¹ ಆ ಸ್ತ್ರೀಯಲು ಸಬ್ಬತ್ ದಿನಂಲಾ ಧರ್ಮನಿಯಮಪ್ರಕಾರಂ ವಿಶ್ರಮಿಚ್ಗನಿ ವಾರಂಮೊದ್ಲೇದಿನಂ ಇಂಕ ಮೋಬ್ಬುನಪ್ದು ತಾವು ಸೇಸ್ನಾ ಸುಂಗಧ ದ್ರವ್ಯಲ್ನಿ ತಿಸ್ಗಾನಿ ಸಮಧಿಗಿ ವಸ್ತಾರು. ² ಸಮಾಧಿಗಿ ಮೂಸ್ನಾ ರಾಯಿ ಆನ್ನಿಂಕ ಉಲ್ಬಿಚ್ಚಿನ್ದಾನ್ನಿ ³ ಸೂಸಿ ಲೋಕಿಪಾಯಿ ಸೂಸದಾಂಟ್ಲಾ ಯೇಸುಸ್ವಾಮಿಯ ದೇಹಮು ಕನ್ಬಿಲೇ ⁴ ಈ ವಿಷಯಮ್ಲಾ ವಾಳ್ಗಿ ಗಲಿಬಿಲಿ ಉಂಟೈನಪ್ಡು ಹೊಳ್ಸ ಉಡುಪ್ನಿ ಧರ್ಸುಂಡ ಇದ್ರೂ ಪುರುಷುಲು ಅಕಸ್ಮಾತ್ತoಗ್ಗ ವಾಳ ದೇಗ್ಗರ ನಿಲ್ಚಗ್ಗನಾರು. ⁵ ಆ ಸ್ತ್ರೀಯಲು ಭಯಂಪೋಡ್ನೋಳಾಯಿ ವಾಳ ಮೊಖಲ್ನಿ ನ್ಯಾಲ್ ಕಡ್ಗಿ ವಂಗ್ಗಿಚ್ಗೋಉನ್ನಪ್ದು ಆ ಪುರುಷಲು ವಾಳ್ಗಿ ಸಚ್ಚಿನೋಳೋಗ ಬದ್ಕುಂಡವಾಡ್ನಿ ಹುಡ್ಕೆದೇಮಿ?ಆತುಡು ಇನಾ ಲೇದು,ಲೆಸ್ನಾಡು. ⁶ ಆತುಡು ಇಂಕ ಗಲಿಲಾಯ್ಲ ಉಂನಪ್ದೆ-ಮನುಷ್ಯಕುಮಾರುಡು ಪಾಪಿಲೈನಾ ಮನುಷ್ಯಲ ಸೇತ್ಗಿ ಒಪ್ಪಿಚ್ಚಲ್ಪಡಿ ಶಿಲುಬೆಗಿ ಎಸಲ್ಪಡಿ ಮೂಡ್ನೆದಿನಂಲಾ ಲೇಸಿ ವಚ್ಚೇದಿ ಅಗತ್ಯಂಅನಿ ಮೀಕಿ ಸೋಪ್ಪಿದಾನ್ನಿ ನೆಂಪ್ಗಿ ತಿಸ್ಗಂಡ್ಡಿ ಅನಿ ಸೋಪ್ನಾಳು. ⁷ ಆತುಡು ಇಂಕ ಗಲಿಲಾಯಂಲಉಂಡ್ನಪ್ದು-ಮನುಷ್ಯಕುಮಾರುಡು ಪಾಪಿಲೈನಾ ಮನುಷ್ಯಾಲಸೇತ್ಗಿ ಒಪೀಚ್ಚಲ್ಪಡಿ ಶಿಲುಬೆಗಿ ಎಬಿಚ್ಚಲ್ಪಡಿ ಮೂಡ್ನೆ ದಿನಂಲಾ ಲೇಸಿ ವಚ್ಚೇದಿ ಅಗತ್ಯಮನಿ ಮೀಕಿ ಸೋಪ್ಪಿಂದ್ದನ್ನಿನೆನಪ್ಗಿ ತಿಸ್ಗಂಡ್ಡಿಅನಿ ಸೋಪ್ನಾಳು. ⁸ ಸ್ತ್ರೀಯಲು ಆತುಡ ಮಾಟಲ್ನಿ ನೆನಪ್ಗಿ ತಿಸ್ಗನಿ ಸಮಾಧಿಯ ದೇಗ್ಗರ್ನಿಂಕ ಯನ್ಕಿತಿರ್ಗಿ ಪಾಯಿ ಆ ಸಂಗತಿಲ್ನಂತ ⁹ ಪದ್ಕುoಡುಮಂದಿ ಶಿಷ್ಯಾಲ್ಗು ಉಳ್ಸನವಾಳoದ್ರುಗು ತಿಲ್ಬಿಚ್ನಾಳು. ಆ ಸ್ತ್ರೀಲು ಯವ್ಲoಟ್ಟೆ ಮಗ್ದಲಂನಮರಿಯಳು,ಯೋಹಾನಳು,ಯಾಕೋಬುಡ ತಲ್ಲಿಆಯ್ನಾ ¹⁰ ಮರಿಯಳುಊಳೆ.ಊಳ ಜೊತ್ಲಾಉಂಡ್ನಾ ಬೇರೆ ಸ್ತ್ರೀಯಲು ಸಹ ಅಪೋಸ್ತಲಾಳ್ಗಿ ಆ ಸಂಗತಿಲ್ನಿ ಸೋಪ್ನಾಳು. ¹¹ ವಾಳು ನಂಬ್ಲೇದು;ಆ ಮಾಟಲ್ನಿ ವಾಳ್ಗಿ ಬರಿ ಹರಟೆಆಯಿ ತೋರ್ನಾವಿ. ಆಯ್ತೆ ಪೇತ್ರುಡು ಲೇಸಿ ಸಮಾಧಿಗಿ ಪಾರಿಪಾಯಿ ¹² ವ ಗಿಸೂಸಿ ನಾರು ಬಟ್ಟಲ್ನಿ ಮಾತ್ರ ಸೂಸಿ ನಡ್ಸನ ಸಂಗತಿಲ್ಗಿ ತನ್ಲಾ ಆಶ್ಚರ್ಯoಪೋಡ್ತಾ ಎಲ್ಲಿಪೈನಾಡು ¹³ ಅದೇ ದಿನಂಲಾ ಶಿಷ್ಯಾಲಾ ಇದ್ರೂ ಯೆರುಸಲೇಮ್ಗಿ ಆರುನರ ಮೈಲಿ ದೂರ್ಮಲಾಉಂಡ್ನ ಎಮ್ಮಾಹು ಅನಾ ಹಳ್ಳಿಗಿ ಪಾತ ¹⁴ ಸಂಭವಿಚ್ಚಿನ ಈ ಅಂತಾ ಕಾರ್ಯಾಲ ವಿಷಯಂಗ ಸಂಭಾಷಣೆ ಸೇಸ್ತಾವುoಡ್ರಿ. ¹⁵ ವಾಳು ಸಂಭಾಷಣೆಲಾ ಚರ್ಚಿಸ್ತುoಡಾಗ ಯೇಸು ತಾನೇ ದೇಗ್ಗರ್ಗಿ ವಚ್ಚಿ ವಾಳ ಜೊತ್ಲಾ ಪೈನಾಡು. ¹⁶ ಆಯ್ತೆ ವಾಳು ಆತುಡ ಗುರುತ್ನಿ ಪೋಟ್ಲೇದು;ವಾಳ ಕಂಡ್ಲು ಕಟ್ನ ಅಟ್ಟಯ. ¹⁷ ಆತುಡು ವಾಲ್ನಿ-ಮೀಳು ಮಾರ್ಗಮ್ಲ ಪಾತ ಚರ್ಚಿಚ್ಚಿ ಮಾಟಾಡ್ಗನ್ನ ಈ ಸಂಗತಿಲೇಮು ಅನಿ ಅಡ್ಗಲು ವಾಳು ದುಃಖಂನ ಮೊಖಂಉಳ್ಲೋಲೈ ನಿಲ್ಚಾರು. ¹⁸ ವಾಳಾ ಕ್ಲೆಯೊಫಡನವಾಡು ಆತುಡ್ನಿ-ಯೇರುಸಲೆಮ್ಗಿ ವಚ್ಚ ಪರಸ್ಥಳಮೊಳ್ಗಅಂದ್ರುಗು ಈ ದಿವಸಂಲಾ ದಾನ್ಲೋಗ ನಡ್ಸುoಡ್ಡ ಸಂಗತಿಲು ಗೊತ್ತುoಡಲಾಗ ನೀಕಿ ಮಾತ್ರ ಗೊತ್ಲೇದೋ ಅನಿ ಅಡ್ಗಲು ಆತುಡು ವಾಲ್ನ-ಯಾವ ಸಂಗತಿಲು ಅನಿ ಅಡ್ಗ್ನಾಡು. ¹⁹ ದಾನ್ಗಿ ವಾಳು-ನಜರೆತೋಡೈನಾ ಯೇಸುವಿನ ಸಂಗತಿಲೆ;ಆತುಡು ದೇವುಡ ಮುಂದ್ರ ಮಲಿ ಮನುಷ್ಯಲ ಮುಂದ್ರ ಕೃತ್ಯಲನು ಮಾಟ್ನಲಾನು ಸಮರ್ಥುಡೈನ ಪ್ರವಾದಿ ಅಯ್ನಾಟದಿ. ²⁰ ಆತುಡ್ನಿ ಮಹಾಯಜಕುಲು ಮಾ ಅಧಿಕಾರಿಲು ಮರಣದಂಡನೆಗಿ ಒಪ್ಪಿಚ್ಚಿಇಚ್ಚಿ ಶಿಲುಬೆಗಿ ಎಬಿಚ್ನಾಳು. ²¹ ನಾನೈನೋ ಇಸ್ರಾಯೇಲ್ ಜನಾಲ್ನಿ ಉಡ್ಬಿಚ್ಚತಕ್ಕವಾಡು ಆತುಡೆ ಅನಿ ನಿರೀಕ್ಷಿಚ್ಗನಾಮು.ಇದಿ ಮಾತ್ರoಕಾಗ್ನೆ ಆ ಕಾರ್ಯಾಲು ನಡ್ಸಾ ಈ ಪದ್ದು ಮೂಡ್ನೆ ದಿನ್ಮು; ²² ಆಯ್ನು ಮಾಲ ಕೆಲ್ವು ಮಂದಿಸ್ತ್ರೀಲು ತೆಲ್ಲಾರ ಸಮಾಧಿಲ ದೇಗ್ಗರ ಉಂಡಿ ²³ ಆತುಡ ದೆಹಾಮ್ನಿ ಸೂಡ್ಗುoಡ್ಡ ಆಂನಿಂಕ ವಚ್ಚಿ ವಾಳ್ಗಿ ದೇವದೂತುಲ ದರ್ಶನಂಆಯನಿ ಆತುಡು ಬದ್ಕತಾಡನಿ ವಾಳು ಸೋಪ್ನಾಳನಿ ತಿಳ್ಬಿಚ್ಚಿ ಮಾಕಿ ಅತ್ಯಾಶ್ಚರ್ಯಂಉಂಟ್ಸೇಸ್ನಾರು. ²⁴ ಮಾ ಜೊತ್ಲಾ ಉಂಡೋಳಾ ಕೆಲವ್ಳು ಸಮಾಧಿಗಿ ಪಾಯಿ ಆ ಸ್ತ್ರೀಯಲು ಸೋಪ್ನಾ ಪ್ರಕಾರಮೆ ಸೂಸ್ನಾರು;ಆತುಡ್ನಿ ಮಾತ್ರ ಸೂಡ್ಲೆದು ಅನಿ ಸೋಪ್ನಾಳು. ²⁵ ಆತುಡು ವಾಳ್ಗಿ-ಎಲಾ,ಬುದ್ದಿಲೆಗುನ್ನವಾಳೆ,ಪ್ರವಾದಿಲು ಸೋಪ್ಪಿಂದoತ್ತ ನಂಬೆದಾಂಟ್ಲಾ ಮಂದ ಹೃದಯಂಮೊಳೆ, ²⁶ ಕ್ರೀಸ್ತುಡು ಇಟ್ಟ ಶ್ರಮಾಲ್ನಿ ಅನುಭವಿಚ್ಚಿ ತನ್ನ ಮಹಾಪದವಿಗಿ ಸೇರೆದಿ ಅಗತ್ಯಮೈನಾದಿಕಾದೆ ಅನಿ ಸೊಪ್ಪಿ ²⁷ ಮೋಶೆಯ ಮಲಿ ಅಂತ ಪ್ರವಾದಿಲ ಗ್ರಂಥಲು ಮೊದಲ್ಗನಿ ಸಮಸ್ತ ಗ್ರಂಥಲಾ ತನ್ನ ವಿಷ್ಯಮೈನ ಸೂಚನಾಲ್ನಿ ವಾಳ್ಗಿ ವಿವರಿಚ್ಚಾಡು. ²⁸ ವಾಳು ಪಾತುಂಡ ಹಳ್ಳಿಯ ಸಮೀಪಾನ್ಗಿ ವಚ್ನಪ್ದು ಆತುಡು ಮುಂದರ್ಗಿಪಾಯೋಡಟ್ಟ ಕನ್ಬಿಚ್ನಾಡು. ²⁹ ಆಯ್ತೆ ವಾಳು-ಮಾ ಜೊತ್ಲಾ ಉಂಡು,ಮಾವ್ಸರಾಯ.ಪದ್ದು ದಿಗ್ತಾ ವಚ್ಚೆ ಅನಿ ವಾಡ್ಗಿ ಸೊಪ್ಪಿ ಬಲವಂತಂಸೇಯ್ಯಾಗ ಆತುಡು ವಾಳ ಕೂಡ ಉಂಡೆದಾನ್ಗಿ ಊರ್ಲೋಕಿ ಪೈನಾಡ. ³⁰ ಆತುಡು ವಾಳ ಸಂಗಡ ಊಟಂಗಿ ಕುಚ್ಚನಪ್ದು ರೊಟ್ಟನಿ ತಿಸ್ಗಾನಿ ದೇವುಡ ಸ್ತೋತ್ರಂಸೇಸಿ ಇರ್ಸಿ ವಾಳ್ಗಿ ಇಚ್ಚಲಾಗ ವಾಳ ಕಂಡ್ಲು ತೆರ್ಸನಾವಿ, ³¹ ವಾಳು ಆತುಡ ಗುರುತ್ನಿ ಪೋಟ್ನಾಳ;ಆತುಡು ವಾಳ ಕಂಡ್ಲಿಗಿ ಮಾಯಂಮೈನಾಡು. ³² ಅಪ್ಡು ವಾಳು ಒಕ್ಕಲೋಕ್ಕಳು-ಆತುಡು ದಾವ್ಲಾ ಮಾ ಸಂಗಡ ಮಾಟಾಡ್ನಾಪ್ದು ಗ್ರಂಥಲಾ ಅರ್ಥಮ್ನಿ ಮಾಕಿ ಇಂಪಿ ಸೋಪ್ನಾಪ್ದು ಮಾ ಹೃದಯಮು ಮಾಲ ³³ ಕುದ್ಸಿoದ್ದಿಕಾದೆ ಅನಿ ಸೋಪ್ಗಾನಿ ಅದೇ ಗಳಿಗೆಲಾ ಲೇಸಿ ಯೇರುಸಲೆಮ್ಗಿ ಯನ್ಕಿತಿರ್ಗಿಪೈನಾರು.ಆನ ಪದ್ಕುoಡ್ಡು ಮಂದಿ ಶಿಷ್ಯಾಲು ವಾಳ ಸಂಗಡ ಉಂಡ್ನಾಳು ಒಟ್ಟಂಗ ಸೇರ್ಗಾಉಂಡಾದಿ- ³⁴ ಸ್ವಾಮೀ ಲೇಸ್ಸಿಂದ್ದಿ ನಿಜ್ಮು,ಆತುಡು ಸೀಮೋನುಡ್ಗಿ ಕಂಬಿಚ್ಗಾಂನಾಡು ಅನಿ ಸೋಪ್ತಾವುಟಾರು. ³⁵ ದೀನ್ನಿ ಸೂಸಿ ವಾಳು ದಾವ್ಲಾ ನಡ್ನಾ ಸಂಗತಿನ್ನಿ ರೊಟ್ಟಇರ್ಸೆದಾಟ್ಲಾನು ತಾವು ಆತುಡ ಗುರುತು ಪೋಟ್ನಾಮನದಾನ್ನಿ ವಿವರಿಚ್ನಾಳು. ³⁶ ವಾಳು ಈ ಸಂಗತಿಲ್ನಿ ಕುರ್ಚಿ ಮಾಟಾಡ್ತಾವುನ್ನಪ್ದು ಆತುಡೆ ವಾಳ ಮದ್ಯಲ ನಿಲ್ಚಿ[ನೀಕಿ ಮನಶ್ಯಾಂತಿ ³⁷ ಕಾನಿ ಅನಿ ವಾಳ್ಗಿ ಸೋಪ್ನಾಡು]. ವಾಳು ದಿಗುಲ್ಪೋಡಿ ಭಯಂಪೋಡ್ನೋಳಯಿ ವಾಳು ಸೂಸ್ನದಾನ್ನಿ ಭೂತಂಅನಿ ಭಾವಿಚ್ಚಾರು. ³⁸ ಆತುಡು ವಾಳ್ಗಿ ಯಂದ್ಗು ಕಾಳವಳ ಗಂಟಾಳು?ಮೀ ಹೃದಯಂಲಾ ಅವಮಾನಲು ಪುಟ್ಟೇದೇನ್ದ್ಗು?ನಾ ಸೈಲ್ನಿ ನಾ ಕಾಳ್ನಿ ಸೂಡoಡ್ಡಿ,ನಾನೇ ಕಾದೆ. ³⁹ ನನ್ನಿ ಮುಟ್ಟಿಸೂಡoಡ್ಡಿ,ಮೀಕಿ ಕಾಣ ಪ್ರಕಾರಂ ನಾಕಿ ಮಾಂಸಮು ಎಲುಬುಲು ಉಂಟ್ಟು;ಅವಿ ಭೂತಾಂಗಿ ಲೇದು ಅನಿ ಸೋಪ್ನಾಡು. ⁴⁰ [ದೀನ್ನಿ ಸೋಪ್ನ ಪೈನಾ ಆತುಡು ತನ್ನ ಸೈಲ್ನಿ ಕಾಳ್ನಿ ವಾಳ್ಗಿ ಸೂಪ್ನಾಡು]. ⁴¹ ಆಯ್ತೆ ವಾಳು ಸಂತೋಷಂದೆಸೆನ್ನಿಂಕ ಇಂಕಾ ನಮ್ಗುನ್ನ ಆಶ್ಚರ್ಯಂ ಪೋಡ್ತುoಡಾಗ ಆತುಡು-ತಿನ್ನಟ್ಟ ಪದಾರ್ಥಮೆಮೈನ ಇನಾ ಮೀಕುನ್ಟೋ ಅನಿ ವಾಲ್ನಿ ಅಡ್ಗಾಲು ⁴² ವಾಳು ಕಾಲ್ಚಿನ ಸ್ಯಾಪ ಒಕ್ಕ ತುಂಡ್ನಿ ಆತುಡ್ಗಿ ಇಚ್ಚಾರು. ⁴³ ಆತುಡು ತಿಸ್ಗಾನಿ ವಾಳ ಮುಂದ್ರ ತಿನ್ನಾಡು. ⁴⁴ ತರುವಾತಂ ಆತುಡು-ನಾನು ಇಂಕ ಮೀ ಸಂಗಡ ಉನ್ನಪ್ದು ಇದಂತ ಮೀಕಿ ತಿಲ್ಬಿಚ್ಚಲೆದೆ?ನಾ ವಿಷ್ಯಂಗ ಮೋಶೆಯ ಧರ್ಮಶಾಸ್ತ್ರoಲಾನು ಪ್ರವಾದಿಲ ಗ್ರಂಥಂಲಾನು ಕೀರ್ತನಲಾನು ರಾಸಿಂದ್ಕದ ನೆರವೆರ್ತಾದಿ ಅಗತ್ಯಮನಿ ಮೀಕಿ ಸೋಪ್ಲೇದೆ ಅನ್ನಾಡು. ⁴⁵ ಅಮಂಕ ವಾಳು ಶಾಸ್ತ್ರವಚನಾಲ್ನಿ ತಿಚ್ಗನಟ್ಟ ಆತುಡು ವಾಳ ಬುದ್ದಿನಿ ತೀಸಿ ವಾಳ್ಗಿ ⁴⁶ ಕ್ರೀಸ್ತುಡು ಶ್ರಮೆಪಡಿ ಸಚ್ಚಿ ಮೂಡ್ನೆ ದಿನಂಲಾ ಜೀವಿತಾಡೈ ಲೇಸಿವಚ್ಚವಾಡೈ ⁴⁷ ಪಾಪಪರಿಹಾರಾನ್ಗೋಸ್ಕರಂ ದೇವುಡ ಕಡ್ಗಿ ತಿರ್ರಿಕವಾಲನ ಮಾಟ ಯೆರುಸಲೆಮು ಮೊದ್ಲುಗನಿ ಸಮಸ್ತ ದೇಶಮೊಲ್ಗು ಆತುಡ ಪೆರ್ಲಾ ಸಾರಲ್ಪಡ್ತಾದನಿಯು ರಾಸಿಂದಿ. ⁴⁸ ಇವ್ಟಲ ವಿಷಯಂಲಾ ಮೀಳೇ ಸಾಕ್ಷಿ ಸೋಪ್ಪವಾಲೈನಾಳು. ಇನೋ ನಾ ತಂಡ್ರಿಯ ವಾಗ್ಧನಂ ಸೇಸಿನ್ದಾನಿ ಮೀಕಿ ⁴⁹ ಅಮ್ಪಪಿಚ್ಚಿಸ್ತಾನು.ದೇವುಡು ಪೈನಲೋಕಂನಿಂಕ ಮೀಕಿ ಶಕ್ತಿನಿ ಹೊದಿಚ್ಚ ತನಕ ಈ ಪಟ್ಟಣoಲಾನೇ ಕಾಸ್ಗಾಉಂಡoಡ್ಡಿ ಅನಿ ಸೋಪ್ನಾಡು. ⁵⁰ ಮಲಿ ಆತುಡು ವಾಲ್ನಿ ಬೆಥಾನ್ಯಂನ ತನಕ ಪಿಲ್ಚಗಾನಿ ಪಾಯಿ ತನ್ನ ಸೈಲ್ನಿ ಎತ್ತಿ ವಾಲ್ನಿ ಆಶೀರ್ವದಿಚ್ಚಾಡು. ⁵¹ ಆಶಿರ್ವದಿಚ್ಚಪ್ದು ಆತುಡು ವಾಲ್ನಿ ಉಡ್ಸಿ ರಲೋಕಂಗಿ ಒಯ್ಯಲ್ಪದ್ನಾಡು ⁵² ವಾಳು ಆತುಡ್ನಿ ಅರಾಧಿಚ್ಚಿ ಬಹು ಸಂತೋಷಮ್ನಿಂಕ ⁵³ ಯೇರುಸಲೆಮ್ಗಿ ಯನ್ಕಿತಿರ್ಗಿ ಪಾಯಿ ಯಪ್ದು ದೇವಾಲಯಂಲಾ ಕೊಂಡಾಡ್ತಾವುಂಡ್ರಿ.