¹ ಥಿಯೋಫಿಲದೇ, ಮನ್ದೇಗ್ರಾ ನಿಶ್ಚಾಯಂಗ ವಚ್ಚಿನ ಕರ್ಯಾಮಲನ್ನಿ ಮೊದ್ಲಿಂಕ ಕಣ್ಣಾರೆ ಸೂಸಿ ಸುವಾರ್ತ ವಾಕ್ಯಮ್ನಿ ಸಾರ್ತಾವುಂಡ್ಲಿ ² ಮಾಕಿ ತಿಲ್ಬಿಚ್ಚಿನ್ನ ಪ್ರಕಾರಂ ಆ ಕಾರ್ಯಾಲನ್ನಿ ಚರಿತ್ರ ರೂಪಮೈ ರಾಸದಾನ್ಗಿ ಅನೇಕ್ಲು ಪ್ರಯತ್ನ ಸೇಸ್ನೋಳಯಿ ³ ಬುಡ್ಮ್ನಿಂಕ ಅಂತದಾನ್ನಿ ಬಾಗ ವಿಚಾರಂಸೇಸ್ನೋಡೈನ ಕಾರಣಂ ಅವಟ್ನನ್ನಿ ನೀಕು ಕ್ರಮಮೈ ರಾಸೇದಿ ಮಂಚ್ಚಿದಿಅನಿ ನಾಕಿ ಅನ್ಬಿಚ್ಚ . ⁴ ನೀಕಿ ಉಪದೇಸಿಚ್ಚಿನ ವಿಶ್ಯಾಲು ಯಥರ್ತಾಮೈನವನಿ ದೀನಿಂಚ್ಚಿ ನುವ್ವ ಗೊತ್ಸೆಸ್ಕವಚ್ಚು ⁵ ಯೂದಾಯಂನ ಅರಸಡೈನ ಹೆರೋದುಡ ಕಾಲಂಲಾ ಅಬೀಯಡ ವರ್ಗಾಂಗಿ ಸೇರ್ನಾ ಜಕರೀಯಡೈನ ಒಕ್ಕ ಯಜಕಡುoಡ್ಯಾ.ವಾಡ ಪೆಂಡ್ಲಾಮು ಆರೋನುಡ ವಂಶಂದಿ.ದಾನ್ ಪೇರು ಏಲಿಸಬೇತ್ . ⁶ ಆಳಿದ್ರು ದೇವುಡ ಅಂತ ಅಜ್ಞಾಲ್ನಿ ನೇಮ ನಿಸ್ಟಾಲ್ನಿ ಆಳ್ವಡಿಚ್ಗಾನಿ ತಪ್ಲೇಕುಂಡ ನಡಸ್ಕಂಟ ದೇವುಡ ದೃಷ್ಟಿಲ ನೀತಿವಂತಲೈಟಾಳು. ⁷ ಆಯ್ನಾ ಎಲಿಸಬೇತು ಬಂಜೆ ಅಯ್ನಾದನ್ನಿಂಕ ಆಲ್ಗಿ ಬಿಡ್ಲೂ ಉಂಡ್ಲ್ಯ ;ಇಂತಾಕಾಗುನ್ನ ಆಳಿದ್ರು ದಿನಂ ಪೈನೋಲೈoಟಾಳು. ⁸ .ಜಕರೀಯಡ ವರ್ಗಂ ಸರತಿ ವಚ್ಚನಪ್ದು ವಾಡು ದೇವುಡ ಸನ್ನಿದಿಲ ಯಜಕ ಧರ್ಮನ್ನಿ ⁹ ದೇವಾಲಯ ಲೋಕಿಪೈ ದೂಪಂನಿ ಅರ್ಪಿಚ್ಚಾದಿ ಯಾಜಕಲು ಮರ್ಯಾದೆಯ ಪ್ರಕಾರಂ ವಾಡ ಪಾಲ್ಗಿ ವಚ್ಚ . ¹⁰ ದೂಪಂನಿ ಅರ್ಪಿಚ್ಚ ಪದ್ಲಾ ಜನಲ್ ಗುಂಪಂತ ¹¹ ದೇವುಡನಿ ಪ್ರಾರ್ಥಾನಂ ಸೇಸೆಲಾಗ ಕರ್ತಾಡ ದೂತುಡು ದೂಪಂ ಪೀಟo ಕುಡತೊಟ್ಟು ನಿಲ್ಚ್ಕೊಂನೋಡೈ ವಾಳ್ಗಿ ಕಂನ್ಬಿಚ್ಚಗ್ಗಾಡು. ¹² .ಜಕರೀಯಡು ವಾಡ್ನಿ ಸೂಸಿ ತತ್ತರಮೈ ಭಯಂ ಪೊಟ್ನೋದೈತಡು . ¹³ ಆಯ್ತೇ ಆ ದೂತುಡು ವಾಡ್ಗಿ -ಜಕರೀಯ, ಭಯಂ ಪಡದ್ದು ;ನೀ ವಿಜ್ನಾಪಂ ದೇವುಡುಗಿ ಮುಟ್ಟಿoದ್ದಿ ;ನೀ ಪೆನ್ದ್ಲಾಮೈನಾ ಎಲಿಸಬೇತಳು ನೀಕಿ ಒಕ್ಕ ಕೊಡ್ಕನೀ ಕನ್ಟಾದಿ . ¹⁴ ನುವ್ವ ವಾಡ್ಗಿ ಯೋಹಾನ ಅನಿ ಪೇರ್ ಪೆಟ್ಟಾಲಾ.ನೀಕಿ ಸಂತೋಷಂ ಉಲ್ಲಾಸಂ ಉಂಟೈತಾದಿ ;ಮಲಿ ವಾಡು ಪುಟ್ನದ್ಗು ಬಹು ಜನ್ಮು ಸಂತೋಷಂ ಪಡ್ತಾಳು. ¹⁵ ವಾಡು ಕರ್ತುಡ ದೃಷ್ಟಿಲ ಮಹಾಪುರುಶಡೈನ್ಟಾಡು ;ದ್ರಾಕ್ಷಾರಸಂ ಮೈನ ಯಾವ್ ಮದ್ಯಾಮೈನ ತಾಗೆಗುನ್ನವಡೈನಡು ;ವಾಡು ಪುಟ್ನಪಡನಿಂಕ ಪವಿತ್ರಾತ್ಮ ಭರಿತುಡೈನ್ಟಾಡು . ¹⁶ ಇಸ್ರಾಯೇಲ್ಯಳಾ ಅನೇಕಲೂ ವಾಳ ದೆವುಡೈನಾ ಕರ್ತುಡ ಕಡ್ಗಿ ತಿರಗಿಸ್ತಾಡು. ¹⁷ ವಾಡು ವಾಡ ಮುಂದ್ರ ಪೈ ಎಲಿಯಡ ಗುಣಂ ಶಕ್ತಿಲಿಂಕ ಕೂಡಿನವಾಡೈ ತಂಡ್ರಿಲ ಹೃದಯಮನಿ ಪಿಲ್ಗಳ ಕಡ್ಗಿ ಹಟo ಪೊಟ್ನಾವಲ್ನಿ ನಿತ್ಹಿವನ್ತ್ಲಾ ಜ್ಞಾನಂ ಕಡ್ಗಿ ತಿರ್ಗಿಚ್ಚಿ ಸಿದ್ದಮೈನ ಜನಲ್ನಿ ಕರ್ತಡ್ಗಿ ಓದ್ಗಿಸ್ತಾಡು ಅನಿ ಸೋಪ್ನಾಡು. ¹⁸ ಜಕರೀಯಡು ಆ ದೂತುಡ್ಗಿ -ದೀನ್ನಿ ನೀನು ಯಾವ್ದಾನಿಂಕ ತಿಲ್ಚನ್ನು ?ನೀನು ಮುಸ್ಲೋಡು ;ನಾ ಪೆನ್ಡ್ಲಾಮು ದಿನಂ ಪೈಂಡದಿ ಅನ್ನಿ ಸೋಪ್ನಂದ್ಗು ಆ ದೂತುಡು. ¹⁹ ನೀನು ದೇವುಡ ಸನ್ನಿದಿಲ ನಿಲ್ಚಗನ್ನ ಗಬ್ರಿಯೇಲುಡು ;ನೀ ಜೋತ್ಲ ಮಾಟಾಡಿ ಈ ಶುಭ ವರ್ತಾಮನಂನಿ ನೀಕಿ ತಿಲ್ಬಿಚ್ಚದಾಂಗಿ ನೀನು ಅಮ್ಪಿಚ್ಚಿನವಾಡೈನಾಡು . ²⁰ ನಾ ಮಾಟಲು ತಕ್ಕ ಸಮಯಮ್ಲ ನೆರವೇರ್ತಾವಿ ;ಆಯ್ನಾ ನುವ್ವ ಅವಟ್ನೀ ನಮ್ಕುನ್ನ ಪೈನಂದ್ಗು ಅದಂತ ಸಂಭವಿಚ್ಚಿನ ದಿನಂ ತನಕ ಮಟಾಡಗುನ್ನ ಮೂಗೊಡೈನ್ಟಾವು ಅನಿ ವಾಡ್ಗಿ ಉತ್ತರಂಇಚ್ಚಡು. ²¹ ಇಂತಲೋಗ ಜನಲು ಜಕರೀಯಡ್ನಿ ಕಾಸ್ಗಾನಿ ವಾಡು ದೇವಾಲಯಂಲೋಕಿ ತಡಂ ಸೇಸ್ನದ್ಗು ಆಶ್ಚರ್ಯ ಪಟ್ರಿ . ²² ವಾಡು ಇತರ್ಗಿ ವಚ್ನಪ್ದು ವಾಳ ಜೊತ್ಲ ಏಮಿ ಮಾಟ್ಲಾಡ್ಗಿಗುನ್ನ ಉಂಡಿ ವಾಳು -ಊಡ್ಗಿ ದೇವಾಲಯಂಲ ಎಮೋ ದಿವ್ಯದರ್ಶನಂ ಅಯ್ನ್ಟದಿ ಅನಿ ತಿಲಚಂಟಾರು ವಾಡು ವಾಳ್ಗಿ ಸೈಸನ್ನೆ ಸೇಸ್ತಾ ಮೂಗೋಡೈಯೇ ಉಂಟಾಡು . ²³ ವಾಡ ಯಾಜಕಂ ವರ್ಗಂ ದಿನಾಲು ತಿರ್ನನೈನಂಕ ವಾಡು ವಾಡ್ ಇಂಟಕಿ ಪೈಯಡು. ²⁴ ಆ ದಿನಾಲು ಅನಪೈನ ವಾಡ ಪೆoಡ್ಲಾಮೈನ ಎಲಿಸಬೇತಳು ನಿಂಡ್ಮನ್ಸಿ ಆಯಿ ಐದು ನೆಲಲು ಇಂಟಾಲಾನೇ ಮರ್ಯಂಗ ²⁵ ಉಂಡಿ.ಕರ್ತುಡು ಆ ಕಾಲಮ್ಲ ನನ್ನಿ ಪರಾಮರ್ಸಿ ನಾಕಿ ಈ ರೀತಿಯಂಗ ಸೇಸಿ ಜನಮ್ಲಾ ನಕುಂಡ ಅವಮಾನಂನೀ ಪರಿಹರಿಸ್ನಾಡುಕದ ಅಂಟಾವುಂಟದಿ . ²⁶ ಆರನೇ ನೆಲಲ ದೇವುಡು ಗಬ್ರಿಯೇಲಡೈನ ವಾಡ ದೂತುಡು ಗಲಿಲಾಯ ಸೀಮೆಯ ನಜರೇತನ ಊರ್ಗಿ ಒಕ್ಕ ಕನ್ಯಯ ದೆಗ್ಗರ್ಗಿ ಅಂಪಿಚ್ಚಾಡು ; ²⁷ ಕನ್ಯಾ ಪೇರು ಮರಿಯಳು ;ಆದಿ ದವೀದಡ ಇಟಿತನಂನ ಯೋಸೆಫ ಡೈನ ಪುರ್ಸುಡ್ಗಿ ನಿಚ್ಚಿತಾರ್ಥಂ ಐನ್ಟಾದಿ. ²⁸ ಆ ದೂತುಡು ದಾನ್ ದೆಗ್ಗರ್ಗಿ ವಚ್ಚಿ -ದೇವುಡ ದಯಂ ಹೊಂದಿಂದಾನ್ವೆ ,ನೀಕಿ ಶುಭಂ ಕಾನಿ ;ಕರ್ತುಡು ನೀ ಜೊತ್ಲ ಉಂಡಾಡು ಅನ್ನಡು. ²⁹ . ಆದಿ ಆ ಮಾಟ್ಗಿ ತತ್ತರ್ಚಿ -ಇದಿ ಯಟ್ಟ ಆಶಿರ್ವಾದಂ ಅನಿ ಯೋಚನಂ ಸೇಸ್ತಾಉಂಡಲಾಗ . ³⁰ ಆ ದೂತುಡು ದಾನ್ಗಿ ಮರಿಯಳೆ,ದಡ್ಸ್ಗವದ್ದು; ನೀಕಿ ದೇವುಡ ದಯಂ ದೊರಕಿಂದಿ. ³¹ ಇನಾ ,ನುವ್ವ ಗರ್ಬಿಣಿ ಅಯಿ ಒಕ್ಕ ಕೊಡಕ್ನಿ ಕಂನ್ಟಾವು ;ವಾಡ್ಗಿ ಯೇಸು ಅನಿ ಪೇರು ಪೆಟ್ಟಾಲಾ. ³² ಮಹಾಪುರುಶಡೈ ಪರಾತ್ಪರುಡ ಕುಮಾರುಡು ಅನ್ಬಿಚ್ಗಾoಟಾಡು ;ಇದಿಕಾದನಿ ದೇವುಡೈನ ಕರ್ತುಡು ವಾಡ ಮೂಲಂ ಪಿತುಡೈನ ದಾವಿದುಡ ಸಿಂಹಾಸನವನ್ನು ವಾಡ್ಗಿ ಇಸ್ತಾಡು. ³³ ವಾಡು ಯಕೊಬುಡ ವಂಶಾನ್ನಿ ಸದಾಕಲಂ ಅಳ್ತಾಡು .ವಾಡ ರಾಜ್ಯನ್ಗಿ ಅಂತ್ಯಮೆ ಲೇದು ಅನಿ ಸೋಪ್ನಾಡು . ³⁴ .ಮರಿಯಳು ಆ ದುತುಡ್ನಿ -ಇದಿ ಯಟ್ಟಯಾ ?ನೀನು ಪುರುಷಡ್ನೀ ಅರ್ಸಿನ್ದಿಕಾದು ಅನಿ ಸೋಪ್ನದ್ಗು ದೂತುಡು ³⁵ ಪೈನ ಪವಿತ್ರಾತ್ಮ ವಸ್ತಾದಿ ;ಪರಾತ್ಪರುಡ ಶಕ್ತಿ ನೆಡು ನೀ ಪೈನ ಪೋಡ್ತಾದಿ ;ದಾನಿಂಕ ಪುಟ್ಟಿನ ಆ ಪವಿತ್ರ ಶಿಶು ದೇವುಡ ಕೊಡ್ಕು ಅನ್ಬಿಚ್ಚ್ಗಂಟಾಡು. ³⁶ ಮಲಿ ನೀ ಬಂಧುವೈನ ಎಲಿಸಬೇತಾಳು ಉಂಡ ದಿಕದ ,ಆದಿ ಸಹ ಮುಸ್ಲ್ದೈನ್ನುವೆ ಗರ್ಬಿಣಿ ಅಯ್ನದಿಕದ;ದಾನ್ನ ಗರ್ಬಮ್ಲ ಮೊಗಪಿಲ್ಗಾಡು ಉಂಡಾಡು ;ಬಂಜೆ ಅನ್ಬಿಚಗ್ನ್ನ ದಾನ್ಗಿ ಇದೆ ಆರನೇ ನೆಲ . ³⁷ ದೇವುಡನಿಂಕ ವಚ್ಚಿನ ಯಾವ್ ಮಟ್ಲೈನ ನಿಷ್ಪಲo ಅಯ್ತಾಲೇ ಅನ್ನಡು.ಅಪ್ಡು ಮರಿಯಳು - ³⁸ ನೀನು ಕೆರ್ತುಡ ದಾಸಿ ;ನೀ ಮಟ್ಲಂತೆ ನಕಿಕಾನಿ ಅನೆ.ಆ ಮಂಟ್ನೀoಕ ಆ ದೂತುಡು ದಾನ ದೇಗ್ಗರ್ನಿಂಕ ಎಲ್ಲಿ ಪಾಯ. ³⁹ ಆ ಕಲಂಲ ಮರಿಯಳು ಲೇಸಿ ಅವಸರಂನಿಂಕ ಯೆಲ್ಲಿ ⁴⁰ ಯೆಹೂದದಲ್ಲಿರುವ ಒಕ್ಕ ಊರ್ಗಿ ಪೈಯಿ ಜಕರೀಯಡ ಇಲ್ನಿ ಸೇರಿ ಎಲಿಸಬೇತಳ್ಗಿ ವಂದಿಚ್ಚಿಂದಿ. ⁴¹ ಮರಿಯಳ ವಂದನಾನ್ನಿ ಇಂಟಾನೆ ದಾನ ಗರ್ಬಾಂಲ ಉಣ್ಣ ಪಾಪ ಹರಾಡಿಂದಿ. ⁴² ಮಲಿ ಎಲಿಸಬೇತಳು ಪವಿತ್ರಾತ್ಮ ಭರಿತಲೈ ಮಹಾದ್ವಾನಿನಿಂಕ ಕೂಸಿ -ನುವ್ವ ಸ್ತ್ರೀಲೊಗ ಆಶಿರ್ವಾದಂ ಹೊಂದಿಂದಾನ್ವಿ ಮಲಿ ನೀಲಾ ಪುಟ್ಟ ಪಾಪು ಆಶಿರ್ವಾದಂ ಹೊಂದಿದ್ದಿ. ⁴³ ನಾ ಸ್ವಾಮಿಯ ತಲ್ಲಿ ನಾ ದೇಗ್ಗರ್ಗಿ ವಚ್ಚಂತ ಭಾಗ್ಯಂ ನಾಕಿ ಯನಿಂಕೈದಿ? ⁴⁴ ನೀ ವಂದನಾಮು ನಾ ಸೇವ್ವುಗಿ ಪೊಡಿತಾವುನ್ನಟಲೆ ಪಾಪು ನಾ ಗರ್ಭಂಮ್ಲ ಉಲ್ಲಾಸಂನಿಂಕ ಹಾರಾಡ್ಯ. ⁴⁵ ನುವ್ವ ಧನ್ಯತೆ ;ಕರ್ತುಡು ನೀಕಿ ಸೊಪ್ಪಿನ ಮಾಟಲು ನೆರವೇರ್ತಾವಿ ಅನಿಂದಿ. ⁴⁶ ಅಪ್ಡು ಮರಿಯಳು ಸೊಪ್ಪಿoದಿ ಯೆಮಂಟೆ -ನಾ ಪ್ರಾಣಂ ಕರ್ತುಡು ಕೊಂಡಾಡತವಿ. ⁴⁷ ನಾ ಅತ್ಮಮು ನಾ ರಕ್ಷಕುಡೈನ ದೇವುಡ ವಿಷ್ಯಮ್ಲ ಉಲ್ಲಸಂ ಪಡಿಂದಿ. ⁴⁸ ವಾಡು ವಾಡ ದಾಸಿಯ ದೀನಸ್ಥಿಯ ಪೈನ ಲಕ್ಷ್ಯಂ ಪೆಟ್ಟಾಡು. ಇನಾ ,ಇಕ್ಕಡ್ನಿಂಕ ತಲತಲಾಂತವಳದ್ರು ನನ್ನಿ ಧನ್ಯಳುಅನಿ ಹೊಗಳ್ತಾಲು. ⁴⁹ ಶಕ್ತುಡೈನ ನಾಕಿ ಪೆದ್ದ ಉಪಕಾರಂ ನೀ ಸೇಸ್ನಾಡು ;ವಾಡ ನಾಮಾಂ ಪರಿಶುದ್ದ ಮೈಂದಿ . ⁵⁰ ವಾಡ್ಲ್ ಭಯಂಭಕ್ತಿ ಉನ್ನವಲೈನ ಪೈನ ವಾಡ ದಯಂ ತಲತಲಾಂತರವರ್ಗು ಉಂಟಾದಿ . ⁵¹ ವಾಡ ಭುಜ ಪರಾಕ್ರಮನಿ ಸೂಪಿ ಸೊಕ್ಕು ಮನ್ಸು ಉಂಡವಾಳನದ್ರುನು ದೂರ್ದೂರ್o ಸೇಸ್ನಾಡು. ⁵² ಪ್ರಭುಲ್ನಿ ಸಿಂಹಾಸನಲಿಂಕ ತಳ್ಳಿ ದೀನಂ ಸ್ಥಿತಿವಾಳ್ನೀ ಉನ್ನತ ಸ್ಥಿತಿಗಿ ತಿಸ್ಗವಚ್ಚಾಡು. ⁵³ ಆಯ್ನ್ಉಂಡಾಲ್ನಿ ಮೃಷ್ಟಾ ನಿಂಕ ತೃಪ್ತಿ ಪಡ್ಬಿಚ್ಚಿ ನೀತಿವತಲ್ನಿ ಬರಿಸೈಲ ಅಮ್ಪಿಚ್ಚೆಸಾಡು. ⁵⁴ ವಾಡು ಮನ ಪೂರ್ವಿಕಲ್ಗಿ ಸೊಪ್ಪಿನ್ದಾನ್ಗಿ ಸರಿಯಾಂಗ ಅಬ್ರಾಹಾಮಡ್ಗು ವಾಡ ವಂಶಂವಾಳ್ಗು ಯಾಪ್ಡು ದಯಂ ⁵⁵ ಸೂಪಿಚ್ಚಾಲನಿ ನೆನ್ಪಿಚ್ಚಗನಿ ವಾಡ ಸೇವಕಡೈನ ಇಸ್ರಾಯೇಲಡ್ನೀ ಸೈ ಪೊಟ್ನಾಡು ಅನಿಂದ್ದಿ. ⁵⁶ ಮರಿಯಳು ಹೆಚ್ಚು ಕಡ್ಮಿ ಮೂಡು ನೆಲಲು ಏಲಿಸಬೇತಳ ದೇಗ್ಗರ ಉಂಡಿ ದಾನ್ ಇಂಟ್ಗಿ ಯನ್ಕಿ ತಿರ್ಗಿ ಪೈಂದಿ. ⁵⁷ ದಿನಂ ನಿಂಡಿ ಮೊಗ ಪಿಲ್ಗಡ್ನಿ ಕಂನಿoದ್ದಿ. ⁵⁸ ಅಕ್ಕಪಕ್ಕವಾಳು ಬಂಧುಬಳಗವಾಳು ದಾನ್ ಪೈನ ಕರ್ತುಡ ವಾಡ ದಯೆಯಾನ್ನಿ ವಿಶೇಷoಗ ಸೂಪಿಚ್ಚಾದನೀ ಇನಿ ದಾನ್ ಜೊತ್ಲ ಸಂತೋಷoಪಡ್ತಾಳು. ⁵⁹ ಎನಂದಿ ದಿನಂಲ ವಾಳು ಆ ಪಾಪುಗಿ ಸುನ್ನತಿ ಸೇಸಾದಾಂನ್ಗೂ ವಚ್ಚಿ ದಾನ್ಗು ಜಕರೀಯಅನಿ ತಂಡ್ರಿ ಪೇರ್ ಪೆಟ್ಟಾಲಂಕನಾರು. ⁶⁰ ವಿಷ್ಯಮ್ಲ ದಾನ್ನ ತಲ್ಲಿ-ಆದಿ ವದ್ದು,ಯೋಹಾನಡನಿ ಪೇರ್ಪೆಟ್ಟಲ ಅನ್ನಂದ್ಗು ವಾಳು ⁶¹ .ನೀ ಬಂಧುಬಾಂದವ್ಲಾ ಈ ಪೇರ್ವಾಳು ಒಕ್ಕಲೈನ ಲೇದುಕದ ಅನಿ ದಾನ್ಗಿ ಸೊಪ್ಪಿ ⁶² ದೀನ್ಗಿ ಏಮಿ ಪೆರುಪೆಟ್ಟಲ ಅನ್ಕಂನವು ತಂಡ್ರಿಗಿ ಸನ್ನೆ ಸೇಸ್ನಾರು. ⁶³ ವಾಡು ಒಕ್ಕ ಹಲಗ್ನಿ ಚೆಪ್ಪಿಚ್ಗಾನಿ -ಯೋಹಾನನನಿ ದಾನ್ ಪೇರು ಅನಿ ರಾಸಾಡು.ಅಂದ್ಗೆ ಅಂದ್ರೂ ಆಶ್ಚರ್ಯo ಪಟ್ರಿ. ⁶⁴ ಕೂಡ್ಲೇ ವಾಡ್ಗಿ ನೋರು ವಚ್ಚ ,ನಾಲ್ಕ ಸಡ್ಲಾಯ,ವಾಡು ಮಟಾಡ್ನ ಶಕ್ತಿಉಂಡವಾಲೈ ದೇವುಡನಿ ಕೊಂಡಾಡನಾಡು . ⁶⁵ ಇನಿನ ಅಕ್ಕಪಕ್ಕವಳನ್ದ್ರುಗು ಭಯಂ ಉಂಟೈಂದಿ ;ಮಲಿ ಈ ಅಂತ ಸಂಗತಿಲ್ನಿ ಕುರ್ಚಿ ಯೂದಾಯದ ಮಲೆನಾಡಿನಂತ ಮಟ್ಲಾಡಗಂಟಉನ್ನರು. ⁶⁶ ಆಹಾ ,ಈ ಪಾಪು ಯಟ್ಟವಡೈತಾಡೂ ಅನಿ ಈ ಸಂಗತಿಲ್ನಿ ಮನಸ್ಲಾಪೆಟ್ಗಾನ್ನಾರು ಮಲಿ ಕರ್ತುಡ ಹಸ್ತಮು ದಾನ್ ಪೈನ ಉಂಡ್ಯ . ⁶⁷ ಇಂತೆಕಾದನಿ ಆ ಪಾಪುಡ ತಂಡ್ರಿಆಯ್ನ ⁶⁸ ಜಕರೀಯಡು ಪವಿತ್ರಾತ್ಮ ಭರಿತುಡೈ ಪ್ರವಾದನ ವಚನಂನಿ ನುಡ್ಸಿನ್ದ್ದಿ ಯೆಮಂಟೆ ⁶⁹ .ಇಸ್ರಾಯೇಲ್ ಜನಲ ದೇವುಡೈನ ಕರ್ತುಡುಗಿ ಸ್ತೂತ್ರೂo ; ⁷⁰ ಆ ಪಾಪುನ ವಿಷಂ ಅಯ್ಯಿ ಸೋಪ್ನ ಈ ಮಾಟ್ಲ್ಗಿ ದಾನ್ ತಂಡ್ರಿ ತಲ್ಲಿ ಆಶ್ಚರ್ಯಂಪಡ್ನಟ್ಲಾ ಸೀಮಿಯೋನುಡು ವಾಲ್ನಿ ⁷¹ ಅಶಿರ್ವಾದಿಚ್ಚಿ ತಲ್ಲಿಆಯ್ನಾ ಮರಿಯಾಳ್ಗಿ- ⁷² ಇನಾ ,ಈತುಡು ಇಸ್ರಾಯೇಲ್ ಜನಾಲಾ ಅನೇಕ್ಲು ಪೊಡದಾನ್ಗು ⁷³ ಅನೆಕ್ಲು ಲೇಸಾದಾನ್ಗಿ ಕಾರಣಂ ಐತಾಡು; ಮಲಿ ಜನಲು ಎದ್ರು ಮಟಾಡದಾನ್ಗಿ ಗುರುತುಐನ್ಟಾಡು; ⁷⁴ ಇಟ್ಲೇ ನಿಂಡ ಜನ್ಮ ಅಂತರಂಗಮ್ನ ವಿಚಾರಲು ಬೈಲ್ಗಿ ವಚ್ಚಾವಿ; ದೀನ್ಗಿ ಇತುಡು ಪುಟ್ಟಿನ್ದಿ . ⁷⁵ ನೀ ಪ್ರಾಣಂಗಿಂತ ಅಲ್ಗು ನೆಟ್ಟಿನಟ್ಲಅಯ್ತಾದಿ ಅನಿ ಸೋಪ್ನಾಡು. ⁷⁶ ವಾಡು ವಾಡ ದಾಸಿಯ ದೀನಸ್ಥಿಯ ಪೈನ ಲಕ್ಷ್ಯಂ ಪೆಟ್ಟಾಡು. ಇನಾ ,ಇಕ್ಕಡ್ನಿಂಕ ತಲತಲಾಂತವಳದ್ರು ನನ್ನಿ ಧನ್ಯಳುಅನಿ ಹೊಗಳ್ತಾಲು. .ಶಕ್ತುಡೈನ ನಾಕಿ ⁷⁷ ಪೆದ್ದ ಉಪಕಾರಂ ನೀ ಸೇಸ್ನಾಡು ;ವಾಡ ನಾಮಾಂ ಪರಿಶುದ್ದ ⁷⁸ ಮೈಂದಿ . .ಇಸ್ರಾಯೇಲ್ಯಳಾ ಅನೇಕಲೂ ವಾಳ ದೆವುಡೈನಾ ಕರ್ತುಡ ಕಡ್ಗಿ ತಿರಗಿಸ್ತಾಡು. . ⁷⁹ ವಾಡು ವಾಡ ಮುಂದ್ರ ಪೈ ಎಲಿಯಡ ಗುಣಂ ಶಕ್ತಿಲಿಂಕ ಕೂಡಿನವಾಡೈ ತಂಡ್ರಿಲ ಹೃದಯಮನಿ ಪಿಲ್ಗಳ ಕಡ್ಗಿ ಹಟo ಪೊಟ್ನಾವಲ್ನಿ ⁸⁰ ನಿತ್ಹಿವನ್ತ್ಲಾ ಜ್ಞಾನಂ ಕಡ್ಗಿ ತಿರ್ಗಿಚ್ಚಿ ಸಿದ್ದಮೈನ ಜನಲ್ನಿ ಕರ್ತಡ್ಗಿ ಓದ್ಗಿಸ್ತಾಡು ಅನಿ ಸೋಪ್ನಾಡು.