಸೇಸಿ ತನ್ನ ತಲಾಯoಟಗಲ್ನಿಂಕ ತೂಡ್ಸಿಂದಿ. ⁴⁵ ನಾಕಿ ಮುದ್ದುಪೆಟ್ಟಲೇದು ;ಇದಿಆಯ್ನೋ ನಾನು ಲೋಗಕಿ ವಚ್ಚಿನಪ್ಪಡ್ನೀoಕ ನಾ ಕಾಳ್ಗಿ ಮುದ್ದುಪೆಟ್ಟದಾನ್ನಿ ಉಡಲೇದು. ⁴⁶ ನನ್ನ ತಲ್ಗಿ ನೂನ ಏಯ್ಲೇದು ;ಇದೈನೋ ಸುಗಂಧತೈಲಂನಿ ಕಾಳ್ಗಿ ಹಚ್ಚಿಂದಿ. ⁴⁷ ನಾನು ಸೋಪ್ಪ ಮಾಟ್ಎಮಂಟೆ -ದೀನ್ ಪಾಪಲು ಬಹಳಂಗಉನ್ನದ್ಗು ಅವಿ ಕ್ಷಮಿಸಲ್ಪಡ್ನಾವಿ .ದೀನ್ಗೆ ಪ್ರಾಮಾಣಂಎಮoಟೆ ಇದಿ ಸೂಪಿಚ್ಚಿನ ಪ್ರೀತಿ ಬಹಳo .ಆಯ್ತೆ ಯಾವ್ವಡಿಗಿಂತ ಕೊಂಚಂಮಾತ್ರ ಕ್ಷಮಿಸಿಲ್ಪಟ್ನವೋ ವಾಡು ಸೂಪಿಚ್ಚಿನ ಪ್ರೀತಿಯು ಕೊಂಚಮೆ ಅನ್ನಾಡು. ⁴⁸ ಆತುಡು ದಾನ್ಗಿ -ನೀ ಪಾಪಾಲು ಕ್ಷಮಿಸಲ್ಪಡ್ನಾವಿ ಅನಿ ಸೋಪ್ನಾಡು. ⁴⁹ ಸಂಗಡಂ ಊಟನ್ಗಿ ಒರಿಕ್ಕನ್ನಾಳು-ಪಾಪಾಲ್ನಿ ಸಹ ಕ್ಷಸುಸ್ನಾಡು ಊಡುಯವ್ವಡೂ ಅನಿ ವಾಳ್ವಾಳೋಗಾನೆ ಅನ್ಗಾನ್ನಾರು. ⁵⁰ ಆಯ್ತೆ ಆತುಡು ಆ ಅಡದಾನ್ಗಿ-ನೀ ನಂಬಿಕೆಯೇ ನಿನ್ನಿ ರಕ್ಷಿಚ್ಚಿಂದಿ;ಸಮಾಧಾನಂನಿಂಕ ಪೋ ಅನಿ ಸೋಪ್ನಾಡು.