Chapter 12
1
ಇಂತಿಟ್ಲಾ ಸಾವಿರಾರು ಜನಲು ಒಕ್ಕಲೊಕ್ಕಲ್ನಿ ತೊಕ್ಕಾoತ ಕೂಡಿವಚ್ಚುoಡಲಾಗ ಆತುಡು ಮೊದ್ಲು ತನ್ನ ಶಿಷ್ಯಲ್ಗಿ ಸೋಪ್ಪೆದಾನ್ಗಿ ತೋದ್ಗಿoದೇಮoಟ್ಟೆ -ಫರಿಸಾಯಲ ಕಪಟಮನ ಪುಲ್ಪುಪಿಂಡಿಯ ವಿಷಯಂಲಾ ಜಾಗರೂಕಾರ್ಲ್ಲುಆಯ್ಡoಡ್ಡಿ.
2
.ಮರೆಅಯಂಡ ಯವ್ಡಿ ವ್ಯಕ್ತಂಕಾಕುಂಡ ಉಂಡೆಲೇದು;ಹೊರಪೊಡಗುಂಡ ರಹಸ್ಯಮು ಲೇದು.
3
ಇಟ್ಟುಡಗ ಮೀ ಸೀಗ್ಟಿಲಾ ಸೊಪ್ಪಿನಟ್ಟದಿ ಎಲ್ಗಲಾ ಅಡ್ಗೆದೈತಿ;ಮಲಿ ಮೀಳು ಕೊಣಲೋಗ ಸೇವ್ವುಮಾಟ ಆಡಿoದ್ದಿ ಮಾಳಿಗೆಲ ಪೈನ ಸಾರಲೈತಾದಿ.
4
ನಾ ಸ್ನೇಹಿತಲೈನ ಮೀಕಿ ಸೋಪ್ತಾನು-ದೇಹಾoನ್ನಿ ಸಂಪ್ಪಿ ದಾನ್ಗಿಂತ ಹೆಚ್ಚಿನದೇಮೋ ಸೈಗುನ್ನವಾಳ್ಗಿ ದಡ್ಸಗವದ್ದoಡಿ.
5
ಮೀಳು ಯವ್ಲ್ಗು ದಡ್ಸಗ್ಗವಲ್ನೋ ಮೀಕಿ ತಿಲ್ಬಿಸ್ತಾನು;ಸಂಪ್ಪಿನ ಪೈನ ನರಕಂಲೋಕಿ ಎಶ ಅಧಿಕಾರಂವುಳ್ಳವಾಡ್ಗಿ ದಡ್ಸಗ್ಗವಾಲ್ನೋ;ಹೌನು,ಅತುಡ್ಗಿ ದಡ್ಸಗವಾಲನಿ ಮೀಕಿ ಸೋಪ್ತಾನು.
6
ಗುಬ್ಬಿಲ್ನಿ ರೊಂಡು ದುಡ್ಗಿ ಅಮ್ತಾಳುಕದ?ಆದಾಗ್ಯೂ ಅವುಟಲಾ ಒಕ್ಕಟದ್ರು ದೇವುಡಗಿ ಮರ್ಸಿಪಾಯೇಲೇದು.
7
ಮೀ ತಲಯೆಂಟಗುಲು ಸಹ ಅನ್ನಿವಿ ಲೆಕ್ಕೈನಾವಿ.ದಡ್ಸಗವದ್ದಂಡ್ಡಿ;ಬಹಳ ಗುಬ್ಬಿಲ್ಗಿoತ ಮೀಳು ಹೆಚ್ಚಿನವಾಳು.
8
ನಾನು ಮೀಕಿ ಸೋಪ್ತಾನು.ಯವ್ವಡು ಮನುಷ್ಯಡ ಮುಂದ್ರ ತಾನು ಯೇಸುವಾಡುಅನಿ ಒಪ್ಗಂಟಾಡೋಮನುಷ್ಯಕುಮಾರುಡು ಸಹ ವಾಡ್ನಿ ದೇವದೂತಲ ಮುಂದ್ರ ತನ್ನವಾಡನಿ ಒಪ್ಗoಟಾಡು.
9
ಯಾವ್ದೊ ಮನುಷ್ಯಲಮುಂದ್ರ ತಾನು ಯೇಸುವಾಡುಕಾದುಅನಿ ಸೋಪ್ತಾಡೋ ವಾಡ್ಗು ನಾನು ದೇವದೂತಲ ಮುಂದ್ರ ನಾವೋಡುಕಾದುಅನಿ ಸೋಪ್ತಾನು.
10
ಪೈನ ಎಮೈನಮಾಟಾಡ ಪ್ರತಿಒಕ್ಕಡ್ಗು ಕ್ಷಮಾಪಣೆಅಯ್ತಾದಿ;ಆಯ್ತೆ ಪವಿತ್ರಾತ್ಮಡ್ನೀ ದೂಸಿಚ್ಚಿನವಾಡ್ಗಿ ಕ್ಷಮಾಪಣೆಲೇದು.
11
ವಾಳು ಮಿಮ್ಮಲ್ನಿ ಸಭಾಮಂದಿರಲ್ಲ ಅಧ್ಯಕ್ಷಲ ಮುಂದ್ರುಗು ಅಧಿಕಾರಿಲ ಮುಂದ್ರುಗು ಅಧಿಪತಿಲ ಮುಂದ್ರರ್ಗು ಪೊಟ್ಗನುoಡ್ಡಿಪಾಯಪ್ದು ಎಟ್ಟ ಉತ್ತರಂಇಯ್ಯಾಲ?ಏಮಿ ಉತ್ತರಂಇಯ್ಯಾಲ ?ಏಮಿ ಸೋಪ್ಪಾಲ ಅನಿ ಚಿಂತಸೇಯ್ಯಾದಂಡ್ಡಿ.
12
ಮೀಳು ಸೋಪ್ಪೆದಾನ್ನಿ ಪವಿತ್ರಾತ್ಮುಡು ಆ ಗಳಿಗೆಲಾನೆ ಮೀಕಿ ನೆರ್ಪಿಸ್ತಾಡು ಅನ್ನಾಡು.
13
ಅಪ್ಡು ಜನಲೋಗ ಒಕ್ಕಡು-ಬೋಧಕುಡೆ,ತಂಡ್ರಿಯ ಆಸ್ತಿನ್ನಿ ನಾಕಿ ಪಾಲುಸೇಸಿ ಇಚ್ಚಟ್ಲಾ ನಾ ಅನ್ನಗಿ ಸೊಪ್ಪು ಅನಿ ಆತುಡ್ನಿ ಅಡಿಕ್ಕನ್ನಾಲು
14
ಆತುಡು-ಎಲಾ ಮಂಷೆ,ನನ್ನಿ ನೀಕಿ ನ್ಯಾಯಾಧಿಪತಿಯಾಯಿ ಅಥ್ವ ಪಾಲುಸೇಸೆವಾಡೈ ನೆಮಿಚ್ಚಿನವಾಳುಯವ್ಳು ಅನಿ ವಾಡ್ನಿ ಅಡ್ಗಿ
15
ಜನಾಲ್ಗಿ-ಅಂತಾ ಲೋಭಂಗು ಎಚ್ಚರಂಗಉಂಡಿ ಮಿಮ್ಮಲ್ನಿ ಕಾಪಾದ್ಗಂಡ್ಡಿ.ಒಕ್ಕಡ್ಗಿ ಎಂತೋ ಆಸ್ತಿ ಉನ್ನಾನು ಆದಿವಾಡ್ಗಿ ಜೀವಂಆಧಾರಂ ಆಯೇಲೇದು ಅನಿ ಸೊಪ್ಪಿ ಒಕ್ಕ ಸಾಮ್ಯಮ್ನಿ ಸೋಪ್ನಾಡು;
16
ಅದೇಮoಟ್ಟೆ ಒಕ್ಕಡೋಕ್ಕಡು ಐಶ್ವರ್ಯವoತುಡ ಭೂಮಿ ಬಾಗ ಬೆಳ್ಸಿoದ್ದಿ.
17
ವಾಡು ತನ್ಲೋಗ ನಾನೇಮಿಸೇತ್ನು?ನಾ ಬೆಳೆನಿ ನಿಂಪ್ಪಿಪೆಟ್ಟೆದಾನ್ಗಿ ನಾಕಿ ಸ್ಥಳಂಲೇದುಕದ ಅನಿ ಆಲೋಚ್ಚಿಚ್ಚಿ ಒಕ್ಕ ಕೆಲಸಂ ಸೇಸ್ತಾನು;
18
ಕಣಜಲ್ನಿ ಪಿರ್ಕಿಚ್ಚಿ ಅವುಟ್ಲಗಿಂತ ಪೆದ್ದ ಕಣಜಲ್ನಿ ಕಟ್ಟಿಸ್ತಾನು.
19
ನಾ ಅಂತಾ ದವಸಧಾನ್ಯಲ್ನಿ ಸರಕುಲ್ನಿ ನಿಮ್ಪಿಚ್ಚಿ ನಾ ಜೀವಾತ್ಮನ್ಗಿ ಜೀಮೆ,ಅನೇಕ ವರ್ಷಲ್ನಿಂಕ ಬೆಕೈನಂತ ಸರಕುನೀಕಿ ಪೋದ್ದಿಂಡಿ;ವಿಶ್ರಮಿಚ್ಚ್ಕೋ,ಊಟಂಸೇಯ್ಯಿ,ತಾಗು,ಸುಖಂಪೋಡು ಅನಿ ಸೋಪ್ತಾನು ಅನ್ಗಾನ್ನಾಡು.
20
ಆಯ್ತೆ ದೇವುಡುವಾಡ್ಗಿ -ಬುದ್ದಿಹೀನುಡು ನುವ್ವ!ಈ ಪದ್ದು ರಾತ್ರಿ ನೀ ಪ್ರಾಣಂನ್ನಿ ನೀ ಕಡೆನಿಂಕ ಅಡ್ಗತಾಳು;ಅಪ್ಡು ನುವ್ವ ಸಿದ್ದಂಸೇಸ್ಪೆಟ್ಟಿoದ್ದಿ ಯವ್ವಲಿಗೈತಿ ಅನಿ ಸೋಪ್ನಾಡು.
21
ತಂಗೊಸ್ಕರಂ ದ್ರವ್ಯoನ್ನಿಪೆಟ್ಟಿಗನಿ ದೇವುಡ ವಿಷಯಂಲಾ ಐಶ್ವರ್ಯಾವಂತುಡುಕಾಗುಂಡ ಉಂಡಾವಾಡು ವಾಡಟ್ಟೆ ಉಂಡಾಡು ಅನ್ನಾಡು.
22
ಇದೆಕಾಗುನ್ನ ಆತುಡು ತನ್ನ ಶಿಷ್ಯಲ್ಗಿ ಸೋಪ್ಪಿಂದೆಮಂಟೆ-ಈ ಕಾರಣಂನಿಂಕ ಪ್ರಾಣಧಾರಣೆಗಿ ಏಮಿ ಊಟಂಸೇಯ್ಯಲ?ದೇಹರಕ್ಷಣಾಗಿ ಏಮಿ ಹೊದ್ಗವಲ ಅನಿ ಚಿಂತಸೇಯ್ಯದoಡ್ಡಿ ಅನ್ನಟೈ ಮೀಕಿ ಸೋಪ್ತಾನು.
23
ಊಟoಗಿಂತ ಪ್ರಾಣಮು ಉಡ್ಪುಗಿಂತ ದೇಹಮು ಪೈನೈದಂತ.
24
ಕಾಗಲ್ನಿ ಲಕ್ಷ್ಯಪೆಟ್ಟಿ ಯೋಚ್ಚಿಚ್ಚಂಡಿ;ಅವಿ ಬಿತ್ತೆಲೇದು,ಕೊಸೇಲೆದು,ಅವುಟ್ಲಿಗಿ
25
ಉಗ್ರಾಣಲುಲೇದು,ಕಣಜಮು ಲೇದು,ಅದಾಗ್ಯೂ ದೇವುಡು ಅವುಟ್ಲಿನೀ ಸಾಕಿಸಲಹುತ್ತಾಡು.ಹಾಕಿಲ್ಗಿಂತ ಮೀಳು ಎಂತೋ ಹೆಚ್ಚಿನವಾಳುಕಾದೆ. .ಚಿಂತಸೇಯ್ಯದಂಡ್ಡಿ ಒಕ್ಕ ಮೊಳ ಪೋಡ್ಗು ಬೆಳ್ಸಾದಿ ಮಿಲಾ ಯವ್ವಲ್ನಿoಕ್ಕೈoದ್ದಿ?
26
ದಾನ್ನಿಂಕ ಕೇವಲ ಅಲ್ಪoಮೈನದ್ದಾನಾದ್ರೂ ಸೇಸೆದಂಗಿ ಮೀಳು ಆಶಕ್ತಲೈoಟ್ಟೆ ಮಿಕ್ಕಂವಾಳ ವಿಷಯಂಲಾ ಚಿಂತೆಸೇಸೆದೆoದ್ಗು?
27
ಪುವ್ವುಲು ಪೆರ್ಗ ರೀತಿನ್ನಿ ಲಕ್ಷ್ಯಪೆಟ್ಟಿ ಯೋಚಿಚ್ಚಂಡಿ;ಅವು ದುಡ್ಸೆಲೆದು,ನೂಲೆಲೆದು;ಆಯ್ನು ಆ ಪುವ್ವುಲೊಗ ಒಕ್ಕಟಿಕ್ಕುನ್ನಂತ ಅಲಂಕಾರಮು ಅರಸುಡೈನ ಸೋಲೋಮೊನುಡ್ಗಿ ಸಹ ವಾಡು ತನ್ನ ಸಕಲ ವೈಭವಂನಿನ್ಕುನ್ನಪ್ದು ಉಂಡ್ಲೇದುಅನಿ ಮೀಕಿ ಸೋಪ್ತಾನು.
28
ಅಲ್ಪವಿಶ್ವಾಸಿಯೇ,ಈ ಪದ್ದು ಉಂಡಿ ರೇಪು ಒಲೆಯ ಪಾಲೈನ ಅಡವಿಯ ಕಸುಗಿ ದೇವುಡು ಇಟ್ಟೆ ಉಡ್ಬಿಸ್ತೆ ದಾನ್ಗಿಂತ ಎಂತೋ ಹೆಚ್ಚಂಗ ಮೀಕಿ ಉಡ್ಬಿಚ್ಚಿ ತೋಡಗ್ಬಿಸ್ತಾಮು.
29
ಏಮಿ ಊಟಂಸೇಯ್ಯಲ?ಏಮಿ ತಾಗಲ ಅನಿ ತವಕಪಡದಂಡ್ಡಿ ಮಲಿ ಅನುಮಾನಂ ಪಡದ್ದoಡ್ಡಿ.
30
ಪೈನಾ ಇಹಲೋಕಂನ ಜನಾಲು ತವಕಪಡ್ತಾರು;ಇವಿ ಮೀಕಿ ಅವಶ್ಯಮನಿ ಮೀ ತಂಡ್ರಿಗಿ ತಿಳ್ಸಿoದ್ದಿ.
31
ಮಿಳಾದ್ರು ದೇವುಡ ರಾಜ್ಯಗೈಯಿ ತವಕಪಡಂಡ್ಡಿ;ದೀನ ಕೂಡ ಅವಿ ಮೀಕಿ ದೊರಕ್ತಾವಿ.
32
ಹಿಂಡೇ,ದಡದ್ದು;ಆ ರಾಜ್ಯಮ್ನಿ ಮೀಕಿ ದಯಪಾಲಿಚ್ಚದಾನ್ಗಿ ಮೀ ತಂಡ್ರಿಯು ಸಂತೋಷಂಉಳ್ಳವಾಡೈನಾಡು.
33
ಮೀಕುಂಡದಾನ್ನಿ ಅಮ್ಮುಡ್ಸಿದಾನಂಇಯ್ಯಂಡಿ;ಪಾತವಿದೈನಟ್ಟ ಹಮ್ಮಿಣಿಲ್ನಿ ಸೇಸ್ಗನಿ ಪರಲೋಕಂಲ ಲಯಂಕಾಗುನ್ನ ದ್ರವ್ಯಮ್ನಿ ಪೆಟ್ಗoಡ್ಡಿ.ಅನಾ ದೊoಗುಡು ಸಮೀಪನ್ಗಿ ವಚ್ಚೆಲೇದು;ಆದಿ ನುಸಿಪೊಟ್ಟಿ ನಾಶಂಆಯೇಟ್ಲೇದು.
34
ಮೀ ಗoಟ್ಟು ಉನ್ನದಾoಟ್ಲಾನೆ ಮೀ ಮಂಸು ಉಂಟಾದಂತೆ.
35
ಮೀ ನಡುಲು ಕಟ್ಟುಡ್ನೀ;ಮೀ ದೀವಟಿಕೆಲು ಮಂಡ್ತಾಉನ್ನಿ.
36
ಮೀಳಂತು ತಮ್ಮ ಯಜಮಾನುಡು ವಚ್ಚಿ ಕಟ್ಟಿನ ಕೂಡ್ಲೇ ಕದಂನಿ ತಿಸೇದಾಂಗಿ ಸಿದ್ದಂಆಯ್ನಾದಿ ಪೆಂಡ್ಲಿ ಊಟಮ್ನಿ ಯಪ್ಡು ತಿರ್ಪಾಗನಿ ವಸ್ತಾಡೋ ಅನಿ ವಾಡ್ನಿ ಎದುರುಸೂಸ್ತಾವಚ್ಚಿ ಮನುಷ್ಯಲಕುಂಡoಡ್ಡಿ.
37
ಯಜಮಾನುಡು ವಚ್ಚಿ ಯಾವ ಯಾವ ಮನುಷುಲು ಎಚ್ಚರಂಗಉಂಡದಾನ್ನಿ ಕನ್ಗಂಟಾಡೋ ಆ ಮಂಶ್ಲೇ ಧನ್ಯಲು.ಅತುಡೆ ನಡುಕಟ್ಗಾನಿ ವಾಲ್ನಿ ಊಟನ್ಗಿ ಕುಚ್ಪೆಟ್ಟಿ ದೇಗ್ಗರ್ಗಿ ವಚ್ಚಿ ವಾಳ್ಗಿ ಸೇವೆಸೇಸ್ತಾಡು ಅನಿ ಮೀಕಿನ್ ಸತ್ಯಂಗ ಸೋಪ್ತಾನು.
38
ರೊಂಡನೆ ಜಾವಂಲಾಕಾನಿ ಮೂಡನೆ ಜಾವಂಲಾಕಾನಿ ವಚ್ಚಿನಾತುಡ್ಗಿ ಅಟ್ಟೆ ಕಂಬಿಚ್ಗನವಾಳು ಧನ್ಯಾಲು.
39
ದೊಂಗಡು ವಚ್ಚ ಗಳಿಗೆಲಾ ಇಂಟಯಜಮಾನುಡ್ಗಿ ತಿಳ್ಸುoಟ್ಟೆ ವಾಡು ಎಚ್ಚರಂಗಉಂಡಿ ತನ್ನ ಇಂಟ್ಗಿ ಕನ್ನಂಎಸಗೋಡ್ಸತಾಉಂಡ್ಲೇದು ತಿಳ್ಸಗ್ಗoಡ್ಡಿ.
40
ಮೀಳು ಸಹ ಸಿದ್ದಂಗಉಂಡಂಡ್ಡಿ.ಮೀಳು ನೆನ್ಗುನ್ನ ಗಳಿಗೆಲಾಮನುಷ್ಯಕುಮಾರುಡು ವಸ್ತಾಡು ಅನ್ನಾಡು.
41
ಅಪ್ಡು ಪೇತ್ರುಡು -ಸ್ವಾಮಿ,ನುವ್ವ ಈ ಸಾಮ್ಯಮ್ನಿ ಮಾಕಿ ಮಾತ್ರ ಸೋಪ್ತಾವೋ/ಅಂದ್ರೂಗು ಸೋಪ್ತಾವೋ ಅನಿ ಅಡ್ಗಲು
42
ಸ್ವಾಮಿ ಸೋಪ್ಪಿಂದೆಮoಟ್ಟೆ -ಪದ್ಪದ್ಗಿ ಆಶನಾನ್ಗಿ ಕಾಪೈಯ್ಯೇದಾನ್ನಿ ಅಳಸಿ ಇಚ್ಛೆದಾನ್ಗೈ ಯಜಮಾನುಡು ತನ್ನ ಇಂಟ್ವಾಳ ಪೈನ ನೆಮಿಚ್ಚಿನ ನಂಬಿಗಸ್ತುಡು ವಿವೇಕಿಯು ಆಯ್ನಾoಡ ಇಂಟ್ವಾರ್ತೆವಾಡು ಯವ್ದು?
43
ಯಜಮಾನುಡು ವಚ್ಚಿ ಯಾವ ಮನ್ಸಿ ಇಟ್ಟೆ ಸೇಸೆದಾನ್ನಿ ಸೂಸ್ತಾಡೋ ಆ ಮನ್ಸಿ ಧನ್ಯಡು.
44
ಅಟ್ಟವಾಡ್ನೀ ವಾಡು ತನ್ನ ಅಂತ ಆಸ್ತಿಪೈನ ನೇಮಿಚ್ಚಾಡು ಅನಿ ಮೀಕಿ ಸತ್ಯಂಗ ಸೋಪ್ತಾನು
45
ಆಯ್ತೆ ಆ ಮನ್ಸಿ-ನಾ ಯಜಮಾನುಡು ವಚ್ಚೆಕಿ ತಡಸೇಸ್ತಾಡು ಅನಿ ತನ್ನ ಮನಸ್ಲಾ ಅನ್ಗಾನಿ ಮಾಗೋಳು ಆಡೋಳುಲ್ನಿ ಕೊಟ್ಟೆದಾನ್ಗು ತಿನಿತಾಗಿ ಅಮಲೇರಾದಾನ್ಗಿ ತೊಡ್ಗುoಟ್ಟೆ
46
ವಾಡು ನೆನಸ್ಗುನ್ನ ದಿನoಲಾನು ತಿಲ್ಗುನ್ನ ಗಳಿಗೆಲಾನು ಆ ಮನ್ಸಿಗಿ ಯಜಮಾನುಡು ವಚ್ಚಿ ವಾಡ್ನಿ ಕಠಿಣoಗ್ಗ ಕೊಟ್ಬಿಚ್ಚಿ ಅಪನಂಬಿಗಸ್ತುಲ್ಗಿ ಆಯತಕ್ಕ ಗತಿನ್ನಿ ವಾಡ್ಗಿ ನೇಮಿಸ್ತಾನು.
47
ತನ್ನ ಯಜಮಾನುಡ ಚಿತ್ತಂನ್ನಿ ತಿಳ್ಸ ಆಳು ಸಿದ್ದಂ ಸೇಯ್ಗುಂಡಬಾತೆ ಅಥ್ವ ವಾಡ ಚಿತ್ತಕ್ಕನುಸಾರಂಗ್ಗ ನಡ್ಗಬಾತೆ ವಾಡು ಬಹಳ ಪೆಟ್ಟು ತಿಂಟಾಡು.
48
ತಿಲ್ಗುನ್ನ ಪೆಟ್ಗಿಲ್ಗಿ ಯೋಗ್ಯಮೈoದ್ದಾನ್ನಿ ನಡ್ಪಿಚ್ಚಿನವಾಡು ಕೊಂಚಂ ಪೆಟ್ಟು ತಿಂಟಾಡು.ಯವ್ವಡ್ಗಿ ಬಹಳಂಗ ಇಚ್ಚಿಂದೋ ವಾಡ ಕಡನಿಂಕ ಬಹಳಂಗ್ಗ ನೀರೀಕ್ಷಿಚ್ಚಲ್ಪಡ್ತಾದಿ;ಇದೇಕಾದನಿ ಯವ್ಡ ವಶಾಂಗಿ ಬಹಳಂಗ ಒಪ್ಪಿಚ್ಚಿಂದೋ ವಾಡ ಕಡನ್ನಿಂಕ ಇಂಕಾ ಹೆಚ್ಚಂಗ ಅಡ್ಗನ್ನಾಳು.
49
ನೀನು ಅಗ್ಗಿನಿ ಭೂಮಿಪೈನಾ ಯೆಯ್ಯಾಲಅನಿ ವಚ್ಚೆನು;ಆದಿ ಇಂತಲೋಗ ಎಕ್ಕನ್ನುಟ್ಟೆ ನಾಕಿ ಎಂತೋ ಸಂತೋಷಂ!
50
ನೀನು ಹೊಂದ್ದತಕ್ಕ ದೀಕ್ಷಾಸ್ನಾಮು ಒಕ್ಟಿಉಂಟು.ಆದಿನೆರ್ವೇರ ತನ್ಕ ನೀನು ಎಂತೋ ಬಿಕ್ಕಟ್ಲಾಉನ್ನಾನು.
51
ಭೂಲೋಕಂಲಾ ಸಮಾಧಾನoನ್ನಿ ಉಂಟ್ಟುಸೇಸೆದಂಗಿ ವಚ್ನಾನನಿ ಭಾವಿಸ್ತಾಳೋ? ದಾನ್ಗಿ ರಾಲೇದು,ಭೆದಂನ್ನಿಉಂಟುಸೇಸೆದಂಗಿ ವಚ್ಚಿನಾನನಿ ಮೀಕಿ ಸೋಪ್ತಾನು.
52
ಎಟ್ಟoಟ್ಟೆ-ಇಂಕ್ನಿಂಕ ಒಕ್ಕೆ ಇಂಟ್ಲಾಉಂಡ್ನಾ ಐದು ಮಂದಿಲೋಗ ಇದ್ದರ್ಗಿ ವಿರೋಧಮೈ ಮೂಡ್ಮೂಡೋಲ್ಗಿ ವಿರೋಧಂಗ ಇದ್ದರು,ಈ ಮೇರೆಗಿ ಭೇದಉಳ್ಳವಾಲೈನಾಳು.
53
ಕೊಡ್ಕಿ ವಿರೋಧಂಗ್ಗ ತಂಡ್ರಿಯು,ತಂಡ್ರಿಗಿ ವಿರೋಧಂಗ ಕೊಡ್ಕು,ಬಿಡ್ಗಿ ವಿರೋಧoಗ್ಗ ತಲ್ಲಿಯು,ತಲ್ಲಿಗಿ ವಿರೋಧಂಗ ಬಿಡ್ದ, ಕೊಡಾಲ್ಗಿ ವಿರೋಧoಗ್ಗ ಅತ್ತ,ಅತ್ತಗಿ ವಿರೋಧಂಗ ಕೊಡಾಲು ಭೇದಉಳ್ಳವಾಲೈನಾಳು ಅನ್ನಾಡು.
54
ಆತುಡು ಜನಾಲ್ಗoದ್ರೂಗು ಸೋಪ್ಪಿಂದೆಮಂಟ್ಟೆ ಪಶ್ಚಿಮದಿಕ್ಲಾ ಮೋಡಂ ಲೇಸೆದಾನ್ನಿ ಮೀಳು ಸೊಸ್ನಕೂಡ್ಲೇ ವಾನ ವಸ್ತಾದಿ ಅನ್ಟಾರು;ಅಟ್ಟೆ ಅಯ್ತಾದಿ.
55
ಗಾಲಿ ಇಸ್ರೇಲಾಯಿ ಸೆಕ ಪುಟ್ತಾದಿ ಅನ್ಟಾರು;ಅದೂ ಅಯ್ತಾದಿ.
56
ಮೀಳು,ಭೂಮ್ಯಾಕಾಶಲ ಭಾವಂನ್ನಿ ಶೋದಿಚ್ಚೆದಾನ್ಗಿ ಮೀಕಿ ಗೊತ್ತುoಡ್ಡಲಾಗ ಈ ಸಮಯಂಲಾ ಶೋಧಿಚ್ಚೆದಾನ್ಗಿ ಮೀಕಿ ಎಂದ್ಗೂ ಗೊತ್ಲೇ?
57
ಇಂತೆಕಾದನಿ ಇಟ್ಟಿಟ್ಟದಿ ನ್ಯಾಯಮೈನಾದನಿ ಮೀಳೇ ಎಂದ್ಗೋ ತೀರ್ಮಾನಂಸೇಸ್ಗನ್ನಲೇದು?
58
ನುವ್ವ ವಾದಿಯ ಜೊತ್ಲಾ ನ್ಯಾಯಾಧಿಪತಿಯ ಮುಂದ್ರುಗು ಪಾತಉನ್ನಪ್ದು ದಾವ್ಲಾನೆ ತಂಟ್ಟೆಹರಿಚ್ಗಾನ್ನಕ್ಕಿ ಪ್ರಯತ್ನಂಸೇಯ್ಯಿ;ಲೇಗಬತೆ ವಾಡು ನಿನ್ನಿ ನ್ಯಾಯಾಧಿಪತಿಲಾ ದೇಗ್ಗರ್ಗಿ ಎಳ್ಸಗಾನಿ ಪೈನಾಡು;ನ್ಯಾಯಾಧಿಪತಿಯು ನಿನ್ನಿ ಸೆರೆಯಜಮಾನುಡ ವಶಾನ್ಗಿ ಒಪ್ಪಿಚ್ಚಾನು;ಸೆರೆಯಜಮಾನುಡು ನಿನ್ನಿ ಸೇರೆಲಾ ಎಷಾಡು.
59
ನುವ್ವ ಒಕ್ಕ ಕಾಸ್ನಿನೈನ ನಿಲ್ಪಗುಂಡ ಅಂತಾ ಸಲ್ಲಿಸ್ಸುವಾ ತನ್ಕ ಆನ್ನಿಂಕ ವಚ್ಚೆದೆ ಲೇದನಿ ನೀಕಿ ಸೋಪ್ತಾನು ಅನ್ನಾಡು.